15-15-15 चा फॉर्म्यूला तुम्हाला 15 वर्षांत करणार करोडपती, जाणून घ्या नेमकं कसं?

Gold Silver Rate: सोने चांदीचे दर वाढणार, सुरक्षित गुंतवणुकीसाठी म्युच्युअल फंडनं सांगितला पर्याय!

abp majha web team — Mon, 6 Oct 2025 12:19:01 +0530

Gold Silver Rate: सोने चांदीचे दर वाढणार, सुरक्षित गुंतवणुकीसाठी म्युच्युअल फंडनं सांगितला पर्याय!

बॅाम्बे स्टॅाक एक्सेंज झाले दीडशे वर्षांचे

गायत्री सुतार — Wed, 9 Jul 2025 15:02:07 +0530

नेटिव्ह शेअर अॅँड स्टॅाक ब्रोकर्स असोसिएशन म्हणून स्थापन झालेल्या बॅाम्बे स्टॅाक एक्सेंज भारतातील पहिले, तर आशिया खंडातील सर्वात जुने स्टॅाक एक्सचेंज म्हणून ओळखले जाते. याचा क्रमांक जगातील 10 वा सर्वात जुने स्टॅाक एक्सचेंज म्हणूनही लागतो. आज बॅाम्बे स्टॅाक एक्सेंज 150 वे वर्ष साजरे करत आहे. याची स्थापना 9 जुलै 1875 रोजी उद्योगपती प्रेमचंद रॅायचंद यांच्याद्वारे करण्यात आली, जे त्या काळी कॅाटन किंग म्हणून ओळखले जात होते.

भारताच्या भांडवली बाजाराच्या विकासात बीएसईचे सर्वोच्च योगदान आहे. हे अधिकृतपणे स्थापना होण्याआधी, 20 वर्षांपासून बॅाम्बे स्टॅाक एक्सेंज मुंबई येथील टाऊन हॅाल समोर चालत असे. नंतर बीएसईचे मुख्यालय फिरोज जीजीभॉय टॉवर्सचे बांधकाम 1973 मध्ये सुरु झाले. जे दलाल सेंट, फोर्ट येथे स्थित आहे.

केवळ 318 सदस्यांपासून सुरुवात झालेल्या या स्टॅाक एक्सचेंजसाठीचा प्रवेश शुल्क सुरुवातीला फक्त एक रुपया होता. मुंबई, गुजरात आणि मद्रास सारख्या प्रमुख व्यावसायिक केंद्रांच्या जवळ असल्याने, एक्सचेंजचा विस्तार झपाट्याने झाला. आज बॅाम्बे स्टॅाक एक्सेंजमधील कंपनीची संख्या 5671 असून एकूण बाजार भांडवल 461 लाख कोटी आहे.

निर्देशांकाद्वारे एक्सचेंजचे मोजमाप केले जाते, हे लक्षात घेता 1986 मध्ये बीएसई सेन्सिटिव्ह इंडेक्सची सुरूवात केली गेली. जो "मार्केट कॅपिटलायझेशन-वेटेड" इंडेक्स या नावाने जानेवारी 1986 मध्ये समोर आला. हा भारतातील पहिला इक्विटी इंडेक्स होता. त्यानंतर 1994 मध्ये नॅशनला स्टॅाक एक्सचेंज कार्यरत झाले. ज्यामुळे, डिजिटल ट्रेडिंग सुरु झाले आणि गुंतवणूकदारांना स्टॅाकच्या किंमती चालू वेळी उपलब्ध होऊ लागल्या.

बीएसईमध्ये आर्थिक व्यवहार इलेक्ट्रॉनिक ट्रेडिंग सिस्टीमद्वारे ऑनलाइन केले जातात. बॅाम्बे स्टॅाक एक्सेंजइक्विटी, चलने, कर्ज साधने, डेरिव्हेटिव्हज तसेच म्युच्युअल फंड अशा गोष्टींच्या व्यापारासाठी बाजारपेठ खुली करते.बीएसईचा सेन्सेक्स भारतातील ३० सर्वात मोठ्या आणि सर्वात चांगल्या भांडवलाच्या स्टॉकचे प्रतिनिधित्व करतो जो देशातील सर्वाधिक पाहिलेला निर्देशांक आहे.

1907 मध्ये स्वदेशी चळवळ आणि टाटा आयर्न अँड स्टील कंपनीचा आयपीओ हे बीएसईसाठी महत्त्वाचे टप्पे ठरले. 1995 मध्ये, बीएसईने स्क्रीन-आधारित ट्रेडिंग सिस्टम सुरू केली आणि तिला बॉम्बे ऑनलाइन ट्रेडिंग सिस्टम म्हणजेच बोल्ट असे नाव देण्यात आले. नंतर बीएसईने सप्टेंबर 2012 मध्ये संयुक्त राष्ट्रांच्या शाश्वत स्टॅाक एक्सचेंज उपक्रमात भागीदार एक्सेंज म्हणून पाऊल ठेवले.

बॅाम्बे स्टॅाक एक्सेंज हा देशाचा प्रमुख स्टॅाक एक्सचेंज म्हणून, बीएसई भारताच्या आर्थिक विकासाचा आधारस्तंभ राहील, जो भरभराटीसाठीही एक प्लॅटफॅार्म म्हणून काम करेल.

Indian Cricket Team : टीम इंडिया मुंबई विमानतळावरुन इंग्लंड दौऱ्यासाठी रवाना

abp majha web team — Fri, 6 Jun 2025 12:41:19 +0530

Indian Cricket Team : टीम इंडिया मुंबई विमानतळावरुन इंग्लंड दौऱ्यासाठी रवाना

IND Vs ENG Test Series : रोहित शर्माच्या निवृत्तीनंतर 25 वर्षीय शुभमन गिलकडे टीम इंडियाच्या कसोटी संघाचे नेतृत्व सोपवण्यात आले आहे. 20 जूनपासून इंग्लंडविरुद्ध सुरू होणारी पाच कसोटी सामन्यांची मालिका ही गिलची कर्णधार म्हणून पहिली कसोटी मालिका आहे. त्यामुळे इंग्लंडला जाण्याआधी कसोटी कर्णधार शुभमन गिल आणि कोच गौतम गंभीर (Gautam Gambhir) यांनी पत्रकार परिषदेत घेतली.

दौऱ्यावर जाण्यापूर्वी संघाचे मुख्य प्रशिक्षक गौतम गंभीर यांनी गुरुवारी (5 जून) मुंबईत पत्रकार परिषदेत माध्यमांच्या प्रश्नांची उत्तरे दिली. यामध्ये त्यांनी सांगितले की, संघाचा अनुभवी वेगवान गोलंदाज जसप्रीत बुमराह (Jasprit Bumrah) काही कसोटी सामन्यांमधून बाहेर पडू शकतो. संघ व्यवस्थापनाने अद्याप त्याला कोणत्या सामन्यांमध्ये विश्रांती द्यायची याचा निर्णय घेतलेला नाही. गंभीर म्हणाला, "आम्ही अद्याप त्याला कोणत्या तीन सामन्यांमध्ये खेळवायचे हे ठरवलेले नाही."

Mutual Fund SIP : शेअर बाजार अस्थिर असताना गुंतवणूकदारांनी म्युच्यूअल फंडावर विश्वास दाखवला, डिसेंबरमध्ये 26000 कोटींची गुंतवणूक

युवराज जाधव — Fri, 10 Jan 2025 06:39:10 +0530

मुंबई : विदेशी गुंतवणूकदारांकडून भारतीय शेअर बाजारातील समभागांची विक्री करुन पैसे काढून घेण्याचं सत्र एकीकडे सुरु असल्याचं पाहायला मिळतं. मात्र डिसेंबर महिन्यात इक्विटी म्युच्यूअल फंडमधील गुंतवणूक वाढली आहे. रिटेल गुंतवणूकदारांच्या भक्कम पाठिंब्यामुळं एसआयपीद्वारे पहिल्यांदा करण्यात येणाऱ्या गुंतवणुकीची रक्कम पहिल्यांदा 26 हजार कोटींच्या पार गेली आहे. असोसिएशन ऑफ म्युच्यूअल फंड्स इन इंडियानं गुरुवारी यासंदर्भातील आकडेवारी जाहीर केली आहे.

