Amravati Crime: अमरावती शहरात रविवारी घडलेल्या एका हत्येच्या घटनेनं सर्वत्र मोठी खळबळ उडवली होती. यात एका 45 वर्षीय महिलेची गळा कापून अतिशय निर्घृणपणे हत्या करण्यात आली होती. नीलिमा उर्फ पिंकी खरबडे असे हत्या झालेल्या महिलेचे नाव होते. दरम्यान या घटनेनंतर पोलिसांनी घटनास्थळ गाठत अधिक तपास सुरु केला असता गुन्हे शाखेने आता या हत्येचा उलगडा केलाय. दरम्यान नीलिमा यांची हत्या पतीनेच केली असून ब्लॅकमेलिंगला कंटाळून पतीनेच पत्नीला संपविले असल्याचं समोर आलं आहे.
Amravati Crime News : सनी निलीमाच्या घरी दारूच्या बाटल्या घेऊन गेला, सोबत दारू पिले, अन्.....
मिळालेल्या माहितीनुसार, सनी उर्फ नितीन इंगोले असे पतीचे नाव असून तो भूजल सर्वेक्षणच्या पाणीपुरवठा आणि स्वच्छता विभागात कार्यरत आहे. नीलिमा हिच्या पती आणि मुलाच्या मृत्यूनंतर ती एकटी राहत होती. दोन महिन्यापूर्वी सनीने नीलिमासोबत लग्न केले. आता ती त्याला त्याच्या घरी घेऊन जाण्याचा आग्रह करीत होती. अशातच 30 नोव्हेंबरला रात्री सनी निलीमाच्या घरी दारूच्या बाटल्या घेऊन गेला. दोघांनीही मद्यपान केले. त्यांनतर ती महिला झोपी गेली. ती गाढ झोपेत असताना सनीने तिच्या डोक्यावर दगडाने वार केले आणि तिच्या मानेवर चाकूने वार करून हत्या केली. हत्येनंतर सनी मागच्या दाराने बाहेर पडला.
Amravati Crime : मारेकरी सनीला पोलिसांकडून अटक
दरम्यान या रक्तरंजित हत्येच्या घटनेनंतर पोलीसांनी तपासाचे चक्र गतिमान करत मारेकरी सनी उर्फ नितीन इंगोलेचा शोध घेतला व त्याला अटक केली. सध्या तो पोलिसांच्या त्याब्यात असून पोलीस या घटनेचा अधिक तपास करत आहे. मात्र या घटनेने शहरात एकच खळबळ उडाली आहे.
Thane Crime : किरकोळ वाद विकोपाला; ठाण्यात केअरटेकरची हत्या
ठाण्यातील संजय गांधी उद्यान येथे येऊर पंचवटी बंगल्यात भानू प्रताप सिंग नावाच्या केअरटेकरची किरकोळ वादातून हत्या करण्यात आलीय. मित्रा सोबत पार्टी करत असताना झालेल्या किरकोळ वादातून मित्रांनीच हि हत्या केलीय. भानू प्रताप सिंग असे मयत केयरटेकर याचे नाव असून त्याचा मित्र राजकुमार यादव याच्या सोबत शाब्दिक वाद झाल्याने लाठीकाठीने मारत आरोपी राजकुमार यादव याने हत्या केल्याची प्राथमिक माहिती आहे. रात्री दीडच्या दरम्यान हि घटना घडली असून येऊर गावात यामुळे खळबळ उडाली आहे. स्थानिक पोलिसांनी पंचनामा केला असून आरोपी राजकुमार यादवला वर्तकनगर पोलीस ठाण्यात ताब्यात घेतले आहे. गुन्हा दाखल करण्याचं काम सध्या सुरू असून अधिकचा तपास पोलीस करत आहे.
इतर महत्वाच्या बातम्या