Maharashtra Budget 2026, Devendra Fadnavis: मुंबईत अजून एक भुयारी मेट्रो, 6 हजार किमीचे द्रुतगती मार्ग; देवेंद्र फडणवीसांनी मुंबईसाठी कोणकोणत्या घोषणा केल्या?, A टू Z माहिती

Special Report Milk Rate Increased : दुधाच्या विक्री दरात दोन रुपयांची वाढ;११ ऑगस्टपासून नवे दर लागू

abp majha web team — Sat, 8 Aug 2026 22:46:11 +0530

Special Report Milk Rate Increased : दुधाच्या विक्री दरात दोन रुपयांची वाढ;११ ऑगस्टपासून नवे दर लागू

आपल्या घरात सकाळचा चहा असो किंवा मग सणासुदीला तयार होणारे गोड पदार्थ असो. दूध आणि साखर या दोन्ही गोष्टी आपल्या रोजच्या गरजेच्या [संगीत] वस्तू आहेत. मात्र एकाच आठवड्यात या दोन्ही वस्तू महागल्याने सर्वसामान्यांच्या खिशाला चांगलीच कातरी लागणार आहे. गाईच्या दुधाच्या दरात दोन रुपये आणि म्हशीच्या दुधाच्या दरात दोन रुपयांची वाढ होणार आहे. तर दुग्धजन्य पदार्थांचे दरही तब्बल 10 टक्क्यानी वाढणार आहे. दुधाचे हे नवे दर येत्या 11 ऑगस्ट पासून लागू होतील. ट्रान्सपोर्ट आणि पाऊस पॅकिंग मटेरियल वाढलेला आहे. मागच्या एक महिन्यामध्ये दुधाच्या दूध खरेदीमध्ये दोन रुपयाची दरवाढ झालेली आहे. ही दरवाढ खरंतर हे जे आता पॅकिंग मटेरियल 30%ने वाढून गेलं डिझेल किंवा दूध खरेदी प्रामुख्याने दूध खरेदी वाढली. मागच्या काळामध्ये काही चांगल्या गोष्टी झाल्या पनीरवर अनालॉग चीजवर बंदी आली मग दुधाची आमच्या ओरिजनल पनीरचीही मागणी वाढली. त्यासाठी शेतकऱ्यांनाही आम्हाला दुधाचा दर वाढून दिला पाहिजेल आहे कारण शेतकऱ्यापर्यंत हा पैसा गेला पाहिजेल आहे. त्यामुळं दूध खरेदी दरातली जी होणारी वाढ आहे त्या वाढीमुळे आम्हाला ही पुढची वाढ करावी लागेल.

Focused Mutual Funds : बाजारापेक्षा जास्त परतावा हवाय? 'फोकस्ड म्युच्युअल फंड' ठरू शकतात उत्तम पर्याय; जाणून घ्या फायदे आणि जोखीम

Dalal Street Investment Journal (DSIJ) — Mon, 27 Jul 2026 23:20:18 +0530

मुंबई : शेअर बाजारातील व्यापक निर्देशांकांपेक्षा (Broad Market) अधिक चांगला आणि दमदार परतावा मिळवण्याची इच्छा असलेल्या गुंतवणूकदारांसाठी फोकस्ड म्युच्युअल फंड (Focused Mutual Funds) हा एक अत्यंत आकर्षक पर्याय ठरत आहे. इतर सामान्य इक्विटी फंडांच्या तुलनेत या योजनांमध्ये अतिशय अभ्यासपूर्वक निवडलेल्या मर्यादित स्टॉकमध्येच भांडवल गुंतवले जाते. यामुळे फंड मॅनेजरला उच्च विश्वासाच्या (High-Conviction) आधारे दीर्घकालीन परतावा देणारे पोर्टफोलिओ तयार करण्याची संधी मिळते.

What Is Focused Mutual Fund : नेमके काय आहेत फोकस्ड म्युच्युअल फंड?

भारतीय रोखे आणि विनिमय मंडळ अर्थात सेबीच्या (SEBI) नियमांनुसार, फोकस्ड म्युच्युअल फंड योजनांना जास्तीत जास्त ३० स्टॉकमध्येच गुंतवणूक करण्याची परवानगी असते.

लवचिकता : या फंडांना लार्ज-कॅप, मिड-कॅप आणि स्मॉल-कॅप अशा तिन्ही प्रकारच्या कंपन्यांमध्ये गुंतवणूक करण्याची पूर्ण मुभा असते.

उच्च वजनदार पोर्टफोलिओ : कमी शेअर्स असल्यामुळे प्रत्येक स्टॉकचे पोर्टफोलिओमधील वजन (Weightage) जास्त असते. त्यामुळे फंडाची एकूण कामगिरी ही फंड मॅनेजरच्या अचूक स्टॉक निवडीवर पूर्णपणे अवलंबून असते.

Benefits Of Focused Funds : 'फोकस्ड फंडांचे मुख्य फायदे'

१. उच्च परताव्याची क्षमता : फंड मॅनेजरचे संशोधन आणि गुंतवणुकीचे निर्णय अचूक ठरल्यास हे फंड सामान्य फंडांपेक्षा खूप जास्त परतावा देऊ शकतात.