डिसेंबर महिन्यात म्युच्यूअल फंडमधील गुंतवणूक 14.5 टक्क्यांनी वाढून 41156 कोटी रुपयांवर गेला आहे. त्यामध्ये इक्विटी म्युच्यूअल फंडमध्ये सर्वाधिक गुंतवणूक स्मॉल कॅप मध्ये आला आहे. स्मॉल कॅप आणि मिड कॅप फंडमध्ये जोखीम अधिक असून देखील म्युच्यूअल फंडमध्ये गुंतवणूकदारांनी आर्थिक गुंतवणूक कायम ठेवलीय.

डिसेंबर महिन्यात म्युच्यूअल फंडमध्ये एसआयपीद्वारे 26459.49 कोटी रुपयांची गुंतवणूक करण्यात आली. नोव्हेंबर 2024 मध्ये ही रक्कम 25319.66 कोटी रुपये होती. डिसेंबर 2024 मध्ये एसआयपी खात्यांची संख्या देखील सर्वोच्च होती. ती संख्या 10,32,02,796 पर्यंत पोहोचली आहे. नोव्हेंबर महिन्यात ही संख्या 10,22,66,590 इतकी होती. डिसेंबर महिन्यात म्युच्यूअल फंड फोलिओची संख्या 22.5 कोटी रुपयांवर पोहोचली आहे.

म्युच्यूअल फंडमधील असेट अंडर मॅनेजमेंटची रक्कम मात्र कमी झाली आहे. 68.08 लाख कोटींवरुन 66.93 कोटी रुपयांवर आली आहे. असोसिएशन ऑफ म्युच्यूअल फंड्स इन इंडियाचे सीईओ वेंकट चालसानी यांच्या मतानुसार शेअर बाजारात होत असलेल्या घडामोडी आणि बाँड स्कीम्समधून काढण्यात आलेल्या 1.27 लाख कोटी रुपयांमुळं हा परिणाम दिसत आहे. मात्र, महत्त्वाचा मुद्दा शेङ बाजारात अस्थिर बाजार स्थिती असून देखील इक्विटीशी निगडित योजनांमध्ये गुंतवणूक वाढली आहे.

मोतिलाल ओसवाल एमसीचे मुख्य सीबीओ अखिल चतुर्वेदी यांच्या मतानुसार इक्विटी फंड विशेषत: स्मॉल कॅप आणि सेक्टोरेल थीमॅटिक फंडला मोठी मागणी होती. तर, कोटक महिंद्र एएमसीचे नॅशनल हेड मनीष महेता यांनी गुंतवणूकदार त्यांच्या जोखमीच्या क्षमतेनुसार गुंतवणूक करत आहेत. गुंतवणूकदारांमधील परिपक्वता दिसून येते. त्यामुळं सेक्टोरल आणि थीमॅटिक फंड्स कॅटेगरीत गुंतवणूक दुप्पट झाल्याचं ते म्हणाले.

इतर बातम्या :

Gold Rate : सोन्याच्या दरात 215 रुपयांची वाढ, चांदीच्या दरात घसरण, जाणून घ्या विविध शहरातील दर एका क्लिकवर

(टीप- शेअर बाजार, म्यूच्यूअल फंड हे जोखमीच्या अधीन असतात. या लेखात दिलेली माहिती ही प्राथमिक स्वरुपाची असून आम्ही कोणताही दावा करत नाही. या लेखामागचा गुंतवणुकीसाठी शिफारस, सल्ला देण्याचा उद्देश नाही. तुम्हाला गुंतवणूक करायची असेल तर या क्षेत्रातील तज्ज्ञांचा सल्ला घ्या.)

