NSE IPO : एनएसईच्या 30000 कोटींच्या आयपीओचा मार्ग मोकळा, सेबीकडून मंजुरी, शेअर बाजारात कधी लिस्ट होणार?
NSE IPO : नॅशनल स्टॉक एक्सचेंजच्या आयपीओचा मार्ग मोकळा झाला आहे. सेबीनं एनएसईच्या आयपीओला मंजुरी दिली आहे, येत्या काही दिवसांमध्ये एनएसईचा आयपीओ लाँच होईल.
NSE IPO नवी दिल्ली: नॅशनल स्टॉक एक्सचेंजच्या 30,000 कोटी रुयपांच्या आयपीओला सेबीकडून मंजुरी मिळाली आहे.एनएसईचा आयपीओ देशातील आतापर्यंतचा सर्वात मोठा आयपीओ ठरु शकतो. सेबीनं एनएसईला आयपीओच्या प्रस्तावावर पुढील कार्यवाही करण्यास मान्यता दिली आहे. एनएसईचा आयपीओ पूर्णपणे ऑफर फॉर सेल असेल. एनएसईचे विद्यमान शेअर धारक 6 टक्के भागीदारी म्हणजेच 14.89 कोटी शेअर विकणार आहेत. ऑफर फॉर सेलद्वारे विकण्यात येणाऱ्या शेअरची रक्कम एनएसई नव्हे तर विद्यमान गुंतवणूकदारांना मिळेल.
सूत्रांच्या माहितीनुसार एनएसई पुढील आठवड्यात आयपीओ संदर्भातील विविध गोष्टी जाहीर करु शकते. आयपीओ बोली लावण्यासाठी 15 सप्टेंबरला सुरु होईल आणि 24-25 सप्टेंबरला शेअर बाजारात लिस्ट होण्याची शक्यता आहे. एनएसईचा 30 हजार कोटींचा सर्वात मोठा ठरण्याची शक्यता आहे. ऑक्टोबर 2024 ला ह्युंदाई मोटार इंडियाचा 27858.75 कोटी रुपयांचा आयपीओ आला होता. एनएसईचा आयपीओ त्यापेक्षा मोठा ठरेल.
एनएसईच्या आयपीओनंतर रिलायन्स च्या जिओ प्लॅटफॉर्म लिमिटेडचा आयपीओ येणार असून तो सर्वात मोठा आयपीओ ठरु शकतो. जिओ प्लॅटफॉर्म्सचा आयपीओ 37700 कोटी रुपयांचा असण्याचा अंदाज आहे.
एलआयसीचा आयपीओ 20,557.23 कोटी, पेटीएम के 18,300 कोटी रुपये, टाटा कॅपिटल 15,511.87 कोटी रुपये आणि कोल इंडियाचा 15,200 कोटींचा आयपीओ होता, त्यापेक्षा एनएसईचा आयपीओ मोठा ठरण्याची शक्यता आहे.
नॅशनल स्टॉक एक्सचेंजनं 17 जूनला सेबीकडे डीएचआरपी दाखल केला होता. डीएचआरपीनुसार स्टेट बँक ऑफ इंडिया एनएसईमधील 2.48 कोटी शेअरची विक्री करेल. एमएस स्ट्रॅटेजिक (मॉरिशस) लिमिटेड 1.60 कोटी शेअरची विक्री करेल.स्टेट बँक ऑफ इंडियाची एनएसईमध्ये 3.23 टक्के भागीदारी आहे, तर एसबीआय कॅपिटल मार्केटसकडे 4.33 टक्के भागीदारी आहे. स्टॉक होल्डिंग कॉर्पोरेशन ऑफ इंडियाची एनएसईमध्ये 4.44 टक्के भागीदारी आहे. एलआयसीकडे 10.72 भागीदारी आहे. मात्र, एलआयसी त्यांची भागीदारी विकणारन ाही.
एनएसईच्या संचालक मंडळानं 6 फेब्रुवारीला आयपीओ लाँच करण्याच्या प्रस्तावाला मंजुरी दिली होती. सेबीकडून त्यापूर्वी एनएसईला एनओसी मिळाली होती. एनएसईनं 2016 मध्ये ऑफर फॉर सेलद्वारे 10 हजार कोटी रुपये उभे करण्यासाठी डीएरएचपी जारी केला होता. मात्र, विविध कारणांमुळं सेबीनं त्याला मंजुरी दिली नव्हती.
(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)
महत्त्वाच्या बातम्या
