एक्स्प्लोर

Gold-Silver Price Today: सोने चांदी महागली; सणासुदीच्या तोंडावर मोठी वाढ, सोने दीड लाखांच्या पार, जाणून घ्या आजचे भाव

Gold-Silver Price Today: देशभरातही आज सोने-चांदीच्या किमतीत तेजीचे वातावरण दिसून येत आहे.

By : चंद्रशेखर नेवे, एबीपी माझा, अंकिता खाणे | Updated at : 15 Apr 2026 02:10 PM (IST)

Gold-Silver Price Today

जळगाव : सोने-चांदीच्या दरांमध्ये पुन्हा एकदा वाढ (Gold-Silver Price Today) नोंदवली गेली असून, गेल्या २४ तासांत सोने चांदीच्या दरांनी जोरदार उसळी घेतली आहे. सोन्याच्या दरात सुमारे २ हजार रुपयांची वाढ झाली असून, जीएसटी वगळता दर १,५३,००० रुपयांवर पोहोचले आहेत. तर चांदीच्या किमतीतही तब्बल ४ हजार रुपयांची वाढ होऊन दर २,५६,००० रुपयांवर गेले आहेत.(Gold-Silver Price Today)

देशभरातही आज सोने-चांदीच्या किमतीत तेजीचे वातावरण दिसून येत आहे. १५ एप्रिल रोजी २४ कॅरेट सोन्याचा दर प्रति १० ग्रॅम सुमारे १,५३,९४० रुपये असून, २२ कॅरेट सोन्याचा दर १,४१,११० रुपयांपर्यंत पोहोचला आहे.(Gold-Silver Price Today)

आंतरराष्ट्रीय घडामोडींचा या दरवाढीवर मोठा परिणाम होत असल्याचे तज्ज्ञ सांगतात. अमेरिका आणि इराण यांच्यातील संभाव्य चर्चांमुळे डॉलर कमजोर झाला आहे. डॉलर घसरल्यास सोने जागतिक बाजारात स्वस्त ठरते, त्यामुळे त्याची मागणी वाढून दरात वाढ होते. याशिवाय देशात बैसाखी, पोइला बोईशाख आणि अक्षय तृतीया यांसारख्या सणांमुळे सोन्याची मागणी वाढल्यानेही दरात तेजी आली आहे.(Gold-Silver Price Today)

चांदीच्या बाबतीत मात्र काही प्रमाणात चढ-उतार सुरू आहेत. देशात चांदीचा सध्याचा दर प्रति किलो सुमारे २,५४,९०० रुपये असून, गुंतवणूकदारांकडून नफा वसुलीमुळे किंमतीत किरकोळ बदल दिसत आहेत.