२. सखोल संशोधन आणि विश्वास : कमी स्टॉक्स असल्यामुळे अत्यंत सखोल संशोधन करून मजबूत पाया असलेल्या कंपन्यांचीच निवड केली जाते.

३. मार्केट कॅप्समध्ये लवचिकता : बाजारातील संधींनुसार लार्ज, मिड किंवा स्मॉल कॅपमध्ये वाटप बदलण्याची सोय.

४. ट्रॅक करणे सोपे : पोर्टफोलिओ मर्यादित असल्याने आपले पैसे नक्की कोणत्या कंपन्यांत गुंतवले आहेत, यावर गुंतवणूकदारांना सहज लक्ष ठेवता येते.

Who Should Invest : 'कोणी गुंतवणूक करावी आणि कोणी टाळावी?'

कोणासाठी योग्य? उच्च जोखीम पत्करण्याची क्षमता असणारे, किमान ५ वर्षे किंवा त्याहून अधिक काळ गुंतवणूक करू इच्छिणारे आणि अल्पकालीन चढउतारांनी घाबरून न जाणारे गुंतवणूकदार.

कोणी टाळावे? नवखे, प्रथमच म्युच्युअल फंडात गुंतवणूक करणारे किंवा कमी जोखीम घेणारे संवेदनशील गुंतवणूकदार.

Best Performing Focused Funds 2026 : '२०२६ मधील अव्वल कामगिरी करणाऱ्या योजना'

वर्ष २०२६ मध्ये (२४ जुलै २०२६ पर्यंतच्या वार्षिक परताव्यानुसार) खालील फोकस्ड फंडांनी उत्कृष्ट परतावा दिला आहे:

योजनेचे नाव	एएमसी (AMC)	२०२६ मधील परतावा (%)
Motilal Oswal Focused Fund Regular Plan	मोतिलाल ओसवाल म्युच्युअल फंड	१०.३६%
Kotak Focused Fund Regular Plan	कोटक म्युच्युअल फंड	८.७५%
Union Focused Fund Regular Plan	युनियन म्युच्युअल फंड	७.७८%
Quant Focused Fund Growth Plan	क्वांट म्युच्युअल फंड	६.६६%

मागील वर्षांचा विचार केल्यास २०२४ आणि २०२३ मध्ये मोतिलाल ओसवाल, युनियन आणि क्वांट या फंडांनी अनुक्रमे ११% ते २८% पर्यंत दमदार परतावा दिला होता.

Expert Advice : 'गुंतवणूक करताना या गोष्टी लक्षात ठेवा'

केवळ भूतकाळातील परतावा पाहून कधीही गुंतवणूक करू नये. गुंतवणूक करण्यापूर्वी खालील बाबी तपासाव्यात:

फंड मॅनेजरचा अनुभव आणि भूतकाळातील कामगिरीचा मागोवा (Track Record).
पोर्टफोलिओची गुणवत्ता आणि क्षेत्रनिहाय (Sector-wise) वाटप.
फंडाचे खर्च गुणोत्तर (Expense Ratio) आणि जोखीम-समायोजित परतावा.
योजना आपल्या आर्थिक ध्येयाशी सुसंगत आहे की नाही याची खात्री करणे.

अस्वीकृती: हा लेख केवळ माहितीच्या उद्देशाने आहे आणि गुंतवणूक सल्ला नाही.

New Income Tax : नवा आयकर कायदा 2026 उद्या 1 एप्रिलपासून लागू होणार

abp majha web team — Tue, 31 Mar 2026 18:16:47 +0530

New Income Tax : नवा आयकर कायदा 2026 उद्या 1 एप्रिलपासून लागू होणार

Neelam Gorhe : IPS तुषार दोशींच्या निलंबनाचा अधिकार उपसभापतींना आहे का? नीलम गोऱ्हेंना पदावरून हटवा, ठाकरेंच्या सेनेची मागणी

वेदांत नेब — Mon, 23 Mar 2026 17:24:23 +0530

मुंबई : सातारा जिल्हा परिषदेच्या अध्यक्षपदाच्या निवडणुकीवरून विधिमंडळात राडा झाल्यानतंर आता त्याच्या पुढचा अंक सुरू झाल्याचं चित्र आहे. एखाद्या आयपीएस अधिकाऱ्याच्या निलंबनाचे अधिकार विधान परिषदेच्या उपसभापतींना असतो का असा प्रश्न ठाकरेंच्या शिवसेनेने विचारला आहे. तसेच नीलम गोऱ्हे (Neelam Gorhe) यांनी त्यांच्या पदाचा गैरवापर केला असून त्यांना पदावरून दूर करा अशी मागणी करणारं पत्र ठाकरेंच्या शिवसेनेने सभापतींना दिलं आहे. या संदर्भात ठाकरेंच्या शिवसेनेकडून मंगळवारी विधान परिषदेत प्रस्ताव मांडला जाणार आहे.

सातारा जिल्हा परिषदेच्या निवडणुकीमध्ये राज्याचे मंत्री शंभुराज देसाई आणि मकरंद पाटील यांच्याशी पोलिसांनी झटापट केली. त्यामध्ये शंभुराज देसाई यांच्या हाताला जखम झाली. या घटनेचे पदसाद विधान परिषदेत उमटलं. या प्रकरणात उपसभापती नीलम गोऱ्हे यांनी साताऱ्याचे एसपी तुषार दोशी (IPS Tushar Doshi) यांच्या निलंबनाचे आदेश दिले आहेत.

नीलम गोऱ्हे यांच्या विरोधात प्रस्ताव मांडणार

या प्रकरणावरून राज्य सरकारवर टीकेचा आसूड ओढणाऱ्या ठाकरेंच्या सेनेकडून आता नीलम गोऱ्हे यांच्या विरोधात प्रस्ताव मांडणार आहेत. नीलम गोऱ्हे यांना आयपीएस अधिकाऱ्याच्या निलंबनाचे अधिकार आहेत का? असा प्रश्न ठाकरेंच्या सेनेने विचारला.

नीलम गोऱ्हे यांनी अधिकाराचा गैरवापर करत निर्णय दिल्याचं म्हणणं ठाकरेंच्या शिवसेनेचं आहे. त्यामुळे त्यांना पदावरून दूर करा अशी मागणी करणारे पत्र ठाकरेंच्या शिवसेनेने सभापती राम शिंदे यांच्याकडे दिले आहे. या प्रकरणी, मंगळवारी ठाकरेंच्या सेनेकडून नीलम गोऱ्हे यांच्या विरोधात प्रस्ताव मांडला जाणार आहे अशी माहिती सूत्रांनी दिली.

ही बातमी वाचा:

रायगड जिल्हा परिषद सभापतीपदांच्या निवडीत शिवसेनेला झुकतं माप, महायुतीत वाद नसल्याचा गोगावलेंचा खुलासा

Uddhav Thackeray : शेतकऱ्यांचा सातबारा कोरा करण्याचं आश्वासन कुठं गेलं? अर्थसंकल्पावर उद्धव ठाकरेंची टीका

एबीपी माझा ब्युरो — Fri, 6 Mar 2026 17:18:49 +0530

मुंबई : महाराष्ट्राच्या अर्थसंकल्पावर उद्धव ठाकरे यांनी तीव्र टीका केली आहे. निवडणुकीच्या काळात दिलेल्या आश्वासनांची आठवण करून देत त्यांनी सध्याच्या सरकारवर शेतकरी, सामान्य नागरिक आणि राज्याच्या आर्थिक व्यवस्थेबाबत दिशाभूल केल्याचा आरोप केला. निवडणुकीच्या वेळी शेतकऱ्यांचा सातबारा कोरा करण्याचे आश्वासन देण्यात आले होते. मात्र सादर झालेल्या अर्थसंकल्पात या आश्वासनाबाबत कोणतीही ठोस घोषणा केली नाही. उलट कर्जमाफीसाठी अनेक अटी आणि नियम लावण्यात आल्याची टीका उद्धव ठाकरे यांनी केली.

Farm Loan Waiver: ‘सातबारा कोरा’ आश्वासनावर सवाल

उद्धव ठाकरे म्हणाले की, पाच वर्षांपूर्वी आमच्या सरकारने कालबद्ध पद्धतीने शेतकऱ्यांची दोन लाख रुपयांपर्यंत कर्जमाफी केली होती. त्या वेळी कोणत्याही अटी किंवा नियम लावले नव्हते. तसेच कोरोना काळात नियमित कर्जफेड करणाऱ्या शेतकऱ्यांना प्रोत्साहनपर 50 हजार रुपयांची मदत जाहीर करण्यात आली होती. मात्र सध्याच्या सरकारने कर्जमाफी करताना अनेक अटी लावल्या."

Ladki Bahin Yojana: 2100 रुपयांबाबत स्पष्टता नाही

उद्धव ठाकरे यांनी लाडकी बहीण योजनेबाबतही काही प्रश्न उपस्थित केले. या योजनेअंतर्गत महिलांना 2100 रुपये देण्याची घोषणा करण्यात आली होती. मात्र अर्थसंकल्पात याबाबत कोणतीही स्पष्ट माहिती दिली गेली नसल्याचे त्यांनी म्हटले.

Budget Criticism: कंत्राटदारांसाठी योजना, सामान्यांसाठी नाही

अर्थसंकल्पामध्ये राज्यातील महामार्ग प्रकल्पांसाठी मोठ्या निधीची तरतूद करण्यात आल्याचा उल्लेख करत ठाकरे म्हणाले की, कंत्राटदारांसाठी ठोस योजना दिसत आहेत. मात्र शेतकरी, कामगार आणि सामान्य नागरिकांसाठी ठोस उपाययोजना दिसत नाहीत. हा विकासाचा मृगजळ दाखवणारा अर्थसंकल्प असल्याची टीका त्यांनी केली.

State Economy: कर्ज काढून फटाके वाजवणारा अर्थसंकल्प

राज्याची आर्थिक परिस्थिती सर्वांना माहिती असताना कर्ज काढून हा अर्थसंकल्प सादर करण्यात आल्याचा आरोपही ठाकरे यांनी केला. हा कर्ज काढून दिवाळी साजरी करण्यासारखा अर्थसंकल्प असल्याचे ते म्हणाले. अर्थसंकल्पात वारंवार 2047 चा उल्लेख करण्यात आला असला तरी जाहीर केलेली कर्जमाफी 2047 पर्यंत पूर्ण होणार का, याचे उत्तर सरकारने द्यावे, अशी मागणी त्यांनी केली.

Environment Issue: 300 कोटी वृक्ष लागवडीवर प्रश्न

राज्य सरकारने 300 कोटी वृक्ष लावण्याची घोषणा केली आहे. मात्र हे वृक्ष नेमके कुठे लावणार आणि त्यासाठी जमीन कुठे आहे हे सरकारने स्पष्ट करावे, असेही ठाकरे म्हणाले. तसेच या जमिनींवर काही आरक्षण आणण्याचा सरकारचा विचार आहे का, असा सवालही त्यांनी उपस्थित केला.

Infrastructure Projects: बुलेट ट्रेनवरही टीका

बुलेट ट्रेन प्रकल्पावर बोलताना ठाकरे म्हणाले की, मुंबईचा सामान्य नागरिक अहमदाबादला जाऊन नेमके काय करणार याचे उत्तर सरकारने द्यावे. जाहीर करण्यात आलेल्या योजनांसाठी निधी कुठून आणणार याबाबतही सरकारने स्पष्टता दिलेली नाही, अशी टीका त्यांनी केली.

ही बातमी वाचा :

Loan Waiver : शेतकऱ्यांसाठी दोन लाखांपर्यंत कर्जमाफी जाहीर; कोणते शेतकरी पात्र?

Maharashtra Budget 2026: गडचिरोलीमध्ये 2 लाख कोटींची गुंतवणूक, नागपूरच्या रामटेकमध्ये तिसरी चित्रसृष्टी; अर्थसंकल्पात नागपूरसह विदर्भाच्या वाट्याला काय?

विशाल देवकर — Fri, 6 Mar 2026 15:27:55 +0530

Maharashtra Budget 2026: संपूर्ण राज्याचे लक्ष लागून राहिलेला राज्याचा अर्थसंकल्प (Maharashtra Budget 2026) मुख्यमंत्री आणि अर्थमंत्री देवेंद्र फडणवीस (Devendra Fadnavis) यांनी आज (6 मार्च) सादर केला. महाराष्ट्राच्या इतिहासात प्रथमच मुख्यमंत्री देवेंद्र फडणवीसांनी अर्थसंकल्प सादर केलाय. विशेष म्हणजे दिवंगत उपमुख्यमंत्री अजित पवारांनी अर्थसंकल्पाची बहुतांश तयारी केलेली होती. मात्र अजित पवारांच्या अपघाती मृत्यूनंतर मुख्यमंत्री देवेंद्र फडणवीस यांनी अर्थसंकल्प मांडलाय. माझं अंतःकरण जड झालं आहे. अजितदादा यांनी 11 वेळा अर्थसंकल्प मांडला. त्यांच्या कडक स्वभावामुळे शिस्त राहीली. त्यांना श्रद्धांजली म्हणुन त्यांच भव्य स्मारक उभारलं जाईल. नागरी पुरस्कार त्यांच्या नावाने सुरु केला जाईल. हा अर्थसंकल्प त्याना सादर करतो, असं म्हणत देवेंद्र फडणवीस यांनी या अर्थसंकल्पाला सुरुवात केली. दरम्यान या अर्थसंकल्पात नागपूरसह विदर्भाच्या वाट्याला काय काय आलं आहे? हे समजून जाणून घेऊया.

Maharashtra Budget 2026: अर्थसंकल्पात गडचिरोली, नागपूरसह विदर्भाच्या वाट्याला काय?

- नागपूर शहराच्या विकासाला चालना देण्यासाठी नागपूर रिंगरोडला मान्यता देण्यात आली आहे.

-नागपूर जिल्ह्याच्या रामटेकमध्ये तिसरी चित्रसृष्टी उभारणार

रामटेक येथे रामशृष्टी आणि कालिदास शृष्टी उभारणार

महाकवी कालिदास यांचे जीवन चरित्र नव्या पिढीला कळावं यासाठी आवशयक ते सहकार्य केलं जाईल.

-गडचिरोलीत नवं स्टील हब म्हणून उदयास, २ लाख कोटींची गुंतवणूक तर ७० हजार रोजगार

-गडचिरोली जिल्ह्यात लोह खनिजांवर विशाल स्टील हबच्या माध्यमातून 2 लाख 62 हजार कोटींची गुंतवणूक

-गडचिरोली जिल्ह्यातील खनिज संपत्तीची वाहतूक सुरळीत होण्याकरता आणि जिल्ह्याच्या विकासाला गती देण्याकरता रस्त्यांची कामे हाती घेण्यात आली आहे.

- गडचिरोली विमानतळासाठी भूसंपादन

-प्रत्येक जिल्ह्यात सुक्ष्म व लघू केंद्र स्थापन केले जातील. त्यातून 50 लाख प्रत्यक्ष रोजगार निर्माण होणार

-प्रधानमंत्री सौर योजनेअंतर्गत रुफ टॉप सोलर उभारणार

-बांबू विकास प्रकल्प वाढवणार

- गडचिरोली विमानतळासाठी भूसंपादन

-अमरावती आणि लातूर, बारामती विमानतळावर रात्रीच्या उड्डाणांसाठी सुविधा

-अमरावती, अकोला, शिर्डी, नाशिका, संभाजीनगर, रत्नागिरी, यवतमाळ, कराड विमान विस्तारीकरण

-राज्यात हरित क्षेत्र वाढविण्यासाठी ३०० कोटी वृक्ष लागवडीची मोहीम हाती घेण्यात येईल

-वर्धा जिह्यातील पवनार ते पत्रादेवी जिल्हा सिंधूदुर्ग शक्तीपीठ महामार्गाला मान्यता

महाराष्ट्राच्या अर्थसंकल्पात विमानतळांसाठी कोणत्या घोषणा? (Devendra Fadnavis On Maharashtra Airport)

25-12-25 पासून नवी मुंबई विमानतळावरुन देशांतर्गत उड्डाणांना सुरुवात
पुरंदर-पुणे विमानतळासाठी विशेष प्राधिकरण, भूसंपादन अंतिम टप्प्यात
गडचिरोली विमानतळासाठी भूसंपादन
लातूर, बारामती आणि अमरावती विमानतळावर रात्रीच्या उड्डाणांसाठी सुविधा
शिर्डी, नाशिका, संभाजीनगर, अमरावती, अकोला, रत्नागिरी, यवतमाळ, कराड विमान विस्तारीकरण

इतर महत्वाच्या बातम्या

Maharashtra Budget 2026: महाराष्ट्राचा अर्थसंकल्प सादर, देवेंद्र फडणवीसांची मोठी घोषणा; काय स्वस्त, काय महाग? A टू Z माहिती एका क्लिकवर

Maharashtra Budget 2026: लाडकी बहीण योजनेबाबत अर्थसंकल्पात महत्त्वाची घोषणा, 2100 रुपयांबाबत देवेंद्र फडणवीस काय म्हणाले?

रोहित धामणस्कर — Fri, 6 Mar 2026 15:21:50 +0530

Maharashtra Budget 2026: अजित पवार यांच्या निधनानंतर नवनियुक्त अर्थमंत्री देवेंद्र फडणवीस यांनी शुक्रवारी 2025-26 या वर्षासाठीचा राज्याचा अर्थसंकल्प विधिमंडळात सादर केला. महाराष्ट्राच्या सर्वांगीण विकासासाठी प्रगतीशील, शाश्वत, सर्वसमावेशक, सुशासन या चार स्तंभांवर यंदाचा अर्थसंकल्प आधारित आहे. यामध्ये 16 उपक्षेत्रांचा समावेश असल्याचे देवेंद्र फडणवीस (FM Devendra Fadnavis) यांनी सांगितले. (Maharashtra Arthsankalap 2026)

आजचा अर्थसंकल्प मांडताना माझे मन अत्यंत जड झाले आहे. सर्वाधिक वेळा उपमुख्यमंत्री राहिलेले आणि दीर्घकाळ वित्त विभागाची धुरा सांभाळलेले अजित पवार आज आपल्यात नाहीत. अजित पवार यांनी 11 वेळा अर्थसंकल्प मांडला होता. त्यांच्या करड्या शिस्तीमुळे कठीण काळातही राज्याच्या अर्थव्यवस्थेची घडी नीट राहिली होती. त्यांना श्रद्धांजली म्हणून सगळ्यांशी चर्चा करुनत्यांच्या व्यक्तिमत्त्वाला साजेसे भव्य स्मारक उभारण्याचा निर्णय घेण्यात आला आहे. त्यांच्या स्मृतीप्रित्यर्थ गतिमान नागरी सेवा पुरस्कार देण्यात येईल असे मी जाहीर करतो. तसेच आजचा अर्थसंकल्प मी अजित पवारांच्या स्मृतीला अर्पण करतो, असे देवेंद्र फडणवीस यांनी म्हटले.

Ladki Bahin Yojana: लाडकी बहीण योजनेबाबत अर्थसंकल्पात मोठी घोषणा

देवेंद्र फडणवीस यांनी अर्थसंकल्पात लाडकी बहीण योजना (Ladki Bahin Yojana) पुढील आर्थिक वर्षातही सुरुच राहणार असल्याचे स्पष्ट केले. त्यासाठी अर्थसंकल्पात आवश्यक ती भरीव तरतूद करण्यात आल्याचे देवेंद्र फडणवीस यांनी सांगितले. यावर विरोधकांनी लगेच महायुती सरकारने लाडक्या बहि‍णींचे अनुदान 1500 रुपयांवरुन 2100 रुपये करण्याच्या दिलेल्या आश्वासनाबद्दल विचारले. यावर देवेंद्र फडणवीस यांनी म्हटले की, काळजी करु नका तुमच्या मनातील गोष्टी आम्हीच पूर्ण करणार. वेळ आल्यावर आम्ही लाडक्या बहिणींना 2100 रुपये देऊ, फक्त कोर्टात जाऊ नका, अशी टिप्पणी देवेंद्र फडणवीस यांनी केली. तसेच राज्यात सध्याच्या घडीला 37 लाख लखपती दीदी आहेत. आणखी 25 लाख बहि‍णींना लखपती करण्याचे आमचे उद्दिष्ट असल्याचेही देवेंद्र फडणवीस यांनी सांगितले.

आणखी वाचा

देवेंद्र फडणवीसांच्या अर्थसंकल्पातील सर्वात मोठी घोषणा, शेतकऱ्यांना कर्जमाफी जाहीर, कोणाला लाभ मिळणार?

Devendra Fadnavis Budget 2026 : 2 लाखांपर्यंत कर्ज थकीत असलेल्या शेतकऱ्यांना कर्जमाफी, मोठी घोषणा

abp majha web team — Fri, 6 Mar 2026 15:16:40 +0530

Devendra Fadnavis Budget 2026 : 2 लाखांपर्यंत कर्ज थकीत असलेल्या शेतकऱ्यांना कर्जमाफी, मोठी घोषणा

महाराष्ट्राच्या बजेटमध्ये मुंबईसाठी काय काय?

* अजून एक भुयारी मेट्रो, वडाळा ते गेट वे ऑफ इंडिया
* दक्षिण मुंबईला २०२८ पर्यंत समृद्धी महामार्गासोबत जोडणार
* २०२९ पर्यंत १६५ किमी मेट्रो मार्गिका तयार करणार
* अटल सेतू मुंबई विमानतळाला जोडणार
* राज्यात १ हजार २०० किमीचे मेट्रो मार्ग उभारणार
* ६ हजार किमीचे द्रुतगती मार्ग विकसित करणार
* वर्सोवा भाईंदर किनारी मार्ग डिसेंबर २०२८ पर्यंत पूर्ण करणार
* पनवेल ते कर्जत मार्ग अंतिम टप्प्यात, लवकरच वाहतुकीसाठी खुला करणार

बुलेट ट्रेन, तिसरी मुंबई आणि चौथी मुंबई

* राज्यात शहरी विकास ७० टक्के लोकसंख्या होणार आहे
* त्यामुळे शहरी सेवा डिजीटल करणार आहे
* मुंबई अहमदाबाद बुलेट ट्रेन तीन स्थानकांचं २०२७ पर्यंत पूर्ण हेईल
* ⁠तिसरी मुंबई म्हणून उरण या परिसरात विकास होतील
* तिसरी मुंबईत रायगड पेण व नवी मुंबई विमानतळ ही ग्रीन फिल्ड म्हणून विकसित करणार
* ⁠मुंबईत बेकायदेशीर बांधकाम होऊ नये यासाठी प्रयत्न
* चौथी मुंबई वाढवण येथे होईल
* एमएमआरमध्ये १० लाख नवी घरे उभारणार
* नवी अनधिकृत बांधकामे होणार नाहीच याचा रोडमॅप तयार होणार

Maharashtra Budget 2026: देवेंद्र फडणवीसांच्या अर्थसंकल्पातील सर्वात मोठी घोषणा, शेतकऱ्यांना कर्जमाफी जाहीर, कोणाला लाभ मिळणार?

राजू सोनावणे — Fri, 6 Mar 2026 15:04:25 +0530

Maharashtra Budget 2026: महायुती सरकार सत्तेत आल्यापासून कर्जमाफीच्या निर्णयाकडे डोळे लावून बसलेल्या शेतकऱ्यांना मोठा दिलासा मिळाला आहे. राज्याचे नवनिर्वाचित अर्थमंत्री देवेंद्र फडणवीस (FM Devendra Fadnavis) यांनी शुक्रवारी आगामी आर्थिक वर्षासाठीचा अर्थसंकल्प मांडताना कर्जमाफीच्या (Loan Waiver Scheme) निर्णयाची घोषणा केली. आम्ही राज्यातील शेतकऱ्यांसाठी (Farmers) कर्जमाफी योजना राबवण्याचं आश्वासन दिलं होतं. त्यासाठी समिती गठीत केली आहे. 30 सप्टेंबर 2025 रोजी पीक कर्ज थकित असलेल्या शेतकऱ्यांना 2 लाख रुपयांपर्यंत पुण्यश्लोक अहिल्यादेवी होळकर शेतकरी कर्जमाफी योजना मी आज जाहीर करत आहे, अशी घोषणा अर्थमंत्री देवेंद्र फडणवीस यांनी केली. तसेच जे शेतकरी नियमित कर्जफेड करतात त्यांना 50 हजार रुपयांपर्यंत प्रोत्साहन पर लाभ दिला जाणार असल्याचेही फडणवीस यांनी जाहीर केले.

कर्जमाफी आणि प्रोत्साहनपर लाभ देण्यासोबत राज्यातील बँकिग यंत्रणा सक्षम असावी, यासाठी समितीच्या शिफारसीनुसार निर्णय घेण्यात येईल. शेतकरी वारंवार कर्जबाजारी न होता त्याला कायमचा कर्जमुक्त करण्याचा सरकारचा संकल्प असून समितीच्या शिफारसीनुसार दीर्घकालीन उपाययोजन केल्या जात आहेत, असेही यावेळी देवेंद्र फडणवीस यांनी सांगितले.

महायुती सरकार सत्तेत आल्यापासून विरोधकांकडून महायुती सरकारला शेतकरी कर्जमाफीच्या योजनेचे काय झाले, असा जाब विचारत होते. निवडणूक झाल्यानंतर सरकार शेतकरी कर्जमाफीचे आश्वासन विसरले, अशी टीका विरोधकांकडून केली जात होती. मात्र, आज देवेंद्र फडणवीस यांनी कर्जमाफीची घोषणा करुन विरोधकांच्या या टीकेतील हवा काढून घेतली आहे. मात्र, ही कर्जमाफी नेमकी कोणाला मिळणार, याचे निकष आणि तपशील अद्याप समोर येणे बाकी आहे.

Loan Waiver : शेतकऱ्यांसाठी दोन लाखांपर्यंत कर्जमाफी जाहीर; कोणते शेतकरी पात्र ठरणार?

- दोन लाख रुपयांपर्यंतची थकबाकी असलेले शेतकरी.
- ज्यांचं पीककर्ज थकलेलं आहे असे शेतकरीच पात्र असतील.
- 30 सप्टेंबर 2025 पर्यंत थकीत असलेले कर्ज माफ होणार.
- नियमित कर्जपरतफेड करणाऱ्या शेतकऱ्यांना 50 हजार रुपयांपर्यंत प्रोत्साहन लाभ.

Maharashtra Budget 2026: शेतकरी, ग्रामीण महाराष्ट्रासाठी अर्थसंकल्पातील मोठ्या घोषणा

गोपीनाथ मुंडे अपघात योजनेत शेतमजूर यांचा हा सहभाग करणार
पाणंद रस्त्यांना मान्यता दिली आहे
30 लाखांहून अधिक शेतकऱ्यांना हवामान, बाजारभाव माहिती दिली जात आहे
चारही कृषि विद्यापीठात एआयजी मदत घेतली जात आहे
शेतकर्यांचे उत्पन्न वाढण्यास मदत होत आहे
अॅग्रीस्टॅक योजना राबविण्यात येत आहे
1 कोटी 31 लाख फार्मर आयडी फेब्रुवारीपर्यंत झाले आहे
चार वर्षांत भांडवली गुंतवणूक वाढवून पायाभूत सुविधा निर्माण केल्या जातील
आगामी दोन वर्षांत महाराष्ट्र नैसर्गिक शेती अभियानाची सुरुवात
गोपीनाथ मुंडे मंडळात आता शेतमजुरांचा ही समावेश करणार
महिला गोपालक, शेळी पालकांसाठी विशेष योजना राबविण्यात येईल

आणखी वाचा

Maharashtra Budget 2026: गावांना कॉंक्रिट रस्त्याने जोडणार ते पशूधन ते शेतपाणंद; शेतकरी, ग्रामीण महाराष्ट्रासाठी अर्थसंकल्पातील 5 मोठ्या घोषणा

Maharashtra Budget 2026, Devendra Fadnavis: मुंबईत अजून एक भुयारी मेट्रो, 6 हजार किमीचे द्रुतगती मार्ग; देवेंद्र फडणवीसांनी मुंबईसाठी कोणकोणत्या घोषणा केल्या?, A टू Z माहिती

एबीपी माझा एंटरटेनमेंट डेस्क — Fri, 6 Mar 2026 14:46:33 +0530

Maharashtra Budget 2026, Devendra Fadnavis: मुख्यमंत्री देवेंद्र फडणवीसांनी (Devendra Fadnavis) महाराष्ट्राचा 2026-27 या वर्षाचा अर्थसंकल्प (Maharashtra Budget 2026-27) सादर केला. यावेळी देवेंद्र फडणवीसांनी अनेक गोष्टींवर भाष्य केलं आणि आगामी वर्षासाठीचा राज्याचा अर्थसंकल्प मांडला. यावेळी राज्याच्या भरभराटीच्या दृष्टीनं त्यांनी अनेक महत्त्वाच्या घोषणा केल्या. उपमुख्यमंत्री अजित पवार यांच्या अकाली निधनामुळे फडणवीस यांनी वित्त खात्याची जबाबदारी स्वतःकडे घेतली. अशातच आजचा अर्थसंकल्प मुख्यमंत्री देवेंद्र फडणवीसांना सादर केला.

विधान भवनात मुख्यमंत्री देवेंद्र फडणवीसांनी अर्थसंकल्प सादर करायला सुरुवात केली. देवेंद्र फडणवीसांनी अर्थसंकल्प अजितदादांना समर्पित केला. तसेच, अजितदादांच्या आठवणीत काहीसे भावूक झाले. मुख्यमंत्री देवेंद्र फडणवीस म्हणाले की, "माझं अंतःकरण जड झालंय. अजितदादांनी 11 वेळा अर्थसंकल्प मांडला. त्यांच्या करड्या स्वभावामुळे शिस्त राहीली, त्यांना श्रद्धांजली म्हणून त्यांचं भव्य स्मारक उभारलं जाईल, नागरी पुरस्कार त्यांच्या नावानं सुरू केला जाईल... हा अर्थसंकल्प त्यांना सादर करतो...", असं देवेंद्र फडणवीस म्हणाले. त्यासोबतच अर्थसंकल्पातून फडणवीसांनी मुंबईसाठी अनेक मोठ्या घोषणा केल्यात.

