Mhada Lottery : म्हाडा मार्च 2027 पर्यंत मुंबईतील 3 ते 4 हजार घरांसाठी लॉटरी काढणार, म्हाडाच्या मुंबई मंडळाचे मुख्याधिकारी मिलिंद बोरीकर यांची घोषणा
Mhada Lottery 2027 : मुंबईतील 3 ते 4 हजार घरांसाठी म्हाडाकडून मार्च 2027 पर्यंत लॉटरी काढली जाईल, अशी माहिती मिलिंद बोरीकर यांनी एबीपी माझाच्या माझा इन्फ्रा व्हिजन कार्यक्रमात दिली.
Mhada Lottery Mumbai मुंबई : म्हाडाच्या मुंबई मंडळाचे मुख्याधिकारी मिलिंद बोरीकर यांनी एबीपी माझाच्या 'माझा इन्फ्रा व्हिजन' कार्यक्रमात बोलताना मुंबईतील घरांच्या लॉटरी संदर्भात मोठं वक्तव्य केलं आहे. मार्च 2027 पर्यंत म्हाडाच्या मुंबई मंडळाकडून 3 ते 4 हजार घरांची लॉटरी काढली जाईल, असं बोरीकर म्हणाले. नुकत्याच झालेल्या लॉटरीमध्ये अडीच हजार घरांसाठी 75 हजार अर्ज आल्याचं बोरीकर यांनी सांगितलं.
मार्च 2027 पर्यंत मुंबईत 3 ते 4 हजार घरांसाठी लॉटरी
म्हाडाच्या मुंबई मंडळाचे मुख्याधिकारी मिलिंद बोरीकर यांना मुंबईतील आगामी लॉटरी संदर्भात प्रश्न विचारण्यात आला होता. यावेळी त्यांनी बोलताना म्हटलं की, आताच आम्ही आमच्या मागच्या महिन्यात जी लॉटरी काढली त्याच्यामध्ये आमचे अडीच हजार घरासाठी लॉटरी होती आणि जवळपास 75 हजार आम्हाला अर्ज आले होते. आमच्या म्हाडाच्या घरांना फार मोठ्या प्रमाणात सामान्य माणसांकडून मागणी आहे. सामान्य नागरिकांच्या मागणीनुसार आम्ही नियोजन करतो आहे. मला असं अपेक्षित आहे की पुढच्या मार्चपर्यंत आम्ही जवळपास 300 ते 4000 घरांची लॉटरी काढू असं मिलिंद बोरीकर म्हणाले.
म्हाडाच्या मुंबईतील आगामी लॉटरी संदर्भात बोलताना बोरीकर म्हणाले की मार्च 2027 मध्ये 3000 ते 4000 घरांची लॉटरी काढू, ज्या घरांची उपलब्धता पुढील एक ते दीड वर्षांमध्ये आम्ही लोकांना करून देऊ शकतो. आमचा मानस आहे की मार्च 3027 पर्यंत अंदाजे 4000 घरांची लॉटरी आम्ही निश्चितपणे काढू, असं बोरीकर म्हणाले.
एएमआरमध्ये पाच वर्षात 8 लाख घरं उपलब्ध करण्याचं धोरण
केंद्र शासनाने ठरवल्याप्रमाणे राज्य शासनानं अवलंबलेल्या धोरणानुसार एमएमआर रिजन ग्रोथ हब म्हणून डिक्लेअर केलेला आहे. पुढील पाच वर्षांमध्ये तेथे 30 लाख घरं उपलब्ध करून देण्याबद्दलच राज्यशासनातर्फे नियोजन आहे. म्हाडाकडून विविध प्रकल्प राबवले जातात त्यानुसार म्हाडातर्फे आम्ही जवळपास 8 लाख घरं पुढील पाच वर्षांमध्ये म्हणजे 2030 पर्यंत उपलब्ध
करून देण्याचा आमच धोरण आखलेलं आहे. एमएमआर रिजनमध्ये त्यानुसार व्यवस्थित नियोजन करत आहोत आणि त्या नियोजनानुसार पुढील पाच वर्षात 2030 पर्यंत आमचं 8 लाख परवडणारी घरं हे एमएमआर रिजन मध्ये उपलब्ध करून देण्याचं मानाच धोरण आहे, असं मिलिंद बोरीकर म्हणाले.
दरम्यान, म्हाडानं गेल्या 50 वर्षात सर्वसामान्यांना परवडणारी घरं देणारी संस्था ठरली आहे. म्हाडानं त्यांच्या लेआऊटमधून सव्वा दोन लाख घरं निर्माण केल्याचं मिलिंद बोरीकर यांनी म्हटलं.
महत्त्वाच्या बातम्या
