एक्स्प्लोर

Shravan 2026: अधिक मासनंतर 'श्रावण मास' अत्यंत पॉवरफुल! दुर्मिळ गुरू-पुष्य राजयोग, 5 राशींची भरभराट, शिव-विष्णूंची डबल कृपा, तिथी, महत्त्व...

Shravan 2026: ज्योतिषशास्त्रानुसार, अधिक मासनंतर आता श्रावण महिनाही लवकरच सुरू होतोय. या काळात दुर्मिळ गुरु-पुष्य योग तयार होतोय, ज्यामुळे 5 राशींची भरभराट होईल...

Written By : एबीपी माझा वेब टीम | Updated at : 12 Jun 2026 07:12 AM (IST)

Shravan 2026 astrology marathi news rare Guru Pushya Yoga forming during the month of Shravan

Shravan 2026: सध्या अधिक मास सुरू आहे, आणि तो 15 जून रोजी संपतोय. त्यानंतर आता उत्सुकता आहे, ती म्हणजे श्रावण महिन्याची... कारण महिना देखील लवकरच सुरू होत आहे. हिंदू धर्म आणि ज्योतिषशास्त्रात श्रावण महिना अत्यंत पवित्र आणि पुण्यदायी मानला जातो. हा महिना भगवान शिवाला समर्पित असून, या काळात शिवपूजा, उपवास, जप-तप आणि धार्मिक अनुष्ठानांना विशेष महत्त्व असते. ज्योतिषशास्त्रानुसार, या वर्षी श्रावण 2026 खूप विशेष असणार आहे, कारण गुरु ग्रह पुष्य नक्षत्रात विराजमान होऊन एक दुर्मिळ योग तयार करत आहे. ज्योतिषींच्या मते, हा योग 5 राशींना धन, प्रगती आणि शुभ वार्ता देऊ शकतो.

श्रावण महिना कधी सुरू होतोय? दुर्मिळ गुरू-पुष्य राजयोग...(Shravan 2026)

वैदिक पंचांगानुसार, यंदा श्रावण महिना हा 13 ऑगस्ट ते 10 सप्टेंबर या कालावधीत असेल. ज्योतिषींच्या मते या महिन्यात एक दुर्मिळ गुरु-पुष्य योग तयार होत आहे. सध्या गुरुने कर्क राशीत प्रवेश केला असून, तो आता 18 जून 2026 रोजी गुरु-पुष्य नक्षत्रात प्रवेश करेल आणि 19 ऑगस्ट पर्यंत तेथेच राहील. गुरुचा अत्यंत शुभ पुष्य नक्षत्रातील मुक्काम अत्यंत शुभ फळे देईल. भगवान शिवाच्या आशीर्वादाने या महिन्यात होणारी ही दुर्मिळ गुरू युती 5 राशींचे भाग्य उजळवेल. जेव्हा श्रावणाची पवित्र ऊर्जा, गुरूची कृपा आणि पुष्य नक्षत्राचा प्रभाव एकत्र येतो, तेव्हा तो धर्म, कर्म आणि भाग्याचा संगम मानला जातो.

श्रावण आणि गुरु कृपेचा दुर्मिळ संयोग

धार्मिक मान्यतेनुसार श्रावण महिना भगवान शिवाला समर्पित आहे. शिव आणि गुरु दोघेही आध्यात्मिक प्रगतीचे प्रतीक आहेत, त्यामुळे ऑगस्ट आणि सप्टेंबर 2026 मध्ये नामजप, तपस्या, ध्यान, रुद्राभिषेक, दान आणि सेवा फलदायी ठरू शकतात. ज्योतिषशास्त्रीय मान्यतेनुसार, जे लोक बऱ्याच काळापासून संघर्ष करत आहेत आणि आपल्या कष्टाचे फळ मिळवू इच्छितात, त्यांच्यासाठी हा काळ विशेष असू शकतो. 18 जून 2026 पासून, पुष्य नक्षत्रावरील गुरूचा प्रभाव अधिक दृढ होऊ लागेल. 1 जुलै ते 18 ऑगस्ट 2026 या काळात याचा प्रभाव सर्वाधिक सक्रिय राहण्याची अपेक्षा आहे. हा काळ करिअर, संपत्ती, विवाह, संतती, शिक्षण, मालमत्ता आणि आध्यात्मिक प्रगतीशी संबंधित बाबींमध्ये विशेष परिणाम देणारा मानला जाईल.

5 राशींना सर्वाधिक लाभ!

मेष (Aries)

ज्योतिषशास्त्रानुसार, यंदा श्रावण महिना मेष राशीच्या लोकांना धन, वाहन आणि कौटुंबिक सुखात वाढ दिसून येऊ शकते.

मिथुन (Gemini)

ज्योतिषशास्त्रानुसार, यंदा श्रावण महिना मिथुन राशीच्या लोकांना आर्थिक बळकटी आणि उत्पन्नात वाढ होण्याची चिन्हे दिसू शकतात.

कर्क (Cancer)

ज्योतिषशास्त्रानुसार, कर्क ही गुरूची राशी आहे. त्यामुळे, यंदा श्रावण महिना या राशीला सर्वाधिक लाभ होऊ शकतो. कर्क राशीच्या लोकांना जीवनात नवीन दिशा आणि मोठ्या संधी मिळू शकतात.