Gaj Kesari Yog : रविवारी (3 डिसेंबर) चंद्र कर्क राशीनंतर सिंह राशीत जाणार आहे. तसेच रविवारी (3 डिसेंबर) मार्गशीर्ष महिन्यातील कृष्ण पक्षातील षष्ठी तिथी असून या दिवशी गुरू आणि चंद्र एकमेकांपासून चतुर्थ आणि दहाव्या भावात असल्याने गजकेसरी योग तयार होईल आणि यासोबतच ऐंद्र योग, रवियोग आणि आश्लेषा नक्षत्राचा योगही तयार होत आहे. त्यामुळे आजच्या दिवसाचे महत्त्व वाढले आहे.
वैदिक ज्योतिष शास्त्रानुसार, पाच राशींना आज (रविवारी) या शुभ योगांचा लाभ मिळेल. या राशीच्या लोकांच्या मान-सन्मानात वाढ होईल आणि त्यांना कुटुंबासोबत एखाद्या कार्यक्रमाला जाण्याची संधी मिळेल. चला जाणून घेऊया आजचा दिवस कोणत्या राशींसाठी (Zodiac Signs) शुभ असणार आहे.
मेष रास (Aries)
शुभ योगांमुळे मेष राशीच्या लोकांसाठी रविवारचा दिवस आनंददायी असणार आहे. मेष राशीचे लोक रविवारच्या सुट्टीमुळे कुटुंबासमवेत जास्त वेळ घालवतील, ज्यामुळे नात्यात प्रेम आणि गोडवा वाढेल. आज तुम्ही कोणताही निर्णय घेणार असाल तर कुटुंबातील सदस्यांचा सल्ला अवश्य घ्या, तुम्हाला चांगला फायदा होईल. या राशीच्या अविवाहितांची लग्नाची तारीख आज निश्चित होऊ शकते, त्यामुळे कुटुंबात उत्साहाचे वातावरण असेल. वैवाहिक जीवनाबद्दल बोलायचे झाल्यास, तुम्हाला तुमच्या जोडीदारासोबत काही सामाजिक कार्यक्रमात जाण्याची संधी मिळेल, जिथे तुम्ही अनेक प्रभावशाली लोकांना भेटाल. तुम्हाला तुमच्या सासरच्या मंडळींकडून काही चांगली बातमी कळू शकते, ज्यामुळे तुम्हाला आर्थिक फायदाही होऊ शकतो. भागीदारीत व्यवसाय करणाऱ्यांना उद्या चांगला नफा मिळण्याची शक्यता आहे, ज्यामुळे तुमचा निधीही वाढेल.
मिथुन रास (Gemini)
आजचा म्हणजेच, 3 डिसेंबरचा दिवस रवि योगामुळे मिथुन राशीच्या लोकांसाठी फायदेशीर असणार आहे. आज मिथुन राशीच्या लोकांसाठी नशीब सूर्यासारखे चमकेल आणि तुमच्यासाठी सुख आणि समृद्धीची शक्यता असेल. एखाद्या सरकारी अधिकाऱ्याशी तुमची ओळख वाढेल, जी तुम्हाला भविष्यात उपयोगी पडेल. सरकारी नोकरीची तयारी करणारे विद्यार्थी आज यशस्वी होतील आणि वेळेचा योग्य फायदाही घेतील. आज तुमचे बोलणे खूप प्रभावशाली असणार आहे, ज्यामुळे तुम्ही इतरांना प्रभावित करू शकाल. वडिलांच्या तब्येतीबद्दल काही समस्या असल्यास यातून आराम मिळेल आणि वडिलांच्या तब्येतीत चांगली सुधारणा होईल. नोकरदार रविवारच्या सुट्टीचा पुरेपूर आनंद घेऊ शकतील आणि मित्रांसोबत कुठेतरी बाहेर जाण्याचाही बेत आखतील. सासरच्या लोकांकडून चांगला आर्थिक लाभ होण्याची शक्यता आहे, ज्यामुळे तुम्ही आनंदी राहाल.
सिंह रास (Leo)
सिंह राशीच्या लोकांसाठी आजचा, म्हणजे 3 डिसेंबर हा दिवस ऐंद्र योगामुळे चांगला असणार आहे. सिंह राशीच्या लोकांना सकाळी काही चांगली बातमी ऐकायला मिळेल, ज्यामुळे तुम्ही दिवसभर आनंदी राहाल आणि तुमच्या खांद्यावरील ओझेही हलके होईल. तुमच्या मुलाची तब्येत सुधारली तर तुम्हाला आराम मिळेल. तुमच्या जोडीदाराचाही तु्म्हाला पूर्ण पाठिंबा मिळेल. नोकरीच्या शोधात असलेल्यांना चांगली बातमी मिळेल. रविवारच्या सुट्टीमुळे घरी खास पदार्थ बनवले जातील आणि तुम्हाला तुमच्या पालकांसह धार्मिक स्थळांना भेट देण्याची संधीही मिळेल. कुटुंबातील एखाद्या सदस्याला आज परदेशात जाण्याची संधी मिळेल आणि संपूर्ण कुटुंब तुम्हाला साथ देईल. आज व्यावसायिकांना व्यवसायात अनेक आव्हानांना सामोरे जावे लागेल, परंतु त्यांच्या बुद्धीने तुम्ही सर्व अडचणींवर मात करू शकाल आणि तुम्हाला चांगला नफाही मिळेल.
धनु रास (Sagittarius)
धनु राशीच्या लोकांसाठी उद्याचा, म्हणजेच 3 डिसेंबर हा दिवस गजकेसरी योगामुळे सकारात्मक असणार आहे. धनु राशीचे लोक उद्या रविवारच्या सुट्टीचा आनंद घेतील आणि आपल्या भावंडांच्या सहकार्याने घरातील कामे लवकर पूर्ण करू शकतील. पालक मुलांसोबत चांगला वेळ घालवतील आणि कुठेतरी सहलीला जाण्याचा विचारही करतील. प्रेम जीवनात असलेल्यांना उद्या त्यांच्या जोडीदाराकडून भेटवस्तू मिळू शकते. तुम्ही तुमच्या मुलांच्या भविष्यासाठी जमीन किंवा इतर गोष्टींमध्ये गुंतवणूक करू शकता, ज्यामुळे भविष्यात चांगला नफा मिळेल. उद्या तुम्ही एखाद्या खास मित्राला भेटू शकता, ज्याच्याकडून तुम्हाला अनेक महत्त्वाची माहिती मिळेल. व्यापारी उद्या व्यवसायात चांगला व्यवहार करण्यात यशस्वी होतील, ज्यामुळे तुमची संपत्ती वाढेल आणि तुमच्या मनात उत्साहही कायम राहील.
मीन रास (Pisces)
आश्लेषा नक्षत्रामुळे मीन राशीच्या लोकांसाठी आजचा, म्हणजे 3 डिसेंबर विशेष असणार आहे. आज सूर्यदेवाच्या आशीर्वादाने मीन राशीचे लोक अनेक अपूर्ण कामे पूर्ण करून कुटुंबाच्या गरजा पूर्ण करतील. रविवारच्या सुट्टीमुळे नोकरदार लोक मौजमजेच्या मूडमध्ये असतील आणि दुसऱ्या दिवशीचे नियोजनही करतील. सरकारी नोकरीची तयारी करणाऱ्या लोकांना काही चांगली बातमी ऐकायला मिळू शकते. तुम्ही तुमच्या पालकांसाठी भेटवस्तू विकत घेतल्यास ते तुमच्यासाठी चांगले असेल आणि त्यांच्यासोबत तुमचे नातेही मजबूत राहील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :