Shani Sade Sati : शनिच्या साडेसातीचा 'हा' टप्पा सर्वात भयानक; नोकरी, पैसा, आरोग्य सगळंच...मेष, कुंभ, मीन राशीच्या लोकांना...

Shani Sade Sati : ज्योतिष शास्त्रानुसार, शनिच्या साडेसातीचा काळ सर्वांसाठीच त्रासदायक असतो. पण साडेसातीचा कोणता टप्पा सुरु आहे हे महत्त्वाचं आहे.

Shani Sade Sati

Source : ABP WEB TEAM

Shani Sade Sati : ज्योतिष शास्त्रानुसार, शनिला (Shani Dev) कर्मफळदाता आणि न्यायदेवता म्हणतात. शनि हा सर्वात हळुवार गतीने चालणारा ग्रह आहे. शनि एका राशीत तब्बल अडीच वर्ष राहतो. हे आपल्या सर्वांनाच माहीत आहे. सध्या शनी मीन राशीत विराजमान आहे. याच राशीत शनिच्या साडेसातीचा दुसरा टप्पा सुरु आहे. तर, कुंभ राशीवर तिसरा आणि मेष राशीवर (Zodiac Signs) साडेसातीचा पहिला टप्पा सुरु आहे. 

ज्योतिष शास्त्रानुसार, शनिच्या साडेसातीचा काळ सर्वांसाठीच त्रासदायक असतो. पण साडेसातीचा कोणता टप्पा सुरु आहे हे महत्त्वाचं आहे. या ठिकाणी आपण जाणून घेणार आहोत की शनिच्या साडेसातीचा कोणता टप्पा सर्वात कष्टायचा आणि आव्हानात्मक असतो. आणि या राशींवरची साडेसाती नेमकी कधी संपणार आहे. 

मेष रास - साडेसातीचा पहिला टप्पा 

मेष राशीच्या लोकांवर शनिच्या साडेसातीचा पहिला टप्पा सुरु आहे. या राशीवर 2032 पर्यंत शनिच्या साडेसातीचा प्रभाव असणार आहे. हा टप्पा सुरुवातीचा असतो आणि कठीणच मानला जातो. शनिच्या साडेसातीमुळे या राशींच्या जीवनात अचानक बदल घडतात. नोकरीत ट्रान्सफर मिळते. तसेच, खर्चात अचानक वाढ होते. या कालावधीत तुम्हाला डोकेदुखी किंवा डोळ्यांशी संबंधित समस्या उद्भवू शकतात. 

उपाय - शनि साडेसातीच्या पहिल्या टप्प्यात भगवान हनुमानाची पूजा करणं लाभदायी ठरेल. 

मीन रास - शनिच्या साडेसातीचा दुसरा टप्पा 

सध्या मीन राशीवर शनि साडेसातीचा दुसरा टप्पा सुरु आहे. या राशीवर 2029 पर्यंत साडेसाती चालणार आहे. साडेसातीचा हा टप्पा सर्वात कठीण मानला जातो. या काळात तुम्हाला वैयक्तिक संघर्ष फार करावा लागतो. तसेच, तुम्हाला करिअरमध्ये अनेक संघर्षाचा सामना करावा लागतो. तसेच, नोकरी आणि व्यवसायाशी संबंधित सावधानता बाळगण्याची गरज असते.  

उपाय - साडेसातीच्या या टप्प्यात दान-पुण्याचं काम करणं लाभदायी ठरेल. 

कुंभ रास - शनिच्या साडेसातीचा तिसरा टप्पा 

कुंभ राशीच्या लोकांवर शनिच्या साडेसातीचा तिसरा टप्पा सुरु आहे. हा टप्पा 2027 वर्षात समाप्त होणार आहे. या टप्प्यात आर्थिक बाबींचा सामना करावा लागतो. तसेच, दीर्घकालीन आजारापासून सुटका मिळते. तुमचे पैसे रखडू शकतात. त्यामुळे या काळात कोणाशीही पैशांची देवाण-घेवाण करु नका. पैसे गुंतवणुकीच्या बाबतीत विचारपूर्वक निर्णय घ्या. 

उपाय - साडेसातीच्या या टप्प्यात शनि देवाची पूजा आणि आराधना करणं गरजेचं आहे. 

हे ही वाचा :

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)