Petrol Diesel Price Today 17th June 2022 : आंतरराष्ट्रीय बाजारात कच्च्या तेलाच्या दरात चढ-उतार सुरूच आहे. कच्च्या तेलाच्या दरात घसरण झाली आहे. या पार्श्वभूमीवर आज सार्वजनिक क्षेत्रातील इंधन कंपन्यांनी पेट्रोल, डिझेलचे दर जाहीर केले आहेत. देशातील प्रमुख महानगरातील इंधन दर आजही स्थिर आहेत. इंधन दरात कोणतीही दरवाढ झाली नाही.
आंतरराष्ट्रीय बाजारात ब्रेंट क्रूड ऑइलचा दर 118.8 डॉलर प्रति बॅरल इतका झाला आहे. WTI क्रूड ऑइलच्या दरात 0.89 टक्क्यांनी घसरण झाली असून सध्या 116.5 डॉलर प्रति बॅरल दर आहे.
देशातील महानगरांत पेट्रोल-डिझेलचा दर काय?
देशाची आर्थिक राजधानी असणाऱ्या मुंबईत पेट्रोलचा दर 111.35 रुपये तर डिझेलचा दर 97.28 रुपये प्रति लिटर आहे. तर राजधानी असलेल्या दिल्लीत 1 लिटर पेट्रोलची किंमत 96.72 रुपये आणि एक लिटर डिझेलची किंमत 89.62 रुपये आहे. कोलकात्यात पेट्रोलची किंमत 106.03 रुपये आहे तर डिझेलची किंमत 92.76 रुपये प्रति लिटर आहे. चेन्नईमध्येही पेट्रोल 102.63 रुपये प्रति लिटर आणि डिझेल 94.24 रुपये प्रति लिटर आहे.
राज्यातील इतर शहरातील दर काय?
राज्यात पुण्यात पेट्रोलचा दर 110.88 रुपये प्रति लिटर असून डिझेलचा दर 95.37 रुपये प्रति लिटर आहे. नागपूरमध्ये पेट्रोल 111.08 रुपये आणि डिझेल 95.59 रुपये प्रति लिटरसाठी मोजावे लागणार आहे. औरंगाबादमध्ये पेट्रोलचा दर 112.97 रुपये प्रति लिटर, डिझेलचा दर 98.89 रुपये प्रति लिटर इतका आहे. नाशिकमध्ये पेट्रोलचा दर 111.74 रुपये आणि डिझेलचा दर 96.20 रुपये प्रति लिटर इतका आहे. कोल्हापूरमध्ये एक लिटर पेट्रोलसाठी 111.44 रुपये आणि डिझेलसाठी 95.94 रुपये मोजावे लागणार आहे.
राज्यात पेट्रोलचा सर्वाधिक दर परभणीत आहे. परभणीत एक लिटर पेट्रोलचा दर 114.38 रुपये इतका असून डिझेलचा दर 98.74 रुपये प्रति लिटर आहे.
केंद्र सरकारनं 21 मे रोजी केंद्र सरकारनं पेट्रोल (Petrol) -डिझेलच्या (Diesel) किमतींमध्ये घट करत सर्वसामान्यांना काहीसा दिलासा दिला होता. तेव्हापासून देशात पेट्रोल-डिझेलचे दर स्थिर आहेत. आजही देशातील पेट्रोल-डिझेलच्या दरांत कोणताही बदल करण्यात आलेला नाही.
तुम्ही एसएमएसद्वारे पेट्रोल आणि डिझेलची किंमत पाहू शकता
तुम्ही तुमच्या शहरातील पेट्रोल आणि डिझेलचे दर रोज एसएमएसद्वारेही पाहू शकता. इंडियन ऑइल (IOC) ग्राहक RSP<डीलर कोड> 92249992249 या क्रमांकावर पाठवू शकता आणि HPCL (HPCL) ग्राहक 9222201122 या क्रमांकावर HPPRICE <डीलर कोड> पाठवू शकतात. BPCL ग्राहक 9223112222 या क्रमांकावर RSP<डीलर कोड> पाठवू शकतात.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).