Share Market : आठवड्यातील सलग दुसऱ्या दिवशी शेअर बाजारातील व्यवहार तेजीसह बंद झाले. गुंतवणूकदारांनी केलेली खरेदी, आर्थिक सर्वेक्षणातील काही सकारात्मक बाबी, विकास दराचा अंदाज आणि चांगल्या अर्थसंकल्पाच्या अपेक्षेनेही बाजारात तेजी दिसून आली. बँकिंग सेक्टरमध्ये शेअर बाजारातील स्टॉक्समध्ये तेजी दिसून आली. त्यामुळे मुंबई शेअर बाजाराचा निर्देशांक सेन्सेक्स 50 अंकांच्या तेजीसह 59,549.90 अंकांवर स्थिरावला. तर, राष्ट्रीय शेअर बाजाराचा निर्देशांक निफ्टी 13 अंकांनी वधारत 17,662.15 अंकांवर स्थिरावला.
शेअर बाजारात आज व्यवहार झालेल्या सूचीबद्ध कंपन्यांपैकी 2368 कंपन्यांच्या शेअर दरात तेजी दिसून आली. तर, 1026 शेअर दरात घसरण झाली. 131 कंपन्यांच्या शेअर दरात कोणताही बदल झाला नाही.
आज दिवसभरातील व्यवहारात बँकिंग, ऑटो, सार्वजनिक क्षेत्रातील बँका, एफएमसीजी, मेटल्स, मीडिया, एनर्जी आणि ग्राहकोपयोगी वस्तूंच्या सेक्टरमध्ये खरेदीचा जोर दिसून आला. तर, आयटी, हेल्थकेअर, फार्मा सेक्टरच्या शेअर दरात विक्रीचा सपाटा दिसून आला. मिडकॅप आणि स्मॉलकॅप शेअर दरात खरेदीचा जोर दिसून आला. सेन्सेक्समधील 30 पैकी 19 कंपन्यांच्या शेअर दरात तेजी दिसून आली. तर, निफ्टी 50 मधील 24 कंपन्यांच्या शेअर दरात तेजी दिसून आली आणि 25 कंपन्यांचे शेअर दर घसरले.
| इंडेक्स | किती अंकावर बंद | दिवसभरातील उच्चांक | दिवसभरातील नीचांक | किती टक्के बदल? |
| BSE Sensex | 59,601.51 | 59,787.63 | 59,104.59 | 00:02:27 |
| BSE SmallCap | 28,230.29 | 28,267.10 | 27,594.44 | 2.30% |
| India VIX | 16.88 | 18.37 | 16.565 | -4.71% |
| NIFTY Midcap 100 | 30,676.45 | 30,736.10 | 30,111.00 | 0.0163 |
| NIFTY Smallcap 100 | 9,501.75 | 9,526.25 | 9,233.60 | 0.0291 |
| NIfty smallcap 50 | 4,297.15 | 4,308.15 | 4,180.30 | 0.0278 |
| Nifty 100 | 17,601.00 | 17,644.15 | 17,467.50 | 0.0017 |
| Nifty 200 | 9,222.05 | 9,239.10 | 9,144.10 | 0.0035 |
| Nifty 50 | 17,662.15 | 17,735.70 | 17,537.55 | 0.0007 |
आज बाजारातील दिवसभरातील व्यवहारात अदानी समूहातील कंपन्या आणि आयटी सेक्टरमध्ये विक्रीचा जोर दिसून आला. ऑटो आणि मेटल शेअरमध्ये तेजी दिसून आली. ऑटो इंडेक्समध्ये दोन टक्के, मेटलमध्ये 1.5 टक्के, रियल्टीमध्ये एक टक्का आणि निफ्टी बँकमध्ये तेजी दिसून आली.
महिंद्रा अॅण्ड महिंद्रा कंपनीच्या शेअर दरात 3.41 टक्के, अल्ट्राटेक सिमेंटच्या शेअर दरात 3.09 टक्के, पॉवरग्रीडमध्ये 3.02 टक्के, एसबीआयच्या शेअर दरात 2.85 टक्के, आयटीसीच्या शेअर दरात 2.21 टक्के, टायटन कंपनीच्या शेअर दरात 1.99 टक्के, टाटा मोटर्सच्या शेअर दरात 1.94 टक्के, एनटीपीसीच्या शेअर दरात 1.36 टक्क्यांची तेजी दिसून आली.
तर, टीसीएसच्या शेअर दरात 2.27 टक्के, बजाज फायनान्सच्या शेअर दरात 2.26 टक्के, टेक महिंद्राच्या शेअर दरात दोन टक्के, एशियन पेंट्सच्या शेअर दरात 1.43 टक्के, सन फार्माच्या शेअर दरात 1.30 टक्के, एचडीएफसीच्या शेअर दरात 0.91 टक्के, विप्रोमध्ये 0.89 टक्क्यांची तेजी दिसून आली.
रुपयात घसरण
आज डॉलरच्या तुलनेत रुपयामध्ये 42 पैशांनी घसरण झाली. आज रुपया डॉलरच्या तुलनेत 81.92 वर स्थिरावला. सोमवारी 81.50 रुपयांवर स्थिरावला होता.