मुंबई : आज शेअर बाजारात आयटी कंनप्यांच्या शेअरमध्ये घसरण पाहायला मिळाली. एआय संदर्भातील एका अपडेटमुळं भारतातील आयटी कंपन्यांच्या शेअरमध्ये घसरण पाहायला मिळाली. भारतीय शेअर बाजारात आज मजबुती दिसून आली. आयटी कंपन्यांच्या शेअरमध्ये जोरदार घसरण झाली पाहायला मिळाली. टाटा कन्सलटन्सी सर्व्हिसेस 7 टक्के, इन्फोसिसमध्ये 8 टक्के घसरण झाली आहे. एचसीएल टेक, टेक महिंद्रा आणि विप्रोच्या शेअरमध्ये घसरण झाली. आयटी कंपन्यांच्या बाजारमूल्यात 2 लाख कोटी रुपयांची घसरण झाली आहे. म्हणजेच गुंतवणूकदारांचं नुकसान झालं आहे.
आर्टिफिशिअल इंटेलिजन्स कंपनी Anthropic यांच्याकडून नव्या अपडेट एआय टूल लाँच करण्याची घोशणा करण्यात आली. या टूलद्वारे कागदपत्राची पडताळणी डेटा हँडलिंग, एनालिटिकल आणि प्रोसेसिंग संदर्भातील दररोजची कामं केली जाऊ शकतात. या टूल कडून केल्या जाणाऱ्या कामासाठी जगातील मोठ्या कंपन्या भारतीय आयटी सेवा पुरवठादारांवर अवलंबून आहे. यामुळं एआय सेवा सुरु झाल्यास पारंपरिक आयटी सेवांची मागणी कमी होऊ शकते, अशी भीती गुंतवणूकदारांना आहे.
ADR मध्ये घसरण
अमेरिकन बाजारात लिस्ट्सलेल्या अमेरिकन डिपॉझिटरी रिसीप्टसवर याचा परिणाम दिसून आला आहे. इन्फोसिस, विप्रो आणि एडीआरमध्ये घसरण झाली. एडीआरच्या शेअरमध्ये घसरण झाल्यास दुसऱ्या दिवशी त्याचा परिणाम भारतीय बाजारावर दिसून येतो. बरोबर या प्रमाणेच भारतीय शेअर बाजारा सुरु होताच गुंतवणूकदारांनी आयटी शेअरची विक्री केली. यामुळं जोरदार विक्री पाहायला मिळाली.
सध्या शेअर बाजारात घसरण झाल्याचं पाहायला मिळाली आहे. भविष्यात काय घडेल या विचारानं आयटी कंपन्यांच्या शेअरची विक्री झाल्याचं पाहायला मिळालं. आयटी कंपन्यांची कामगिरी न पाहता झालेली ही घसरण झाली आहे. एआयचा वाढता प्रभाव यामुळं आयटी कंपन्यांकडून एआय संदर्भातील रणनीती, उत्पन्नाची स्थिती, ग्राहकांची मागणी यावर बाजाराची दिशा स्पष्ट होईल.
(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)