Gold Sliver Rate : चांदीचे दर 15000 रुपयांनी वाढले, सोनं 3700 रुपयांनी महागलं, जाणून घ्या नवे दर
Gold Silver Price : सोने आणि चांदीच्या दरात पुन्हा तेजी पाहायला मिळाली आहे. चांदीचे दर आज एमसीएक्सवर ट्रेडिंग सुरु होताच 15000 रुपयांनी वाढले.
नवी दिल्ली : सोने आणि चांदीच्या दरात गेल्या काही दिवसात मोठी घसरण पाहायला मिळाली होती. आज सोने आणि चांदीच्या दरात मोठी वाढ झाल्याचं पाहायला मिळालं. मल्टी कमोडिटी एक्सचेंजवर सोन्याचे दर 15000 रुपयांनी वाढले. तर, दुसरीकडे सोन्याच्या दरात देखील 3700 रुपयांची तेजी दिसून आली.
एमसीएक्सवर 5 मार्चच्या वायद्याच्या चांदीच्या दरात 15000 रुपयांची तेजी दिसून आली. चांदीचे दर 268120 रुपये किलोवर पोहोचले आहेत. शुक्रवारी एमसीएक्सवर चांदीचा दर 252944 रुपयांवर बंद झाला होता. म्हणजेच आज सकाळी ट्रेडिंग सुरु झालं तेव्हा चांदीचे दर 15176 रुपयांनी महागले आहेत. गेल्या आठवड्यात चांदीच्या दरात 8584 रुपयांची वाढ झाली होती.
29 जानेवारीला चांदीच्या दरानं 4 लाखांचा टप्पा ओलांडला होता. चांदीचे दर 420048 रुपये किलोवर पोहोचले होते. त्यानंतर चांदीच्या दरात मोठी घसरण दिसून आली होती. चांदीच्या दरातील घसरण 2 लाख 25 हजार रुपयांपर्यंत पोहोचले होती. त्यात पुन्हा वाढ होऊन चांदी 2 लाख 68 हजार रुपयांवर पोहोचली आहे. उच्चांकाच्या तुलनेत चांदीचे दर 1 लाख 51 हजार 928 रुपये किलो स्वस्त मिळत आहे.
सोन्याच्या दरात देखील वाढ
चांदीच्या दराप्रमाणं सोन्याच्या दरात देखील वाढ झाली आहे. 2 एप्रिलच्या वायद्याचे सोन्याचे दर मल्टी कमोडिटी एक्सचेंजवर 3700 रुपयांनी वाढले. शुक्रवारी सोन्याचे दर 1 लाख 56 हजार 876 रुपये प्रति तोळा होता. सोमवारी सोन्याचे दर 1 लाख 60 हजार 600 रुपयांवर पोहोचले, म्हणजे सोन्याचे दर 3724 रुपयांनी वाढले आहेत.
सोन्याच्या दरानं देखील 29 जानेवारीला एमसीएक्सवर 1 लाख 93 हजार 96 रुपयांचा उच्चांक गाठला होता. त्या तुलनेत सोन्याचे दर 32496 रुपयांनी कमी आहेत.
सराफा बाजारात सोन्याचे दर किती रुपयांवर?
इंडिया बुलियन ज्वेलर्स असोसिएशननं जाहीर केलेल्या दरांप्रमाणं 24 कॅरेट सोन्याचे दर 158430 रुपये प्रति तोळा आहेत. तर, 22 कॅरेट सोन्याचा एका तोळ्याचा दर 154630 रुपये आहे. 20 कॅरेट सोन्याचा दर 141000 प्रति तोळा इतका आहे. 18 कॅरेटचा एका तोळ्याचा दर 128330 आणि 14 कॅरेट सोन्याचा दर 102190 रुपये इतका आहे. आयबीजेएनं जारी केलेले दर देशभर सर्वत्र सारखे असतात. हे दर जीएसटीशिवाय आणि मेकिंग चार्जेस शिवायचे आहेत.
महत्त्वाच्या बातम्या