Mutual Fund : 2025 मध्ये गुंतवणुकीतून दमदार रिटर्न्स मिळवायचेत, 'या' म्युच्यूअल फंडमध्ये गुंतवणूक ठरेल फायदेशीर, यादी एका क्लिकवर

युवराज जाधव — Thu, 2 Jan 2025 20:49:50 +0530

Mutual Funds Investment मुंबई : अनेक जण नववर्षाच्या निमित्तानं अनेक संकल्प करत असतात. काही जण चुकीच्या सवयी सोडतात तर काही जण डाएटवर लक्ष देण्याचा निर्णय घेतात. काही जण बचत वाढवण्याचा संकल्प करतात. बचतीचा मार्ग हा वेगानं जाण्याऐवजी योग्य नियोजनानं, दिशेनं आणि छोट्या रकमेपासून सुरु केल्यास चांगली रक्कम उभी राहू शकते. यासाठी म्युच्यूअल फंडमधील गुंतवणुकीची पद्धत फायदेशीर ठरू शकते. दीर्घकालीन आर्थिक ध्येय पूर्ण करण्यासाठी म्युच्यूअल फंड फायदेशीर ठरतात.

म्युच्यूअल फंडमध्ये 500 रुपयांपासून गुंतवणुकीचा पर्याय

म्युच्यूअल फंडमधील गुंतवणूक ही शेअर बाजारातील अप्रत्यक्ष गुंतवणूक आहे. यामध्ये अनेक गुंतवणूकदारांचा पैसा एकत्र केला जातो. त्यानंतर तो पैसा एकत्रितपणे शेअर मार्केटमध्ये गुंतवला जातो. म्युच्यूअल फंड असेट मॅनेजमेंट कंपन्यांकडून मॅनेज केले जातात. ज्यांच्या गुंतवणुकीच्या अनेक योजना असतात. यामध्ये जोखीम किती आहे ते देखील गुंतवणूकदारांना पाहायला मिळतं. म्युच्यूअल फंडमध्ये जमा होणारी रक्कम वेगवेगळ्या कंपन्यांच्या शेअर, बॉण्ड, मनी मार्केटमध्ये लावले जातात. योग्य म्युच्यूअल फंडची निवड केल्यास जबरदस्त परतावा मिळतो. म्युच्यूअल फंडमध्ये कोणीही गुंतवणूक करु शकतो, यामध्ये किमान 500 रुपयांपासून गुंतवणूक करता येते.

गुंतवणुकीसाठी 7 वर्षांचा कालावधी निवडा

तज्ज्ञांच्या मते म्युच्यूअल फंडमधील गुंतवणूक 7 वर्षांची असली पाहिजे. लार्ज कॅप, मिड कॅप आणि स्मॉल कॅपच्या कॉम्बिनेशनचा फायदा घेतला पाहिजे. लाईव्ह मिंटसोबत चर्चा करताना ऑप्टिमा मनी मॅनेजर्सचे संस्थापक आणि सीईओ पंकज मठपाल यांनी स्मॉल कॅप, मिड कॅप आणि लार्ज कॅप मधील टॉप 5 म्युच्यूअल फंडची माहिती दिली आहे. ज्याद्वारे तुम्ही फायदा मिळवू शकता.

कोणत्या फंडमधील गुंतवणूक फायदेशीर?

पंकज मठपाल यांच्या मतानुसार आयसीआयसीआय प्रूडेंशियल ब्लूचिप फंड, निप्पॉन इंडिया लार्ज कॅप फंड, एचडीएफसी टॉप 100 फंड, मोतीलाल ओसवाल लार्ज कॅप फंड आणि बजाज फिनसर्व हे लार्ज कॅप फंड प्राधान्यक्रमावर असावेत. मोतीलाल ओसवाल मिडकॅप फंड, एचडीएफसी मिडकॅप ऑपर्च्युनिटीज फंड, व्हाइटओक मिडकॅप फंड, एचएसबीसी मिडकॅप फंड आणि एडलवाइस मिडकॅप फंड गुंतवणुकीसाठी चांगले आहेत. स्मॉल कॅप कॅटेगरी गुंतवणूकदार मोतीलाल ओसवाल स्मॉल कॅप, बंधन स्मॉल कॅप, टाटा स्मॉल कॅप, एचएसबीसी स्मॉल कॅप आणि महिंद्रा मॅनुलाइफ स्मॉल कॅप या फंड्सचा गुंतवणुकीसाठी विचार करता येऊ शकतो.

