धक्कादायक! अल्पवयीन मुलीवर दिवसाढवळ्या प्राणघातक हल्ला; एकतर्फी प्रेमातून हल्ला झाल्याचा संशय, घटनेनं परिसर हादरला
Amravati Crime News : अमरावती शहरातून एक खळबळजनक बातमी समोर आली आहे. अमरावतीत दिवसाढवळ्या एका अल्पवयीन मुलीवर प्राणघातक हल्ला करण्यात आला आहे.
Amravati Crime News : अमरावती शहरातून एक खळबळजनक बातमी समोर आली आहे. अमरावतीत (Amravati Crime) दिवसाढवळ्या एका अल्पवयीन मुलीवर प्राणघातक हल्ला करण्यात आला आहे. शहरातील राजापेठ अंडरपासजवळ सकाळी 8.30 च्या सुमारसा ही घटना घडल्याची माहिती पुढे आली आहे. एकतर्फी प्रेमातून (One Side Love) हा चाकू हल्ला (Crime News) झाल्याचा संशय व्यक्त केला जातोय. तर या प्रकरणातील संशयित आरोपी प्रफुल काळकर (वय 23 वर्ष) याला पोलीसांनी केली अटक केली असून पुढील कायदेशीर कारवाई सध्या केली जात आहे. मात्र या घटनेनं संपूर्ण परिसरसह अमरावती हादरला असल्याचे चित्र आहे.
अल्पवयीन मुलीवर दिवसा ढवळ्या प्राणघातक हल्ला
हाती आलेल्या माहितीनुसार, अमरावती शहरातील राजपेठ अंडरपास मार्गे एक अल्पवयीन मुलगी कॉलेजला पैदल जात होती. दरम्यान, या मुलीच्या परिसरातच राहणाऱ्या एका युवकाने तिची वाट अडवली आणि वाद घालण्यास सुरुवात केली. त्यानंतर त्याने सोबत आणलेल्या धारधार शस्त्राने तरुणीच्या गळ्यावर चाकूने वार करून तिला जखमी केलं. मुख्य रस्त्यावर दिवसाढवळ्या ही घटना घडल्याने परिसरात एकच खळबळ उडाली. या नंतर परिसरात उपस्थित असलेल्या नागरिकांनी जखमी युवतीकडे धाव घेतली. दारम्यन मारेकरी पळ काढण्याच्या तयारीत असताना त्याचा पाठलाग करून जवळील ऑटो चालकांनी त्याला पकडून जबर मरण करत चांगलीच धुलाई केली. यानंतर या संपूर्ण घटनेची माहती राजपेठ पोलिसांना देण्यात आली असून पोलिसांनी या मारेकऱ्याला अटक केली असून पुढील कायदेशीर कारवाई पोलीस करत आहेत.
एकतर्फी प्रेमातून हल्ला झाल्याचा संशय
तर जखमी अल्पवयीन मुलीवर जिल्हा रुग्णालयात सध्या उपचार सुरू आहेत. धक्कादायक बाब म्हणजे, याआधी देखील याच मुलाने अल्पवयीन मुलीला अडीच महिन्यांपूर्वी छेडले होते. त्यावेळी राजापेठ पोलीस ठाण्यात या प्रकरणातील संशयित आरोपी प्रफुल काळकर विरोधात पोस्को अंतर्गत गुन्हा ही दाखल झाला होता. त्यानंतर पुन्हा ही घटना घडली असून एकतर्फी प्रेमातून हा हल्ला झाल्याचा संशय सध्या व्यक्त केला जात आहे.
नवजात शिशुला चक्क नालीत फेकल्याचा धक्कादायक प्रकार उघड
अशीच एक दुसरी धक्कादायक घटना आज अमरावती घडली आहे. अमरावतीत जन्मलेल्या बाळाला चक्क नालीत फेकल्याचा धक्कादायक प्रकार समोर आलाय. अमरावतीच्या धारणी तालुक्यातील मोगर्डा गावातील ही घटना आहे. यात मोगर्दा गावात एका नवजात शिशुला नालीत फेकण्यात आले आहे. इतकच नाही तर त्याच्या अंगावर गवताचा गठ्ठा देखील टाकण्यात आल्याचे कृत्य कुण्या अज्ञाताने केलं आहे. मात्र, दैव बलवत्तर म्हणून या बाळाचे प्राण वाचले आहे. सध्या या बाळाला धारणी येथील उपजिल्हा रुग्णालयात ठेवण्यात आले आहे. मात्र, या घटनेने सर्वत्र एकच खळबळ उडाली असून पोलीस पुढील तपास करत असून या घटनेमागे नेमकं कोण, याचा देखील शोध घेत आहे.
इतर महत्वाच्या बातम्या
महत्त्वाच्या बातम्या
