मुंबई : भोंदू अशोक खरात मनी लाँडरिंग प्रकरणात ईडीने प्रतिभा चाकणकर (Pratibha Chakankar) आणि त्यांचा मुलगा तन्मय चाकणकर याला समन्स पाठवलं आहे. समता नागरी सहकारी पतसंस्थमध्ये झालेल्या आर्थिक व्यवहाराप्रकरणी प्रतिभा चाकणकर आणि तन्मय चाकणकर यांची चौकशी होणार आहे. प्रतिभा चाकणकर या राज्य महिला आयोगाच्या माजी अध्यक्षा रूपाली चाकणकर यांच्या बहीण आहेत.
अशोक खरात प्रकरणात 70 कोटी रूपयांच्या घोस्ट अकाऊंटचा भांडाफोड झाला आहे. खरात प्रकरणात ईडीच्या तपासाला आता वेग आला असून प्रतिभा आणि तन्मय चाकणकर या दोघांनाही पुढील आठवड्यात चौकशीसाठी बोलावलं आहे.
Money Laundering Investigation : कोट्यवधींच्या व्यवहारांचा तपास
समता नागरी सहकारी पतसंस्थेत चार खात्यांतून गेल्या काही वर्षात 1 कोटी 20 रूपये ते 2 कोटी 40 लाख रूपयांचे आर्थिक व्यवहार झाले आहेत. हे सर्व बँक अकाऊंट्स अशोक खरातशी संबंधित होते. 134 हून अधिक प्रॉक्सी अकाऊंट्स खरात चालवत होता असा आरोप आहे. या सर्व खात्यांचा नॉमिनी खरात होता. ही सगळी खाती उघडताना एकाच मोबाईल नंबरचा वापर करण्यात आला होता. मात्र हे सर्व अकाऊंट्स बोगस असल्याचं आणि त्यांची खोटी सही सादर करून हे अकाऊंट्स सुरू करण्यात आलेत असं स्पष्टीकरण याआधीच प्रतिभा चाकणकर यांनी दिलं आहे.
Ashok Kharat Fake Accounts Allegation : बनावट खात्यांचा दावा
प्रतिभा चाकणकर यांनी या सर्व आरोपांचे खंडन करत संबंधित खाती पूर्णपणे बनावट असल्याचा दावा केला आहे. त्यांना कोणतीही माहिती न देता, बनावट स्वाक्षऱ्यांचा वापर करून ही खाती उघडण्यात आल्याचा दावा त्यांनी केला आहे.
Ashok Kharat Financial Network Exposure : 70 कोटींचा संशयित आर्थिक घोटाळा
तपासात 2022 ते 2024 दरम्यान 70 कोटी रुपयांहून अधिक संशयित व्यवहार आढळले आहेत. अशोक खरातने धार्मिक कार्यांच्या नावाखाली लोकांकडून आधार आणि पॅनसारखी कागदपत्रे गोळा करून त्यांचा गैरवापर केल्याचा आरोप आहे. या कागदपत्रांच्या आधारे अनेक ‘बेनामी’ आणि ‘घोस्ट’ अकाउंट्स उघडण्यात आले, ज्यांचा वापर पैशांची लेयरिंग करण्यासाठी करण्यात आला.
Nashik Bank System Failure : बँक यंत्रणेवर प्रश्नचिन्ह
या प्रकरणात पतसंस्थेचे संचालक संदीप कोयते यांनाही चौकशीसाठी बोलावण्यात आले आहे. एकाच मोबाईल नंबरवर आणि नॉमिनीवर अनेक खाती उघडली गेली असताना बँकेने कोणतीही ‘रेड फ्लॅग’ प्रणाली का लागू केली नाही, याबाबत ED चौकशी करत आहे.
ही बातमी वाचा: