Stock Market In This Week: मुंबई : येत्या 1 फेब्रुवारीला अर्थमंत्री निर्मला सीतारमण (Nirmala Sitharaman) मोदी सरकारचा अंतरिम अर्थसंकल्प (Interim Budget) सादर करणार आहेत. त्यामुळे शेअर बाजारातील (Stock Market) येता आठवडा अतिशय व्यस्त असणार आहे. त्यातल्यात्यात अत्यंत महत्त्वाची बाब म्हणजे, येत्या काही दिवसांतच अमेरिकेच्या फेडच्या व्याजदराचा निर्णय येणार आहे. याव्यतिरिक्त तिसऱ्या तिमाहीचे निकाल, वित्तीय तूट आणि पायाभूत सुविधांचे आकडेही येणार आहेत. याचा थेट परिणाम शेअर बाजारावर (Stock Market News) होणार आहे. त्यामुळे येत्या आठवडाभरात शेअर बाजारात वाढ होण्याची शक्यता तज्ज्ञांकडूनही वर्तवली जात आहे.
गेल्या आठवड्यात शेअर बाजार घसरणीसह बंद झाला होता. सेन्सेक्स (Sensex) 359 अंकांनी घसरून 70, 700 वर, तर निफ्टी (Nifty) 101 अंकांनी घसरून 21,352 वर होता. या आठवड्यात शेअर बाजारात अनेक मोठे बदल होणार आहेत. शेअर बाजारातून या आठवड्यात काय बदल होणार आहेत, ते जाणून घेऊयात...
'या' कंपन्यांचे तिमाही निकाल
स्टेट बँक ऑफ इंडिया (SBI), टाटा मोटर्स (Tata Motors), ITC, अदानी ग्रीन एनर्जी (Adani Green Energy), बजाज फायनान्स (Bajaj Finance), भारत पेट्रोलियम कॉर्पोरेशन (Bharat Petroleum Corporation), गेल (इंडिया), डॉ. रेड्डीज लॅबोरेटरीज, लार्सन अँड टुब्रो (Larsen & Toubro), व्होल्टास, अंबुजा सिमेंट्स, डाबर इंडियाची डिसेंबर तिमाही कमाई, मारुती सुझुकी इंडिया, सन फार्मास्युटिकल इंडस्ट्रीज, बजाज फिनसर्व्ह, व्होडाफोन आयडिया, मॅरिको, एनटीपीसी, पिरामल एंटरप्रायझेस, बजाज होल्डिंग्ज अँड इन्व्हेस्टमेंट, जिंदाल स्टील अँड पॉवर, रेमंड, आरआयटीईएस, टायटन कंपनी, अदानी एंटरप्रायझेस आणि अदानी पोर्ट्सचे डिसेंबरच्या तिमाहीचे निकाल जारी होणार आहेत.
आर्थिक आकडे होणार जारी
नव्या महिन्याची सुरुवातही याच आठवड्यात होईल. अशा परिस्थितीत वाहन विक्रीसह अनेक आर्थिक आकडेही जाहीर होतील. सरकारी बजेट किंमत आणि इंफ्रास्‍ट्रक्‍चर आउटपुटचा आकडा डेटा 31 जानेवारी रोजी जारी केला जाईल. याशिवाय 1 फेब्रुवारीला बाजारातील गुंतवणूकदारांच्या नजरा एचएसबीसी मॅन्युफॅक्चरिंग पीएमआयवरही असतील. तसेच, परकीय चलनाच्या भंडाराची आकडेवारी 2 फेब्रुवारी रोजी प्रसिद्ध केली जाईल.
अमेरिकन बाजारावरही परिणाम होणार
अमेरिकेतून जागतिक आघाडीवर, व्यापारी डॅलस फेड मॅन्युफॅक्चरिंग इंडेक्स, 29 जानेवारीला JOLTs जॉब ओपनिंग, 30 जानेवारीला डॅलस फेड सर्व्हिसेस इंडेक्स, 31 जानेवारीला शिकागो PMI, फेड व्याजदर निर्णय, S&P ग्लोबल यावर लक्ष ठेवतील. यानंतर, मॅन्युफॅक्चरिंग पीएमआय, बेरोजगारी दर, सरकारी वेतन आणि उत्पादन वेतन रोलचा डेटा 2 फेब्रुवारी रोजी जारी केला जाईल.
बँक निफ्टीमध्ये तेजी
बिजनेस टुडेच्या वृत्तानुसार, एलकेपी सिक्योरिटीजच्या एक्सपर्ट कुणाल शाहने म्हटलं की, बँख निफ्टी (Bank Nifty) या आठवड्यादरम्यान तेजी पाहायला मिळू शकते. निर्देशांक नजीकच्या काळात 45500/46000 पातळीच्या दिशेनं संभाव्य तेजीचा अंदाज व्यक्त करतो.
(टीप : वरील सर्व बाबी केवळ माहिती म्हणून सर्वांपर्यंत पोहोचवत आहोत. एबीपी माझा कोणताही दावा करत नाही. शेअर बाजारात कोणतीही गुंतवणूक करण्यापूर्वी तुमच्या मार्केट तज्ज्ञांचा सल्ला जरूर घ्या.)