तज्ज्ञांच्या अंदाजानुसार एसआयपीमधील गुंतवणूक निश्चित रिटर्न देते. विभावंगल अनुकूलकारा प्रायव्हेट लिमिटेडचे संस्थापक सिद्धार्थ मौर्य यांनी मिंटला सांगितलं की एसआयपीमधील गुंतवणूक सर्वात चांगली मानली जाते. कारण, बाजारात होणाऱ्या चढ उतारावेळी कमी किमतीवर अधिक यूनिट आणि अधिक किमतीवर कमी यूनिट खरेदी केले जाऊ शकतात. ज्यामुळं गुंतवणुकीवरील खर्च सरासरी होतो.

इतर बातम्या :

इंडो फार्मच्या आयपीओसाठी गुंतवणूकदारांनी तिजोरी उघडली, 227 पट सबस्क्राइब, जीएमपी कितीवर?

Investment: 5000 ची गुंतवणूक परतावा 2 कोटींहून अधिक! 25 वर्षांचं calculation, एकदा पहाच..

जयदीप मेढे — Mon, 2 Dec 2024 10:55:55 +0530

Investment: भारतात म्यूच्यूअल फंड, SIP ची लोकप्रीयता वाढत आहे. पण बाजारात होणाऱ्या चढउताराकडे लक्ष ठेवत आपल्या पैशांचं योग्य नियोजन आणि गुंतवणूक करणं महत्वाचं आहे.मुलांच्या शिक्षणापासून घर खरेदीपर्यंत सर्व महत्वाच्या खर्चांसाठी SIP गुंतवणूक हा सर्वोत्तम पर्याय समजला जातो. SIP हा गुंतवणूकीचा एक सोपा मार्ग आहे. यात कोणतंही करारात्मक बंधन नसतं. त्यामुळे लहान गुंतवणूकदारांसाठीही SIP ची गुंतवणूक फायद्याची समजली जाते. सेविंग बँक) खाते असणारी जवळजवळ प्रत्येक व्यक्ती म्युचुअल फंड स्कीम्समध्ये गुंतवणूक सुरु करू शकते. तुम्हाला केवळ ५००० रुपये म्यूच्यूअल फंड SIP सुरु करून चांगला फायदा मिळू शकतो. यासाठी SIP दीर्घकाळ चालवल्यास चक्रवाढीनं अधिक लाभ होऊ शकतो. जर दरवर्षी SIP ची रक्कम 10 टक्क्यांनी वाढवून स्टेपअप कराल तर एक मोठा फंड तुम्हाला तयार करता येऊ शकतो. कसं पाहूया..

25 वर्षांचं Calculation

साधारण १२ टक्के अपेक्षित परताव्यावर २५ वर्षांसाठी जर 5000 रुपयांची गुंतवणूक केलीत तर २५ वर्षात 2.13 कोटी रुपयांचा निधी तयार होऊ शकतो. तर १५ टक्के सरासरी परतावा देणाऱ्या म्यूच्यूअल फंडात SIP काढल्यास २५ वर्षांत मिळणारा फंड हा तब्बल 3.२९ कोटी रुपयांचा होऊ शकतो. म्हणजे दरमहिन्याला ५००० रुपये या हिशोबाने ५९ लाख रुपये गुंतवून तुम्ही 1.54 रुपयांपर्यंत परतावा मिळवू शकता.

