Tri Ekadash Yog 2025: आजकालच्या जगात बऱ्याच जणांना झटपट श्रीमंत व्हायचं असतं, मात्र जो पर्यंत तुमच्या मेहनतीला नशीबाची जोड मिळत नाही, तो पर्यंत तुम्हाला यश लवकर मिळणार नाही. तसं पाहायला गेलं तर 2025 मधील सप्टेंबर महिना हा ज्योतिषशास्त्राच्या दृष्टीकोनातून अत्यंत महत्त्वाचा आहे, सप्टेंबर महिन्यात अनेक मोठे ग्रह संक्रमण करणार आहेत. अशात 12 तारीखही खास आहे. कारण या दिवशी दुपारी 12:57 वाजता जबरदस्त त्रिएकादश योग तयार होत आहे, ज्याला लाभ दृष्टी असेही म्हणतात. ज्याचा 12 पैकी 3 राशींवर शुभ प्रभाव पडणार आहे. जाणून घ्या कोणत्या त्या भाग्यशाली राशी आहेत, ज्यांचे नशीब चमकणार आहे.
'त्रिएकादश योग' निर्मिती अत्यंत शुभ
ज्योतिषशास्त्रानुसार, जेव्हा कोणतेही दोन ग्रह एकमेकांपासून 60 अंशांच्या कोनात स्थित असतात तेव्हा हा योग तयार होतो. 12 सप्टेंबरच्या दिवशी सूर्य आणि गुरु एकमेकांपासून 60 अंशांवर स्थित असतील, ज्यामुळे 'त्रिएकादश योग' तयार होतोय. अशात या लाभ दृष्टीची निर्मिती खूप शुभ आहे, ज्यामुळे व्यक्तीला आर्थिक लाभ मिळतो. यासोबतच करिअरमध्ये प्रगती होते आणि वैयक्तिक आयुष्यात आनंद राहतो. याशिवाय 'त्रियकादश योग' आरोग्यावरही परिणाम करतो. या वेळी 'त्रियकादश योग' तयार झाल्यामुळे कोणत्या राशी भाग्यवान ठरू शकतात ते जाणून घेऊया.
मिथुन
ज्योतिषशास्त्रानुसार, सूर्य आणि गुरूच्या युतीमुळे तयार होणाऱ्या 'त्रिएकादश योग'चा मिथुन राशीच्या लोकांना सर्वाधिक फायदा होणार आहे. तुमची आर्थिक स्थिती हळूहळू सुधारेल आणि गुंतवणूक करण्यासाठी सुवर्ण संधी उपलब्ध होतील. नोकरी करणारे लोक नवीन संपर्क स्थापित करतील, जे करिअरसाठी चांगले असतील. जर कोणत्याही जमिनीबाबत केस सुरू असेल तर प्रकरण संपुष्टात येऊ शकते.
सिंह
ज्योतिषशास्त्रानुसार, 12 सप्टेंबर रोजी 'त्रिएकादश योग' तयार होणे सिंह राशीच्या लोकांसाठी चांगले राहील, कारण त्याचा सकारात्मक परिणाम तुमच्या जीवनावर होणार आहे. तुम्ही तुमच्या निर्णयांवर समाधानी असाल, करिअरमध्ये पुढे जाण्यासाठी कठोर परिश्रम कराल. याशिवाय, कौटुंबिक नात्यात गोडवा असल्याने मन आनंदी राहील. अविवाहित लोक अशा मित्राकडे आकर्षित होतील, ज्याच्याशी संबंध प्रस्थापित करणे योग्य असेल. आर्थिक दृष्टिकोनातून, हा काळ नोकरी करणाऱ्या लोकांच्या हिताचा असेल.
धनु
ज्योतिषशास्त्रानुसार, मिथुन आणि सिंह राशीसोबतच, धनु राशीच्या लोकांनाही 12 सप्टेंबर रोजी सूर्य आणि गुरूच्या 'त्रिएकादश योग'चा फायदा होईल. विवाहित लोकांमध्ये गोड संबंध असतील आणि नात्यांमध्ये जवळीक वाढेल. व्यावसायिकांना पूर्ण आत्मविश्वासाने केलेल्या कामात निश्चितच यश मिळेल. उत्पन्नाचे नवीन स्रोत स्थापित झाल्यामुळे मानसिक ताण कमी होईल.
हेही वाचा :
Astrology: आज 9-9-9 चा दुर्मिळ महासंयोग! मंगळाची उर्जा सक्रिय, रात्री 9.09 वाजता करा 'हा' उपाय, इच्छा पूर्ण होणार..
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)