राज्याच्या अर्थसंकल्पात मुंबईसाठी काय? (State Budget For Mumbai?)

राज्यात शहरी विकास 70 टक्के लोकसंख्या होणार आहे, त्यामुळे शहरी सेवा डिजीटल करणार आहे.
बुलेट ट्रेन तीन स्थानकाच 2027 पर्यंत पूर्ण होईल.
तिसरी मुंबई म्हणून उरण परिसरात विकास होईल, चौथी मुंबई वाढवण येथे होईल.
मुंबईत बेकायदेशीर बांधकाम होऊ नये, यासाठी प्रयत्न केले जातील.
एमएमआरमध्ये 10 लाख नवी घरं उभारणार, नवी अनधिकृत बांधकामे होणार नाहीत याचा रोडमॅप तयार होणार आहे.
मुंबई आणि पुण्याला 50 अब्ज डॉलरचे केंद्र तयार करण्याचे उद्दिष्ट ठेवले आहे.
जगात गेमिंग क्षेत्रात अव्वल होण्यासाठी महाराष्ट्रात 295 पेक्षा जास्त गेमिंग स्टुडिओ तयार करण्यासाठी प्रयत्न केले जातील.
मुंबईत केंद्राच्या मदतीने इंडियन इन्स्टिट्यूट क्रिएटिव्ह टेक्नॉलॉजी सुरू
राज्यात 1 हजार 200 किमीचे मेट्रो मार्ग आणि 6 हजार किमीचे द्रुतगती मार्ग विकसित केले जातील, 2019 पर्यंत 165 किमी मार्गाचे मेट्रो मार्गिका तयार केल्या जातील.
दक्षिण मुंबईला समृद्धी महामार्गासोबत जोडण्यासाठी 2028 पर्यंत काम करण्याचे प्रयत्न आहेत.
वर्सोवा भाईंदर किनारी मार्ग डिसेंबर 2028 पर्यंत पूर्ण करण्याचे उद्दिष्ट आहे.
पनवेल ते कर्जत अंतिम टप्प्यात, लवकरच वाहतुकीसाठी खुला करणार आहे.
मुंबई-अहमदाबाद बुलेट ट्रेन मार्गातील तीन स्थानकांचं काम 2027 पर्यंत पूर्ण होणार आहे.
शहरांच्या विकासाठी 10 शहर विकास प्राधिकरण तयार करणार आहे.
परकीय गुंतवणुकीत महाराष्ट्र अव्वल, त्यामुळे मुंबई, दुबई, सिंगापूरमध्ये पर्यटन गुंतवणूक कक्ष सुरू करणार आहे.

वडाळा ते गेट वे ऑफ इंडिया मुंबई मेट्रो मार्गिका 11 (Wadala To Gateway Of India Mumbai Metro Line 11)

वडाळा ते गेट वे ऑफ इंडिया मुंबई मेट्रो मार्गिका 11 हा 23487 कोटी रुपये किंमतीचा पूर्णपणे भूमिगत प्रकल्प हाती घेण्यात आला आहे. या प्रकल्पाचा विस्तार धारावी पुनर्वसन प्रकल्पासून वांद्रे टर्मिनर्सपर्यंत करण्याचे नियोजन. मुंबई विमानतळ आणि नवी मुंबई विमानतळ यांना जोडणारा मुंबई मेट्रो मार्ग क्रमांक 8 हा 22862 कोटी रुपयांचा प्रकल्प हाती घेण्यात येणार आहे.
तळोजा ते खांदेश्वर मेट्रो मार्ग 2 मुळे नवी मुंबई विमानतळापर्यंत वाहतूक व्यवस्था सुधारले. वाहतूक कोंडी दूर करण्यासाठी भुयारी मार्गांचे जाळे विणण्याची योजना. मुंबईतील पूर्व आणि पश्चिम परिसराला जोडणाऱ्या गोरेगाव-मुलुंड प्रकल्पाच्या पहिल्या टप्प्याचे काम अंतिम टप्प्यात आहे.

मुंबईसाठी महत्त्वाच्या मोठ्या घोषणा? (Important Announcements For Mumbai In Budget 2026?)

अजून एक भुयारी मेट्रो, वडाळा ते गेट वे ऑफ इंडिया
अटल सेतू मुंबई विमानतळाला जोडणार
राज्यात 1 हजार 200 किमीचे मेट्रो मार्ग उभारणार
6 हजार किमीचे द्रुतगती मार्ग विकसित करणार
2029 पर्यंत 165 किमी मेट्रो मार्गिका तयार करणार
दक्षिण मुंबईला 2028 पर्यंत समृद्धी महामार्गासोबत जोडणार
वर्सोवा भाईंदर किनारी मार्ग डिसेंबर 2028 पर्यंत पूर्ण करणार
पनवेल ते कर्जत मार्ग अंतिम टप्प्यात, लवकरच वाहतुकीसाठी खुला करणार