Shani Uday 2024 : ज्योतिषशास्त्रात शनिदेवाला महत्त्वाचं स्थान आहे. शनीला (Shani) न्याय देवता देखील म्हटलं जातं, कारण तो प्रत्येकाला त्याच्या कर्मानुसार फळ देतो. शनीच्या स्थितीचा परिणाम सर्व राशींच्या लोकांवर पडतो. 11 फेब्रुवारीपासून अस्त अवस्थेत असलेल्या शनीचा आज, म्हणजेच 18 मार्चला सकाळी 7 वाजून 49 मिनिटांनी उदय (Shani Uday Time) होत आहे. जूनपर्यंत शनि उदय स्थितीतच असेल. शनीच्या उदयामुळे अनेक राशींचं भाग्य उजळणार आहे, या राशींची आर्थिक स्थिती देखील सुधारणार आहे.
शनि उदयाचा 3 महिन्यांचा काळा हा अनेक राशींसाठी फलदायी ठरणार आहे. या काळात तुम्हाला बक्कळ धनलाभ होईल आणि उत्पन्नाचे अनेक स्रोत निर्माण होतील. प्रामुख्याने 3 राशींच्या लोकांसाठी शनीचा उदय (Shani Uday) फार शुभ मानला जातो. या राशी (Zodiac Signs) नेमक्या कोणत्या? जाणून घेऊया.
शनि उदयामुळे 'या' राशींना चांगले दिवस
मेष रास (Aries)
मेष राशीच्या लोकांसाठी शनिदेवाचा उदय खूप शुभ ठरणार आहे. शनीच्या उदयामुळे मेष राशीच्या लोकांचं नशीब उजळेल आणि या काळात तुम्हाला खूप लाभ मिळेल. शनीच्या उदयामुळे तुमचा बँक बॅलन्स वाढेल. तुमचं उत्पन्न अनेक पटीने वाढेल. शनि उदयानंतर तुम्हाला सर्व संकटांपासून मुक्ती मिळेल. शनिदेवाच्या उदयाने तुमच्या जीवनातील सर्व समस्या दूर होतील. तुमच्या जीवनात आनंद येईल. नोकरी-व्यवसायात तुमची चांगली प्रगती होईल. तुमची आर्थिक स्थिती या काळात खूप चांगली होईल.
तूळ रास (Libra)
शनीच्या उदयामुळे तूळ राशीच्या लोकांना अनेक शुभ परिणाम मिळतील. शनिदेव तुमच्या सर्व अडचणी दूर करतील. या काळात तूळ राशीच्या लोकांच्या सर्व आर्थिक समस्या दूर होतील. कुटुंब आणि मित्रांमध्ये तुमची लोकप्रियता वाढेल. शनिदेवाच्या कृपेने सर्व प्रलंबित कामं पूर्ण होतील. तुम्हाला प्रत्येक क्षेत्रात यश मिळेल. नोकरीत तुमची चांगली प्रगती होईल. शनीच्या कृपेने नोकरी-व्यवसाय चांगला चालेल. तुम्हाला चांगली पगारवाढ मिळेल.
धनु रास (Sagittarius)
शनीच्या उदयामुळे धनु राशीच्या लोकांना त्यांच्या कामात भरपूर यश मिळणार आहे. शनीच्या कृपेने तुम्ही काही नवीन काम सुरू करू शकता किंवा नवीन व्यवसाय सुरू करू शकता, ज्याचा तुम्हाला खूप फायदा होईल. तुम्हाला या काळात परदेशातूनही चांगल्या नोकरीची ऑफर येऊ शकते. शनि उदयानंतर धनु राशीच्या लोकांवर शनीचा विशेष आशीर्वाद राहील. शनिदेवाच्या आशीर्वादाने तुमच्या जीवनात सुख-समृद्धी येईल. शनिदेव तुम्हाला तुमच्या मेहनतीचं पूर्ण फळ देतील. व्यवसायात तुम्ही एखादी मोठी डील फायनल करू शकता.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: