Silver Rate : चांदीनं एका वर्षात दिला 98 टक्के परतावा, जानेवारीत खेळ बिघडला, गुंतवणूकदार नफ्यात की तोट्यात?
Silver Rate : चांदीमध्ये गुंतवणूक करणाऱ्यांना एका वर्षात 98 टक्के परतावा मिळाला आहे. मात्र, काही रिटेल गुंतवणूकदारांना 18 टक्के इतकाच परतावा मिळाला आहे.
Silver Rate नवी दिल्ली : चांदीमध्ये गुंतवणूक करणाऱ्यांना गेल्या वर्षभरात 98 टक्के परतावा मिळाला आहे. चांदीच्या दरात गेल्या वर्षात मोठी वाढ झाली होती. जानेवारी 2026 मध्ये चांदीच्या दरानं 4 लाखांचा टप्पा ओलांडला होता. मात्र, त्यानंतर चांदीच्या दरात मोठी घसरण झाली. या सर्व घडामोडींमध्ये चांदीमध्ये गुंतवणूक करणाऱ्या काही रिटेल गुंतवणूकदारांना फक्त 18 टक्क्यांपर्यंत परतावा मिळाला आहे.
DSP म्युच्युअल फंडच्या सप्टेंबर 2026 च्या NETRA अर्ली मध्ये यासंदर्भात दावा करण्यात आला आहे. धक्कादायक बाब म्हणजे 31 जुलै 2026 पर्यंत गेल्या 12 महिन्यात सिल्वर ईटीएफएस जी मध्ये गुंतवणूक ती 56 टक्के तोट्यात आहे. चांदीमध्ये गुंतवणूक करणाऱ्यांना वार्षिक 98 टक्के परतावा दिसत असला तरी बहुतांश गुंतवणूकदार तोट्यात आहेत. तर, काही जणांना 18 टक्के परतावा मिळाला आहे.
चांदीमध्ये गुंतवणूक केल्यानं काही गुंतवणूकदारांना 18 टक्के परतावा कसा मिळाला हे जाणून घेण्यासाठी मार्केट रिटर्न आणि इन्वेस्टर रिटर्न यातील फरक समजून घ्यावा लागेल. 18 टक्के आकडेवारी ही इन्वेस्टर रिटर्न मनी वेटेड रिटर्न आहे. यामध्ये गुंतवणूकदारानं किती पैशांची गुंतवणूक केली आणि तो पैसा बाजारात कधी आला याचा विचार केला जातो. म्हणजेच सुरुवातीला 1 लाख रुपयांची गुंतवणूक केल्यास आणि त्यामध्ये नफा वाढल्यास गुंतवणूकदारानं 5 लाखांची गुंतवणूक केल्यास त्यावर मिळालेल्या परताव्याचा परिणाम दिसून येईल.
जानेवारी 2026 चांदीच्या दरामध्ये मोठ्या घडामोडी दिसून आल्या. जानेवारी 2026 मध्ये सिल्वर ETFs मध्ये 11761 कोटी रुपयांचा इनफ्लो आला होता. चांदीचे दर सर्वाधिक होते तेव्हा ही गुंतवणूक आली होती. DSP च्या विश्लेषणानुसार 31 जुलै 2026 पर्यंत 12 महिन्यांमध्ये सिल्वर ईटीएफएस मध्ये पैसे लावण्यात आले होते. ती गुंतवणूक तोट्यात आहे. बहुतांश गुंतवणूकदारांनी चांदीचे दर वाढल्यानंतर गुंतवणूक केल्यानं दर घसरल्यानंतर त्यांचं नुकसान झालं.
चांदीच्या दरात मोठी वाढ झाल्यानंतर गुंतवणूक केल्यानं गुंतवणूकदारांना फटका बसला आहे. काही गुंतवणूकदारांनी चांदीचे दर वाढत राहतील असा अंदाज बांधत गुंतवणूक केल्यानं त्यांना फटका बसला.
महत्त्वाच्या बातम्या
