Petrol Diesel Price Today 9th October 2022: मागील काही दिवसांपासून आंतरराष्ट्रीय बाजारात कच्च्च्या तेलाचे दर वधारले आहेत. मागील आठवड्यात कच्च्या तेलाच्या दरात चांगलीच तेजी दिसून आली. आंतरराष्ट्रीय बाजारात कच्च्या तेलाचे दर प्रति बॅरल 100 डॉलरजवळ पोहचले आहत. शुक्रवारी ब्रेंट क्रूड ऑईलचा दर 98.45 डॉलर प्रति बॅरल इतका झाला. तर, WTI क्रूड ऑईलचा दर 93.20 डॉलर प्रति बॅरल इतका झाला. या पार्श्वभूमीवर भारतातील इंधन कंपन्यांनी आजचे पेट्रोल, डिझेलचे दर जाहीर केले आहेत. देशात पेट्रोल, डिझेलचा दर स्थिर आहे. 


कच्च्या तेलाच्या दरात अशीच तेजी राहिल्यास 100 डॉलरचा टप्पा ओलांडला जाण्याची अधिक शक्यता आहे. तेल उत्पादक देशांची संघटना ओपेक प्लसने तेल उत्पादन कपात करण्याचा निर्णय घेतला आहे. त्याच्या परिणामी हा कच्च्या तेलाच्या दरात वाढ झाली आहे. कच्च्या तेलाच्या दरात वाढ होत असल्याने भारतातही आता इंधन दरवाढीची टांगती तलवार आहे. 


मागील 141 दिवसांपासून देशातील इंधन दरात कोणताही बदल झाला नाही. महाराष्ट्रात जुलै महिन्यांपासून पेट्रोल, डिझेलचे दर स्थिर आहेत. 


राज्यातील प्रमुख शहरात दर काय?


> नागपूर: पेट्रोल 106.04 रुपये प्रति लिटर, डिझेल 92.59 रुपये प्रति लिटर
> पुणे: पेट्रोल105.84 रुपये प्रति लिटर, डिझेल 92.36 रुपये प्रति लिटर 
> कोल्हापूर: पेट्रोल 106.47 रुपये प्रति लिटर, डिझेल 93.01 रुपये प्रति लिटर
>औरंगाबाद: पेट्रोल 108 रुपये, डिझेल 95.96 प्रति लिटर 


देशातील प्रमुख महानगरात इंधन दर काय?


> दिल्ली: पेट्रोल 96.72 रुपये प्रति लिटर आणि डिझेल 89.62 रुपये प्रति लिटर 
> कोलकातामध्ये पेट्रोल 106.03 रुपये प्रति लिटर आणि डिझेलचा 92.76 रुपये प्रति लिटर 
> चेन्नईत पेट्रोल 102.63 रुपये आणि डिझेल 94.24 रुपये प्रति लिटर
> मुंबई: पेट्रोलचा दर 106.31 रुपये प्रति लिटर आणि डिझेल 94.27 रुपये प्रति लिटर


मोबाईलवर पाहता येतील इंधन दर 


इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील. पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत)