धनत्रयोदशीच्या दिवशी सोने खरेदी करावे की चांदी? खरेदी करण्यापूर्वी जाणून घ्या महत्वाच्या 3 गोष्टी, सध्या काय आहेत दर?

Share Market: शेअर बाजारात सलग दुसऱ्या दिवशी तेजी, सेन्सेक्स 308 अंकांनी वधारला पण गुंतवणूकदारांचं 4 लाख कोटींचं नुकसान

युवराज जाधव — Fri, 30 Oct 2026 19:22:41 +0530

Share Market: शेअर बाजारात सलग दुसऱ्या दिवशी तेजी, सेन्सेक्स 308 अंकांनी वधारला पण गुंतवणूकदारांचं 4 लाख कोटींचं नुकसान

How To Create Will : मृत्यूपत्र कसे तयार करायचे? किती खर्च येतो? जाणून घ्या

सलमान शेख — Fri, 30 Oct 2026 16:33:40 +0530

समजा, उद्या अचानक तुमच्यासोबत काही अनपेक्षित घडलं तर... तुम्ही आयुष्यभर मेहनत करून कमावलेलं घर, जमीन, बँकेतील पैसे आणि इतर संपत्ती नेमकी कोणाला मिळणार? याचा निर्णय कोण घेणार? म्हणूनच आज आपण जाणून घेणार आहोत, मृत्यूपत्र म्हणजे काय? ते का तयार करावे? कसे तयार करावे? आणि त्यासाठी किती खर्च येतो?

सर्वात आधी समजून घेऊया, मृत्यूपत्र म्हणजे काय?

मृत्युपत्र म्हणजे एक कायदेशीर दस्तऐवज. ज्यामध्ये एखादी व्यक्ती आपल्या मृत्यूनंतर आपली संपत्ती कोणाला मिळावी आणि किती मिळावी, हे स्वतः ठरवू शकते. म्हणजेच, तुमच्या इच्छेनुसार तुमच्या संपत्तीचे वाटप होण्यासाठी मृत्यूपत्र उपयोगी पडते.

संपत्तीची यादी तयार करा

मृत्यूपत्र तयार करण्याआधी तुमच्याकडे असलेल्या सर्व संपत्तीची यादी तयार करा.
उदाहरणार्थ,
-घर आणि जमीन
-बँकेतील पैसे आणि मुदत ठेवी
-शेअर्स आणि म्युच्युअल फंड
-सोने आणि दागिने
-इतर मालमत्ता
तुमच्या मालकीची संपत्ती कोणती आहे, याची माहिती व्यवस्थित लिहून ठेवा.

संपत्ती कोणाला द्यायची ते ठरवा

आता तुमची कोणती संपत्ती कोणाला द्यायची आहे, हे स्पष्ट लिहा. उदाहरणार्थ, घर मुलाला द्यायचे आहे, बँकेतील पैसे मुलीला द्यायचे आहेत किंवा इतर संपत्ती पत्नीला द्यायची आहे. प्रत्येकाचा हिस्सा स्पष्ट लिहिल्यामुळे भविष्यातील वाद टाळण्यास मदत होऊ शकते. लक्षात ठेवा, तुम्ही फक्त तुमच्या मालकीच्या हक्कातील संपत्तीबाबतच निर्णय घेऊ शकता.

कार्यपाल निवड करा

मृत्यूपत्र तयार करताना आणखी एक महत्त्वाची गोष्ट म्हणजे कार्यपाल निवड. कार्यपालक म्हणजे तुमच्या मृत्यूनंतर मृत्युपत्रात लिहिलेल्या इच्छांची अंमलबजावणी करण्याची जबाबदारी सांभाळणारी व्यक्ती. त्यामुळे कुटुंबातील एखाद्या विश्वासू व्यक्तीची निवड करा.

मृत्यूपत्र लिहा आणि साक्षीदारांच्या सह्या घ्या

-आता तुमचे मृत्युपत्र तयार करा.
-मृत्यूपत्र साध्या कागदावरही लिहिता येते.
त्यामध्ये तुमचे पूर्ण नाव, पत्ता, संपत्तीची माहिती आणि कोणाला काय द्यायचे आहे, हे स्पष्ट लिहा. त्यानंतर मृत्यूपत्र तयार करणाऱ्या व्यक्तीने त्यावर सही करावी. तसेच दोन साक्षीदारांच्या सह्याही आवश्यक आहेत.

नोंदणी करणे गरजेचे आहे का?

आता अनेकांना प्रश्न पडतो की मृत्यूपत्राची नोंदणी करणे गरजेचे आहे का? तर नाही! भारतात मृत्यूपत्राची नोंदणी करणे बंधनकारक नाही. पण तुम्हाला हवे असल्यास दुय्यम निबंधक कार्यालयात त्याची नोंदणी करून घेऊ शकता.

किती खर्च येतो?

आता सर्वात महत्त्वाचा प्रश्न म्हणजे मृत्युपत्र तयार करण्यासाठी किती खर्च येतो? जर तुम्ही स्वतः साध्या कागदावर मृत्यूपत्र तयार केले, तर त्यासाठी सरकारी नोंदणी शुल्क लागत नाही. पण वकिलाकडून मृत्युपत्र तयार करून घेतल्यास त्यांचे वेगळे शुल्क लागू शकते. मित्रांनो, एक गोष्ट लक्षात ठेवा. मृत्यूपत्र तयार करणे म्हणजे मृत्यूचा विचार करणे नाही, तर आपल्या कुटुंबाच्या भविष्याची जबाबदारी घेणे आहे.

Gold Silver Rate Crash : सोने दर उच्चांकावरुन 51000 रुपयांनी घसरले, IBJA नं जारी केलेले 24 कॅरेट आणि 22 कॅरेट सोन्याचे दर जाणून घ्या

युवराज जाधव — Fri, 30 Oct 2026 16:06:30 +0530

Gold Silver Rate Crash : सोने दर उच्चांकावरुन 51000 रुपयांनी घसरले, IBJA नं जारी केलेले 24 कॅरेट आणि 22 कॅरेट सोन्याचे दर जाणून घ्या

1 November Rules Change : 1 नोव्हेंबरपासून काय काय बदलणार? जाणून घ्या.. तुमच्या कामाची गोष्ट

सलमान शेख — Fri, 30 Oct 2026 15:21:09 +0530

देशात दरमहिन्याला नवीन नियम लागू होत असतात. येत्या 1 नोव्हेंबरपासून देखील अनेक नियम बदलणार आहेत.. ते जाणून घेणं खूप गरजेचं आहे.. येत्या 1 नोव्हेंबरपासून LPG गॅस सिलेंडर, GST, पेंशन यासह गाड्याचे काही नियम बदलणार आहेत.. याचा थेट परिणाम तुमच्या खिशावर होणार आहे... ते बदल कोणते आपण जाणून घेऊयात...

1. इंधनाचे नवे दर

1 नोव्हेंबरला घरगुती आणि व्यावसायिक LPG सिलेंडर, CNG, PNG आणि विमान इंधनाचे नवे दर जाहीर होतील. त्यामुळे या महिन्याचं बुकिंग करण्यापूर्वी नवे रेट नक्की तपासा.

2. छोट्या व्यापाऱ्यांना GST मध्ये दिलासा

ई-कॉमर्स विक्रेत्यांसाठी खूशखबर! आता दुसऱ्या राज्यातील गोदामालाच तुम्ही तुमचं मुख्य कार्यालय दाखवू शकता. प्रत्येक राज्यात वेगळं ऑफिस काढायची गरज नाही. शिवाय, GST रिफंड आता अधिकाऱ्यांच्या मंजुरीशिवाय थेट खात्यात जमा होईल.

3. पेन्शनधारकांसाठी जीवन प्रमाणपत्रसरकारी पेन्शनधारकांसाठी १ नोव्हेंबरपासून वार्षिक जीवन प्रमाणपत्र (Life Certificate) जमा करण्याची प्रक्रिया सुरू होत आहे. ३० नोव्हेंबर ही शेवटची तारीख असेल. तुम्ही बँक, पोस्टमन किंवा डिजिटल पद्धतीने हे प्रमाणपत्र मोफत देऊ शकता, अन्यथा पेन्शन रोखली जाऊ शकते.

4. ITR भरण्यास मुदतवाढ

ज्या व्यापाऱ्यांचे किंवा प्रोफेशनल्सचे अकाउंट ऑडिट होणे गरजेचे आहे, त्यांच्यासाठी आयटीआर भरण्याची शेवटची तारीख 31 ऑक्टोबरवरून वाढवून 21 नोव्हेंबर करण्यात आलीये.

5. दिल्लीत गाड्यांचे कडक नियम

दिल्लीतील वाढतं प्रदूषण रोखण्यासाठी 1 नोव्हेंबर ते 31 जानेवारी दरम्यान दिल्लीबाहेरील Non-BS6 गाड्यांना बंदी असेल. तसेच, वैध PUC नसेल तर पेट्रोल-डिझेल मिळणार नाही आणि MCD पार्किंगचे दर दुप्पट होणार आहेत.

6. दिल्लीत ऑफिसच्या वेळा बदलल्या

प्रदूषण आणि ट्रॅफिक कमी करण्यासाठी दिल्लीत MCD कार्यालये सकाळी 8.30 ते 5 तर इतर सरकारी कार्यालये सकाळी 10 ते संध्याकाळी 6.30 या वेळेत सुरू राहतील.

Ladki Bahin Yojana : लाडकी बहीण योजनेच्या सप्टेंबरच्या हप्त्यासंदर्भात अपडेट, 1500 रुपये महिलांच्या खात्यात कधी येणार?

युवराज जाधव — Thu, 29 Oct 2026 23:54:45 +0530

Ladki Bahin Yojana मुंबई : मुख्यमंत्री माझी लाडकी बहीण योजनेच्या सप्टेंबर महिन्याच्या हप्त्याची प्रतीक्षा महिला लाभार्थ्यांना होती. या योजनेतून महिलांना दरमहा 1500 रुपये दिले जातात. सामाजिक न्याय व विशेष सहाय्य विभागानं सप्टेंबर महिन्याच्या हप्त्याच्या वितरणासाठी 344.62 कोटी रुपये महिला व बालविकास विभागाकडे वितरित केले आहेत. ही रक्कम महिला व बालविकास विभागाकडे जमा झाल्यानंतर सप्टेंबर महिन्याच्या लाभाचे वितरण सुरु केलं जाण्याची शक्यता आहे.

सामाजिक न्याय विभागाकडून मुख्यमंत्री माझी लाडकी बहीण योजनेच्या सप्टेंबर महिन्याच्या वितरणासाठी 344.62 कोटी रुपयांचा निधी झाल्यानंतर महिला व बालविकास विभागाकडून येत्या काही दिवसांमध्ये पात्र महिलांच्या खात्यात 1500 रुपयांची रक्कम वर्ग करण्यात येईल.

महायुती सरकारनं जुलै 2024 पासून मुख्यमंत्री माझी लाडकी बहीण योजनेची सुरुवात करण्यात आली आहे. तेव्हापासून दरमहा महिलांच्या खात्यात 1500 रुपये वर्ग केले जातात. सुरुवातीला मुख्यमंत्री माझी लाडकी बहीण योजनेची लाभार्थी संख्या 2 कोटी 47 लाख होती. राज्य सरकारनं ई-केवायसी प्रक्रिया सुरु केल्यानंतर लाडकी बहीणच्या लाभार्थी संख्येत मोठी घट झाली आहे. काही महिलांनी ई-केवायसी प्रक्रिया पूर्ण केली नाही, त्यामुळं त्यांची नावं कमी झाली आहेत. काही महिलांची नावं वयाची 65 वर्षे पूर्ण असल्यामुळं वगळली गेली.

लाडकी बहीण योजनेच्या लाभार्थी महिलांची संख्या कमी झाल्यानं शासनाला या योजनेवर करावा लागणारा खर्च देखील कमी झाला आहे. ई केवायसी प्रक्रिया पूर्ण झाल्यानंतर लाडकी बहीण योजनेच्या पात्र लाभार्थ्यांची संख्या 1 कोटी 66 लाखांवर आली आहे.

मुख्यमंत्री माझी लाडकी बहीण योजना एकनाथ शिंदे मुख्यमंत्री असताना सुरु झाली होती. एकनाथ शिंदे यांनी काही दिवसांपूर्वी एका कार्यक्रमात बोलताना ही योजना कधीच बंद होणार नाही असं म्हटलं होतं.

राज्य सरकारनं ही योजना सुरु केली होती तेव्हा, लाडकी बहीण योजनेचा लाभ घेण्यासाठी लाभार्थ्यी महिलेच्या कुटुंबाचं आर्थिक उत्पन्न अडीच लाखांपेक्षा अधिक असू नये अशी महत्त्वाची अट होती. याशिवाय ज्या महिलांच्या नावावर चार चाकी वाहन असेल त्यांचा देखील लाभ बंद करण्यात आला आहे.याशिवाय नोकरी करणाऱ्या महिलांना देखील या योजनेचा लाभ मिळत नाही.

Railway Charging point Off : रेल्वेत रात्री 11 ते सकाळी 5 वाजेपर्यंत चार्जिंग पॉईंट बंद

abp majha web team — Thu, 29 Oct 2026 23:10:15 +0530

Railway Charging point Off : रेल्वेत रात्री 11 ते सकाळी 5 वाजेपर्यंत चार्जिंग पॉईंट बंद

PM Kisan : पीएम किसान सन्मानचा 24 वा हप्ता 9.34 कोटी शेतकऱ्यांच्या खात्यात जमा होणार, दिवाळीपूर्वी 2000 रुपये मिळणार

युवराज जाधव — Thu, 29 Oct 2026 22:35:04 +0530

PM Kisan : पीएम किसान सन्मानचा 24 वा हप्ता 9.34 कोटी शेतकऱ्यांच्या खात्यात जमा होणार, दिवाळीपूर्वी 2000 रुपये मिळणार

Milk Rate Hike : नंदिनी दूध 8 रुपयांनी महागलं,1 नोव्हेंबरपासून नवे दर लागू, ग्राहकांना अधिक पैसे मोजावे लागणार?

युवराज जाधव — Thu, 29 Oct 2026 19:56:33 +0530

बंगळुरु : दिवाळीपूर्वी सर्वसामान्यांना दूध खरेदीसाठी वाढीव खर्च करावा लागणार आहे.कारण कर्नाटकमधील नंदिनी दूध महागलं आहे. कर्नाटक सरकारच्या कॅबिनेटनं 1 नोव्हेंबरपासून दुधाचे दर 8 रुपयांनी वाढवण्यास मंजुरी दिली आहे. टोंड मिल्कचा सध्याचा दर 46 रुपये असून 8 रुपयांची वाढ झाल्यानंतर दर 54 रुपये प्रति लीटर होईल.

कर्नाटकचे मंत्री कृष्णा बायरे गौडा यांनी वाढवलेल्या 8 रुपयांपैकी 7 रुपये थेट शेतकऱ्यांना मिळतील. एक रुपया केएमएफला मिळेल. यामुळं शेतकऱ्यांना एक लीटर दुधासाठी 47 रुपये मिळतील. सध्याच्या टोंड मिल्कचा दर 46 रुपये आहे तो 54 रुपये होईल.

शेतकऱ्यांनी कर्नाटक सरकारला दूध दर 10 रुपयांनी वाढवण्याची मागणी केली होती. शेतकऱ्यांनी रस्त्यांवर दूध दरवाढीसाठी आंदोलन देखील केलं होतं. कर्नाटकमध्ये 2022 नंतर पाचव्यांदा दूध दर वाढले आहेत. शेतकऱ्यांचा उत्पादन खर्च वाढल्यानं दूध दरवाढीचा निर्णय घ्यावा लागल्याचं कर्नाटक सरकारनं म्हटलं आहे.

नंदिनी दूध दरवाढ कधी कधी झाली?

2022 मध्ये 3 रुपये प्रति लीटर वाढ
2023 मध्ये 3 रुपये प्रति लीटर वाढ
2024 मध्ये 2 रुपये प्रति लीटर वाढ
2025 मध्ये 4 रुपये प्रति लीटर वाढ
2026 मध्ये 8 रुपये प्रति लीटर वाढ

दरम्यान कर्नाटकमध्ये नंदिनी दुधाच्या दरात 2022 पासून 20 रुपयांची वाढ झाली आहे. कर्नाटकच्या नंदिनी दुधाची विक्री महाराष्ट्रातील विविध जिल्ह्यांमध्ये केली जाते. मुंबईमध्ये देखील नंदिनी दूध विक्रिसाठी पोहोचतं. यामुळं कर्नाटक सरकारनं दूध दरवाढ करण्याचा निर्णय घेतल्यानंतर आता महाराष्ट्रात होणाऱ्या दुधाच्या विक्री दरात देखील वाढ होईल, अशी शक्यता आहे. यामुळं राज्यातील दूध ग्राहकांना देखील अधिक पैसे मोजावे लागतील.

Gold Rate Down : सोने दरात तेजीनंतर पुन्हा घसरण, चांदी 2945 रुपयांनी स्वस्त, IBJA नं जारी केलेले दर जाणून घ्या

युवराज जाधव — Thu, 29 Oct 2026 17:18:54 +0530

Gold Rate Down : सोने दरात तेजीनंतर पुन्हा घसरण, चांदी 2945 रुपयांनी स्वस्त, IBJA नं जारी केलेले दर जाणून घ्या

धनत्रयोदशीच्या दिवशी सोने खरेदी करावे की चांदी? खरेदी करण्यापूर्वी जाणून घ्या महत्वाच्या 3 गोष्टी, सध्या काय आहेत दर?

गणेश लटके — Wed, 28 Oct 2026 21:18:53 +0530

Gold silver Rate News : धनत्रयोदशीच्या दिवशी सोने आणि चांदी खरेदी करणे शुभ मानले जाते. यावर्षी धनत्रयोदश शुक्रवार दिनांक 6 नोव्हेंबर रोजी साजरा होणार आहे. सणाच्या एक आठवडा आधी सोने आणि चांदीच्या दरात लक्षणीय बदल दिसून येत आहेत. विशेष म्हणजे, सोन्यापेक्षा चांदीच्या दरात मोठी घसरण झाली आहे.जानेवारीमध्ये विक्रमी पातळी गाठल्यानंतर, आंतरराष्ट्रीय बाजारात चांदीचा भाव निम्म्याहून अधिक घसरला आहे. दरम्यान, गेल्या आठवड्यात भारतात चांदीचा भाव 2 लाख रुपये प्रति किलोच्या खाली घसरला आहे.

चांदीच्या दरात किती घसरण झाली?

इंडिया बुलियन अँड ज्वेलर्स असोसिएशन (IBJA) नुसार, 26 ऑक्टोबर रोजी चांदीचा भाव 194479 रुपये प्रति किलो होता, तर 30 सप्टेंबर रोजी तो 220435 रुपये प्रति किलो होता. याचा अर्थ या कालावधीत चांदीच्या दरात अंदाजे 11.8 टक्के घट झाली.

सोन्याच्या दरात किती घसरण झाली?

सोन्याच्या दरातील घसरण चांदीच्या तुलनेत कमी होती. 30 सप्टेंबर रोजी 24 -कॅरेट सोन्याचा भाव प्रति 10 ग्रॅम 147888 होता, जो 26 ऑक्टोबर रोजी घसरून 141710 झाला. ही अंदाजे 4.2 टक्के ची घसरण दर्शवते.

चांदीचे भाव का घसरत आहेत?

चांदीच्या भावातील घसरणीमागे तीन मुख्य कारणे आहेत. यामुळे केवळ एका महिन्यात चांदीच्या भावात मोठी घसरण झाली आहे.

चांदीचा वापर केवळ दागिन्यांमध्येच होत नाही; तर इलेक्ट्रॉनिक्स, सोलर पॅनेल आणि इतर अनेक उद्योगांमध्येही तिचा वापर होतो. त्यामुळे, जेव्हा औद्योगिक मागणी कमी होते, तेव्हा चांदीच्या भावावर लक्षणीय परिणाम होतो.

सोलर पॅनेल उत्पादक आता खर्च कमी करण्यासाठी पूर्वीपेक्षा प्रति पॅनेल कमी चांदी वापरण्याचा प्रयत्न करत आहेत. यामुळे चांदीच्या औद्योगिक मागणीवर दबाव येत आहे.

चांदीची बाजारपेठ सोन्यापेक्षा लहान आहे आणि त्यामुळे तिच्या भावात वेगाने चढ-उतार होतात. जानेवारीमध्ये चांदीचा आंतरराष्ट्रीय भाव प्रति औंस 121 च्या वर पोहोचला होता, पण आता तो सुमारे 54 औस वर व्यवहार करत आहे. याचा अर्थ असा की, त्याच्या विक्रमी पातळीवरून त्यात अंदाजे 56 टक्के घट झाली आहे.

धनत्रयोदशीच्या दिवशी सोने खरेदी करावे की चांदी?

धनत्रयोदशीच्या दिवशी सोने आणि चांदी खरेदी करणे शुभ मानले जाते. सणापूर्वी होणारी दरातील घट खरेदीदारांसाठी दिलासादायक ठरू शकते. चांदी स्वस्त झाल्यामुळे, दिलेल्या बजेटमध्ये अधिक चांदी खरेदी करता येते. तथापि, तिच्या किमतींमध्ये अजूनही लक्षणीय चढ-उतार होऊ शकतो. सोन्याच्या किमतीही घसरल्या असल्या तरी, त्या चांदीपेक्षा कमी आहेत. येत्या काही दिवसांत, यूएस फेडरल रिझर्व्हचा व्याजदराचा निर्णय आणि महागाईची आकडेवारी या दोन्ही धातूंच्या किमतींवर परिणाम करू शकते.