Amravati Crime News: आशा वर्करकडूनच तीन महिन्यांच्या गर्भवती महिलेला जबर मारहाण; पोटावरव ही मारलं, दातही पाडले; मेळघाटातील घटना
अमरावती जिल्ह्यातून एक खळबळजनक बातमी समोर आली आहे. यात घर बांधकामाच्या किरकोळ वादावरून आशा वर्करनेच एका तीन महिन्यांच्या गर्भवती महिलेच्या पोटावरव तसेच गुप्तांगावर जबर मारहाण केल्याची घटना घडली आहे.
Amravati Crime News : अमरावती जिल्ह्यातून एक खळबळजनक बातमी समोर आली आहे. यात घर बांधकामाच्या किरकोळ वादावरून आशा वर्करनेच (Asha Worker) एका तीन महिन्यांच्या गर्भवती महिलेच्या पोटावरव तसेच गुप्तांगावर जबर मारहाण केल्याची घटना घडली आहे. या मारहाणीत गर्भवती महिलेचे (Pregnant Woman) दातही पाडले असल्याचे पुढे आले आहे. अमरावती जिल्ह्यातील चिखलदरा तालुक्यातील डोमा येथील ही घटना असून या घटनेने परिसरात एकच खळबळ उडाली आहे. या प्रकरणी पोलिसांकडे तक्रार दाखल करण्यात आली असून अधिक तपास सध्या पोलीस करत आहे.
....तर मेळघाट्यातील आदिवासी महिलांनी कोणावर विश्वास ठेवायचा?
पुढे आलेल्या माहितीनुसार, गर्भवती महिलेसह तिच्या पतीलाही लाकडी काठीने जोरदार मारहाण करण्यात आली आहे. त्यात तिचा पती देखील गंभीर जखमी झाल्याची माहिती समोर आली आहे. त्या गर्भवती महिलेवर आणि तिच्या जखमी पतीवर चूरणी येथील ग्रामीण रुग्णालयात सध्या उपचार सुरू आहे. या प्रकरणी चिखलदरा पोलिसात तक्रार दाखल झाल्यानंतर चिखलदरा पोलिसांनी मारहाण करणाऱ्या आशा वर्कर आणि तिच्या पतीला ताब्यात घेतले आहे. मात्र गर्भवती महिलांची काळजी घेण्यासाठी नियुक्त असलेल्या आशा वर्करकडूनच गर्भवती महिलांना अशा प्रकारची मारहाण होत असेल तर मेळघाट्यातील आदिवासी महिलांनी कोणावर विश्वास ठेवायचा? असा प्रश्न या निमित्याने उपस्थित केला जात आहे.
एमडी ड्रग्ज प्रकरणातील फरार संशयिताशी पीएसआयचा तब्बल ३५२ वेळा कॉल?
जळगाव स्थानिक गुन्हे शाखेतील (एलसीबी) पोलिस उपनिरीक्षक दत्तात्रय पोटे यांचे एमडी ड्रग्ज प्रकरणातील फरार संशयिताशी तब्बल ३५२ वेळा मोबाईलवर संवाद झाल्याचे पोलिस तपासात समोर आल्यानंतर पोलीस दलात एकच खळबळ उडाली आहे. पीएसआय दत्तात्रय पोटे यांच्याविरोधात शहरातील एमडी ड्रग्जसाठा प्रकरणातील फरार आरोपी व सध्या दुबईमध्ये असल्याचा संशय असलेल्या अरबाजशी वारंवार संवाद झाल्याबाबत अरबाजच्या मोबाईल सीडीआर तपासात समोर आले आहे.
मागील काळात या दोघात 352 वेळा फोनवर संपर्क झाल्याचे निष्पन्न झाले. पीएसआय पोटे हे एमआयडीसी पोलीस स्थानकात कार्यरत असताना दोघांमध्ये हा संवाद झाल्याचे मानले जात आहे. यासंदर्भात उपविभागीय पोलिस अधिकारी संदीप गावित यांच्या मार्फत चौकशी सुरू करण्यात आली आहे. पीएसआय पोटे यांचे मोबाईल कॉल डिटेल रेकॉर्ड (डीसीआर) व संभाषणाचे रेकॉर्डिंग तपासण्यात आले. या प्रकरणावर स्पष्टीकरण देताना पोलिस अधीक्षक डॉ. रेड्डी यांनी, “पोटे व संशयित यांच्यातील संभाषणाचे रेकॉर्डिंग तपासण्यात आले असून, त्यात तूर्त तरी कोणतेही आक्षेपार्ह मजकूर आढळून आलेला नाही,” असे स्पष्ट केले.
दरम्यान, पीएसआय पोटे यांची एक महिन्यापूर्वी एलसीबीतून जिल्हा पोलिस नियंत्रण कक्षात बदली करण्यात आलेली आहे. या घडामोडींमुळे पोलिस दलात एकच खळबळ उडाली आहे. दरम्यान, अबरार कुरेशी हा पीएसआय पोटे यांचा इनफॉर्मार म्हणून काम करायचा, असा दावा पोलिसांकडून केला जात आहे. परंतु आता चौकशी अंतिम सत्य काय ते समोर येणार आहे. चौकशीत दोषी आढळून आल्यास कठोर कारवाई करण्याचा इशारा ही पोलिस अधीक्षक यांनी दिला आहे.
इतर महत्वाच्या बातम्या
महत्त्वाच्या बातम्या
