Trigrahi Yog 2024 : वैदिक ज्योतिषानुसार, मे महिन्यात त्रिग्रही योग जुळून येणार आहेत. सर्वात आधी, 1 मे रोजी गुरूचे वृषभ राशीत संक्रमण झालं. यानंतर, 14 मे रोजी, सूर्याने (Sun) वृषभ राशीत (Taurus Horoscope) प्रवेश केला. आता 19 मे रोजी शुक्र स्वतःच्या राशीत वृषभ राशीत प्रवेश करत आहे. यामुळे वृषभ राशीमध्ये सूर्य, गुरु आणि शुक्र या तीन ग्रहांच्या एकत्रीकरणामुळे त्रिग्रही योग (Trigrahi Yog) तयार होत आहे. असा त्रिग्रही योग अनेक वर्षांनी वृषभ राशीत तयार होत आहे. सर्व राशींवर याचा मोठा प्रभाव पडणार आहे. हा योग 4 राशींच्या लोकांसाठी नशीब पालटणारा ठरणार आहे. या लोकांना नोकरी आणि व्यवसायात चांगली प्रगती होईल आणि भरपूर पैसेही मिळू शकतील. चला जाणून घेऊया कोणत्या राशींना त्रिग्रही योगाचा फायदा होणार आहे.
वृषभ रास (Taurus Horoscope)
वृषभ राशीच्या लोकांसाठी हा त्रिग्रही योग खूप फायदेशीर ठरणार आहे. तुमच्या व्यक्तिमत्वाचा प्रभाव दिसून येईल. तुम्हाला एकाच वेळी अनेक नवीन प्रकल्प मिळू शकतात. अनेक नवीन गोष्टी शिकण्याची तुमची उत्सुकता वाढेल. करिअरला गती मिळेल. व्यावसायिकांना नवीन ऑफर्स मिळतील. तुमचं वैवाहिक जीवन आणि लव्ह लाईफ चांगले राहील. अविवाहित लोकांचे विवाह निश्चित होण्याची शक्यता आहे.
सिंह रास (Leo Horoscope)
सिंह राशीच्या लोकांसाठी त्रिग्रही योगही खूप चांगले परिणाम देणारा ठरणार आहे. तुमची प्रगती होईल. आतापर्यंत प्रलंबित असलेली तुमची सर्व कामे पूर्ण होतील. तुम्हाला नवीन संधी मिळतील. तुम्हाला इच्छित पद आणि पैसा मिळेल. आर्थिक लाभ होईल. उत्पन्नात वाढ होईल. गुंतवणूक करण्यचाी तुमची इच्छा असल्यास करू शकता.
कर्क रास (Cancer Horoscope)
हा त्रिग्रही योग तुम्हाला धन मिळवून देईल आणि कर्क राशीच्या लोकांना प्रगती आणि सन्मान देईल. तुम्हाला नवीन नोकरीची ऑफर मिळू शकते. या योगामुळे तुमचे उत्पन्न वाढेल. तुम्हाला अनपेक्षित आर्थिक लाभ मिळू शकतो. तुम्हाला नवीन स्त्रोतांकडून पैसे देखील मिळू शकतात. पैशांची बचत करण्यातही तुम्ही यशस्वी व्हाल. कुटुंबियांबरोबर एखाद्या कार्यक्रमात तुम्ही सहभागी होऊ शकता.
तूळ रास (Libra Horoscope)
तूळ राशीचा स्वामी शुक्र आहे आणि शुक्राच्या संक्रमणामुळे तयार झालेला हा त्रिग्रही योग या राशीच्या लोकांना खूप लाभदायक ठरणार आहे. या लोकांचे करिअर वेगाने प्रगती करेल. व्यवसायाचा विस्तार होईल. उत्पन्नात वाढ होईल. तुमचा बँक बॅलन्स वाढेल. लव्ह लाईफ चांगली राहील. अविवाहितांना जोडीदार मिळेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :