Bank Strike : सलग चार दिवस बँका बंद राहणार, बँक कर्मचारी आज संपावर, कर्मचाऱ्यांच्या मागण्या नेमक्या काय?
Bank Strike : देशातील बँकांचे कर्मचारी विविध कारणांसाठी आज संपावर आहेत. 5 दिवसांचा कामाचा आठवडा असावा, अशी मागणी बँक कर्मचाऱ्यांची आहे.
नवी दिल्ली : तुम्हाला जर बँकेत एखाद्या कामानिमित्त जायचं असेल तर आणखी काही दिवस वाट पाहावी लागेल. बँक कर्मचारी एक दिवसाच्या संपावर असल्यानं आज बँका बंद राहण्याची शक्यता आहे. यूनायटेड फोरम ऑफ बँक यूनियन्स यांच्याकडून देशव्यापी संपाची हाक देण्यात आली आहे. यामुळं बँकांच्या कामकाजावर परिणाम होऊ शकतो. यानंतर शनिवारी (12 सप्टेंबर ) आणि रविवारी (13 सप्टेंबर) रोजी बँकांना सुट्टी असेल. काही राज्यांमध्ये लोकांना बँकेतील काम पर्ण करण्यासाठी आणखी वाट पाहावी लागू शकते. कारण काही ठिकाणी गणेश चतुर्थीच्या दिवशी सोमवारी आणि मंगळवारी बँका बंद राहतील.
बँक कर्मचारी कोणत्या कारणानं संपावर?
UFBU नं बँकिंग क्षेत्रातील सुधारणांसदर्भातील मागण्यांसाठी संपाची घोषणा केली आहे. यामधील प्रमुख मागणी म्हणजे बँका शनिवारी आणि रविवारी पूर्ण बंद राहाव्यात. म्हणजेच आठवड्यात फक्त 5 दिवस कामकाज सुरु असावं. कामगिरी आधारित प्रोत्साहन योजनेचा आढावा घेऊन त्यातील त्रुटी दूर करण्याची मागणी आहे. पहिल्यांदा निश्चित करण्यात आलेल्या पेन्शन सुधारणा आणि कर्मचाऱ्यांच्या आरोग्य विम्या संदर्भातील तरतुदी लागू कराव्यात, अशी मागणी बँक कर्मचाऱ्यांची आहे.
बँक कर्मचारी यूनियन्सकडून मागण्या मान्य झाल्यास 28 ते 30 सप्टेंबरदरम्यान 3 दिवसांच्या देशव्यापी संपाचा इशारा दिला आहे. याशिवाय 26 ऑक्टोबर 2026 पासून बेमुदत संप सुरु करु असा इशारा बँक कर्मचारी संघटनांकडून देण्यात आला आहे.
बँकांना सलग चार दिवस सुट्टी असली तरी आर्थिक व्यवहार पूर्ण करण्यासाठी ऑनलाईन बँकिंगद्वारे पैसे पाठवता येऊ शकतात. एटीएममधून पैसे काढण्याची सुविधा सुरु असेल. याशिवाय यूपीआयद्वारे देखील पैसे पाठवता येऊ शकतात. स्टेट बँक ऑफ इंडिया, पंजाब नॅशनल बँकेनं ग्राहकांना संपाबाबत माहिती दिली आहे.
बँक खातेदारांना कोणाला पैसे पाठवायचे असतील तर IMPS, NEFT, RTGS आणि UPI ( GPay, PhonePe, Paytm) सेवा 24 तास सुरु असतील. वीज बिल, पाणी, गॅसचे बिल भरणे किंवा मोबाइल रिचार्ज करायचा असेल, नेट बँकिंग किंवा मोबाइल अॅपचा वापर केला जाऊ शकतो.
महत्त्वाच्या बातम्या
