भारतीय रेल्वेकडून लाखो रुपये मिळवण्याची मोठी संधी, फायदा घेण्यासाठी उरले फक्त काही तास, जाणून घ्या सविस्तर माहिती
भारतीय रेल्वेकडून एका अनोख्या स्पर्धेचं आयोजन केलं आहे. या माध्यमातून तुम्हाला लाखो रुपये मिळवण्याची संधी मिळणार आहे.
Indian Railway News : देशभरातील रेल्वे स्थानकांवर बसवलेल्या डिजिटल घड्याळांना एक नवीन, आधुनिक आणि आकर्षक स्वरूप देण्यासाठी भारतीय रेल्वेने पुढाकार घेतला आहे. या अंतर्गत, रेल्वेने राष्ट्रीय डिजिटल घड्याळ डिझाइन स्पर्धा आयोजित केली आहे. ही स्पर्धा देशातील सर्व व्यावसायिक डिझायनर्स, महाविद्यालयीन आणि शालेय विद्यार्थ्यांसाठी खुली आहे. सर्वात महत्त्वाची गोष्ट म्हणजे या स्पर्धेत विजेत्याला 5 लाख रुपयांपर्यंत रोख बक्षीस दिले जाणार आहे.
आज शेवटची तारीख आहे
स्पर्धेत सहभागी होण्यासाठी, इच्छुक सहभागींना 31 मे 2025 पर्यंत, म्हणजे आज संध्याकाळपर्यंत डिझाइन सादर करावे लागेल. सहभागी एकापेक्षा जास्त डिझाइन पाठवू शकतात आणि प्रत्येक डिझाइनसोबत कोणत्याही वॉटरमार्क किंवा लोगोशिवाय उच्च रिझोल्यूशन स्वरूपात मूळतेचे प्रमाणपत्र जोडणे अनिवार्य आहे. डिझाइन पाठवण्याचा ईमेल पत्ता contest.pr@rb.railnet.gov.in (mailto:contest.pr@rb.railnet.gov.in) आहे.
कोण सहभागी होऊ शकेल?
रेल्वे बोर्डाचे कार्यकारी संचालक (माहिती आणि प्रसिद्धी) दिलीप कुमार यांनी दिलेल्या माहितीनुसार, या स्पर्धेचा उद्देश केवळ रेल्वेची रचना अधिक आधुनिक आणि नागरिकांशी जोडणे हा नाही तर देशातील सर्जनशील तरुणांना आणि डिझाइनर्सना एक मोठे व्यासपीठ उपलब्ध करून देणे हा आहे. या स्पर्धेची खास गोष्ट म्हणजे ही स्पर्धा तीन श्रेणींमध्ये आयोजित केली जात आहे - व्यावसायिक, महाविद्यालयीन विद्यार्थी आणि शालेय विद्यार्थी. प्रत्येक श्रेणीतील मुख्य बक्षीसा व्यतिरिक्त इतरांना 50000 रुपयांचे बक्षीस देखील दिले जाणार आहे.
भारतीय रेल्वेने त्यांच्या अधिकृत जाहिरातीत नेमकं काय म्हटलंय?
भारतीय रेल्वेने त्यांच्या अधिकृत जाहिरातीत म्हटले आहे की, भारतीय रेल्वेसोबत काळाची एक नवीन ओळख द्या. या संदेशातून असे दिसून येते की रेल्वे सामान्य जनतेला केवळ वापरकर्ते म्हणून नव्हे तर सहभागी म्हणून देखील पाहू इच्छिते. ही स्पर्धा ही एक अनोखी संधी आहे जेव्हा सामान्य नागरिक रेल्वेच्या दृश्य ओळखीचा भाग बनू शकतात. जर तुमच्याकडे सर्जनशील विचार आणि डिझाइनची समज असेल, तर ही संधी गमावू नका. तुमच्या कल्पनाशक्ती आणि प्रतिभेने भारतीय रेल्वेच्या घड्याळांना एक नवीन चेहरा देण्याची ही एक सुवर्णसंधी असू शकते. दरम्यान, जे कोणी इच्छुक आहेत, त्यांनी तातडीने आपल्या डिझाइन पाठवाव्यात, कारण हे पाठवण्याची आजची शेवटची तारीख आहे. त्यामुळं डिझाइन पाठवण्यासाठी तुमच्याकडे अवघे काही तास उरले आहेत.
महत्वाच्या बातम्या:
सरकारी नोकरीची मोठी संधी! रेल्वेत हजारो पदांसाठी भरती प्रक्रिया सुरु, अर्ज करण्यासाठी उरले फक्त 3 दिवस
महत्त्वाच्या बातम्या
