Accident News: काम करताना किरकोळ वाद; थट्टामस्करीत म्हणाला, मी स्वतःलाच सुरी भोसकून घेतो अन्... ; किरकोळ वादातून पुण्याच्या तरुणाचा गोव्यात दुर्दैवी अंत
Accident News: भाड्याच्या खोलीत मैत्रिणीसोबत राहणाऱ्या एका २६ वर्षांच्या तरुणाचा थट्टामस्करीत स्वतःच्या पोटात सुरी खुपसल्यामुळे दुर्दैवी मृत्यू झाला.
म्हापसा: कामाच्या ताणतणावात किंवा किरकोळ वादाच्या वेळी नकळत केलेली एक चुकीची कृती आणि मस्करी किती भयानक व जीवघेणी ठरू शकते, याचा धक्कादायक प्रत्यय गोव्यातील (Accident News) राय-शिवोली (ता. हणजूण) येथे आला आहे. भाड्याच्या खोलीत मैत्रिणीसोबत राहणाऱ्या एका २६ वर्षांच्या तरुणाचा थट्टामस्करीत स्वतःच्या पोटात (Accident News) सुरी खुपसल्यामुळे दुर्दैवी मृत्यू झाला. शुक्रवारी सकाळी साडेअकरा वाजण्याच्या सुमारास ही भीषण घटना घडली असून, या घटनेमुळे परिसरात प्रचंड खळबळ उडाली आहे.(Accident News)
रोहित प्रवीण जळगावकर (वय २६, मूळ रा. पुणे) असे मृत पावलेल्या दुर्दैवी तरुणाचे नाव आहे. रोहित आणि त्याची हैदराबाद येथील एक मैत्रीण राय-शिवोली येथील एका भाड्याच्या खोलीत एकत्र वास्तव्यास होते. दोघेही माहिती तंत्रज्ञान (IT) क्षेत्रातील एका कंपनीत कार्यरत होते आणि घरातूनच 'वर्क फ्रॉम होम' (Work From Home) पद्धतीने आपले कंपनीचे काम करत होते.(Accident News)
शुक्रवारी सकाळी नेहमीप्रमाणे दोघेही आपापल्या काम करत असताना त्यांच्यात एका किरकोळ विषयावरून शाब्दिक वाद सुरू झाला. वाद वाढत असताना रोहितने भावनिक भरात आणि मस्करीच्या ओघात स्वयंपाकघरातील धारदार सुरी उचलली. त्याची मैत्रीण काम करत असताना, रोहितने तिला घाबरवण्यासाठी आणि मस्करी म्हणून "मी स्वतःलाच सुरी भोसकून घेतो," अशी धमकी देण्यास सुरुवात केली.परंतु, ही मस्करी काही क्षणांतच भीषण दुर्घटनेत बदलली. रोहितच्या हातातील धारदार सुरी थेट त्याच्या पोटात खोलवर रुतली. सुरी पोटात शिरताच मोठा घाव निर्माण झाला आणि काहीच वेळात खोलीत रक्ताचा सडा पडला. हा भयानक प्रकार पाहून त्याची मैत्रीण प्रचंड घाबरली. तिने तात्काळ मदतीसाठी आरडाओरड केली आणि स्थानिक नागरिकांच्या मदतीने रक्ताच्या थारोळ्यात पडलेल्या रोहितला तात्काळ शिवोली येथील प्राथमिक आरोग्य केंद्रात उपचारासाठी हलवले.
परंतु, पोटात गंभीर दुखापत झाल्यामुळे अतिप्रमाणात रक्तस्राव झाला होता. आरोग्य केंद्रातील डॉक्टरांनी तपासणी केल्यानंतर रोहितचा उपचारापूर्वीच मृत्यू झाल्याचे घोषित केले. घटनेची माहिती मिळताच हणजूण पोलीस ठाण्याचे पथक घटनास्थळी दाखल झाले. पोलिसांनी घटनेचा पंचनामा केला असून खोलीतून महत्त्वाचे पुरावे गोळा केले आहेत. घटनेच्या वेळी खोलीत उपस्थित असलेल्या रोहितच्या मैत्रिणीला पोलिसांनी ताब्यात घेतले असून तिची सखोल जबानी नोंदवून घेतली आहे. हणजूण पोलिसांनी या प्रकरणी अनैसर्गिक मृत्यूची (Accidental Death) नोंद केली आहे. पोलीस निरीक्षक कृष्णा सिनारी यांच्या मार्गदर्शनाखाली हणजूण पोलीस या प्रकरणाचा पुढील तपास करत आहेत.
महत्त्वाच्या बातम्या