दरवर्षी १० टक्क्यांनी रक्कम वाढवा

जर तुम्ही ५००० रुपये महिना या हिशोबात साधारण १५ टक्के परतावा असणाऱ्या SIP मध्ये गुंतवणूक करत असाल तर दरवर्षी मुळ रकमेत १० टक्के वाढ करत २५ वर्ष SIP केली तर हा फंड साधारण ३.२९ कोटी कॉपर्स तयार केला जाईल. कुठल्याही प्रकारची गुंतवणूक करण्याआधी विचार करण्याच्या सर्वात महत्त्वाच्या मुद्द्यांपैकी एक म्हणजे तुमचा "अपेक्षित कालावधी", म्हणजेच दिवस, महिने किंवा वर्षांचा काळ ज्यासाठी तुम्हाला गुंतवणूक करायची आहे. जितक्या अधिक काळासाठी गुंतवणूक तितका त्यावर मिळणारा चक्रवाढ परतावा अधिक असे गणित. त्यामुळे SIP मध्ये गुंतवणूक करताना अधिक कालावधी असेल तर फायदा अधिक होण्याची शक्यता वाढते.

एसआयपीत मिळतो 12 टक्क्यांनी परतावा

नोकरी करून मिळणारे पैसे जर एसआयपीत गुंतवले तर तुम्ही नक्कीच लखपती होऊ शकता. त्यासाठी एसआयपी करताना तुम्हाला 5X12X20 हा फॉर्म्यूला पाळावा लागेल. एसआयपी हा एक दीर्घकालीन गुंतवणुकीचा पर्याय आहे. म्युच्यूअल फंड म्हणजेच एसआयपीत हा शेअर बाजाराशी निगडीत असतो. त्यामुळे तुम्ही गुंतवलेल्या पैशांवर कमी-अधिक प्रमाणात परतावा मिळू शकतो. पण दीर्घकालीन एसआयपी गुंतवणुकीवर सरासरी 12 टक्क्यांनी परतावा मिळतो असे ग्रहीत धरले जाते.

Ind vs Aus Test : ऑस्ट्रेलियाला चितपट करण्याची BCCIने आखला प्लॅन; न्यूझीलंड दौरा संपल्यानंतर टीम इंडिया पकडणार विमान अन्...

किरण महानवर — Tue, 8 Oct 2024 21:38:31 +0530

India Tour of Australia Border Gavaskar Trophy : भारतीय क्रिकेट संघ वर्षाच्या अखेरीस ऑस्ट्रेलियाच्या दौऱ्यावर जाणार आहे, ज्याची चाहते आतुरतेने वाट पाहत आहेत. ऑस्ट्रेलिया दौऱ्यावर टीम इंडिया बॉर्डर-गावसकर मालिकेअंतर्गत 5 सामन्यांची मालिका खेळणार आहे. या मालिकेबद्दल क्रिकेट जगत कमालीचे उत्सुक असून दोन्ही देशांकडून सातत्याने वक्तव्ये केली जात आहेत.

दरम्यान, या महत्त्वाच्या दौऱ्याबाबत टीम इंडियाकडून मोठी बातमी समोर येत आहे. भारत आणि ऑस्ट्रेलिया यांच्यातील बॉर्डर-गावसकर मालिका 22 नोव्हेंबरपासून पर्थमध्ये सुरू होणार आहे. या मालिकेची तयारी लक्षात घेता टीम इंडिया किमान दोन आठवडे अगोदर ऑस्ट्रेलियाला रवाना होणार आहे. एवढेच नाही तर टीम इंडिया आपल्या 'अ' संघातील खेळाडूंविरुद्ध एक किंवा दोन 'इंट्रा स्क्वॉड' सराव सामनेही खेळणार आहे.

भारतीय संघ सध्या बांगलादेशविरुद्ध टी-20 मालिका खेळण्यात व्यस्त आहे. या मालिकेनंतर टीम इंडिया न्यूझीलंडविरुद्ध तीन सामन्यांची कसोटी मालिका खेळणार आहे. भारत आणि न्यूझीलंड यांच्यातील कसोटी मालिका 16 ऑक्टोबरपासून सुरू होणार असून मालिकेतील शेवटचा सामना 1 नोव्हेंबर ते 5 नोव्हेंबर दरम्यान मुंबईत खेळवला जाईल. या मालिकेनंतर अवघ्या काही दिवसांनी टीम इंडिया मुंबईहून ऑस्ट्रेलियाला रवाना होणार आहे.

ऑस्ट्रेलियाच्या भूमीवर पाऊल ठेवल्यानंतर भारतीय संघ भारत अ संघासोबत चार दिवसीय सामना खेळू शकतो. यामुळे टीम इंडियाला ऑस्ट्रेलियाच्या दीर्घ दौऱ्यापूर्वी कंडिशनमध्ये आत्मपरीक्षण करण्याची चांगली संधी मिळेल. भारत अ संघ 25 ऑक्टोबरला ऑस्ट्रेलिया दौऱ्यासाठी रवाना होण्याची शक्यता आहे. ॲडलेडमध्ये 6 ते 10 डिसेंबर दरम्यान होणाऱ्या दिवस-रात्र कसोटी सामन्यापूर्वी भारतीय संघ 30 नोव्हेंबर रोजी कॅनबेरा येथील मनुका ओव्हल येथे गुलाबी चेंडूने दोन दिवसीय दिवस-रात्र सराव सामना खेळेल.

भारताचा ऑस्ट्रेलिया कसोटी दौरा पुढीलप्रमाणे -

पहिली कसोटी : 22-26 नोव्हेंबर, पर्थ
दुसरी कसोटी : 06-10 डिसेंबर, ॲडलेड
तिसरी कसोटी : 14-18 डिसेंबर, ब्रिस्बेन
चौथी कसोटी : 26-30 डिसेंबर, मेलबर्न
पाचवी कसोटी : 3-7 जानेवारी, सिडनी

बऱ्याच काळानंतर बॉर्डर-गावसकर मालिकेत 2024-25 मध्ये 5 सामने खेळवले जाणार आहेत. या मालिकेअंतर्गत शेवटच्या वेळी 1991-92 मध्ये 5 कसोटी सामने खेळले गेले होते. अशा स्थितीत दोन्ही संघांमध्ये चुरशीची स्पर्धा अपेक्षित आहे. वर्ल्ड टेस्ट चॅम्पियनशिप 2023-25 च्या दृष्टिकोनातून दोन्ही संघांसाठी ही मालिका खूप महत्त्वाची असेल.

हे ही वाचा -

Mumbai Indians : सूर्याची IPL मध्ये सॅलरी दुप्पट, अंबानींची पर्स होणार रिकामी; मुंबई इंडियन्स देणार इतके कोटी?

Champions Trophy 2025 : पीसीबीची पुन्हा नाचक्की; टीम इंडिया नाही जाणार पाकिस्तानात, 'या' देशात होणार चॅम्पियन्स ट्रॉफी फायनल?

म्युच्यूअल फंडात पैसे गुंतवताय? मगा अगोदर 'या' गोष्टी जाणून घ्या, अन्यथा आर्थिक फटका बसण्याची शक्यता

प्रज्वल ढगे — Sun, 15 Sep 2024 10:34:54 +0530

म्युच्यूअल फंडात पैसे गुंतवताय? मगा अगोदर 'या' गोष्टी जाणून घ्या, अन्यथा आर्थिक फटका बसण्याची शक्यता

Vinesh Phogat: विनेश फोगाटच्या अपात्रतेवरून लोकसभेत गदारोळ; 'क्रीडामंत्री जवाब दो'च्या घोषणा, 3 वाजता क्रीडामंत्री देणार उत्तर

एबीपी माझा वेब टीम — Wed, 7 Aug 2024 13:19:33 +0530

Vinesh Phogat Paris Olympics 2024: भारताची आघाडीची कुस्तीपटू विनेश फोगाट (Vinesh Phogat) ने 50 किलो फ्रीस्टाइल गटात शानदार कामगिरी करताना अंतिम फेरीमध्ये मजल मारली.मात्र अंतिम सामन्याआधी विनेश फोगाट ऑलिम्पिकमधून अपात्र ठरली आहे. विनेश फोगाट 50 किलो फ्रीस्टाइलच्या गटात खेळत होती. मात्र तिचे वजन स्पर्धेआधी 50 किलोपेक्षा 100 ग्रॅम जास्त असल्याचं सांगण्यात येत आहे. त्यामुळे विनेश फोगाटला (Vinesh Phogat) अपात्र ठरवण्याचा निर्णय घेण्यात आला. स्पर्धेच्या नियमांनुसार, स्पर्धेच्या दोन्ही दिवशी कुस्तीपटूंना त्यांच्या वजन श्रेणीत राहावं लागतं. परंतु तिचं वजन 100 ग्रॅम जास्त असल्याचं आढळून आल्याचं सांगत तिला अपात्र ठरवण्यात आलं आहे. विनेश फोगाट रौप्य आणि कांस्य पदकासाठीही पात्र होणार नाही. यामुळे सर्वांना मोठा धक्का बसला आहे.

विनेश फोगाट (Vinesh Phogat)अपात्र ठरल्यानंतर लोकसभेत गदारोळ निर्माण झाला आहे. क्रीडामंत्री जवाब दो अशा घोषणा लोकसभेत देण्यात येत आहेत. मोठा गोंधळ सभागृहात दिसून येत आहे. स भागृहात क्रीडामंत्री जवाब दो च्या घोषणा देण्यात येत आहेत. सभागृहात मोठा गोंधळ सुरू आहे, तर आज दुपारी तीन वाजता क्रीडामंत्री याबाबत उत्तर देणार असल्याची माहिती आहे. तर भारतीय कुस्ती संघटना अपात्रतेविरोधात अपील करणार असल्याची माहिती आहे.

नेमकं काय घडलं?

विनेश फोगाटचे वजन जास्त असल्याचे लक्षात आल्यानंतर मंगळवारी रात्रभर भारतीय पथकाकडून रात्रभर हालचाली सुरु होत्या. मात्र, बुधवारी सकाळी झालेल्या तपासणीवेळी विनेश फोगाटचे वजन 50 किलोपेक्षा 100 ग्रॅम जास्त असल्याचे आढळून आले. यानंतर विनेश फोगाटकडून कोणतीही प्रतिक्रिया देण्यात आलेली नाही. आता ऑलिम्पिकसाठी गेलेल्या भारतीय पथकाकडून उर्वरित सामन्यांवर लक्ष केंद्रित केले जात आहे.

कुस्तीमध्ये वजनाचे नियम काय आहेत?

वजनाच्या नियमांनुसार, जेव्हा जेव्हा कुस्तीपटूला स्पर्धा करायची असते तेव्हा त्या दिवशी त्याचे वजन तपासले जाते. प्रत्येक वजनी गटाचे सामने दोन दिवसांत होतात, त्यामुळे अंतिम फेरीत पोहोचलेल्या कुस्तीपटूंना दोन्ही दिवस वजन करावे लागते. प्रथमच वजन करताना, कुस्तीपटूकडे वजन करण्यासाठी 30 मिनिटे आहेत. या कालावधीत, ते त्यांना पाहिजे तितक्या वेळा वजन करू शकतात. यादरम्यान, कुस्तीपटूला कोणताही संसर्गजन्य आजार नसून त्याची नखे खूपच लहान असल्याचेही दिसून येते. ज्या कुस्तीपटूंना सलग दुसऱ्या दिवशी स्पर्धा करावी लागते त्यांना वजनासाठी 15 मिनिटे मिळतात. युनायटेड वर्ल्ड रेसलिंग (UWW) च्या नियमांनुसार, जर कुस्तीपटूचे वजन निर्धारित वजनापेक्षा जास्त असेल तर त्याला अपात्र ठरवले जाते.

15-15-15 चा फॉर्म्यूला तुम्हाला 15 वर्षांत करणार करोडपती, जाणून घ्या नेमकं कसं?

प्रज्वल ढगे — Mon, 29 Jul 2024 09:46:21 +0530

15-15-15 चा फॉर्म्यूला तुम्हाला 15 वर्षांत करणार करोडपती, जाणून घ्या नेमकं कसं?