Shani Jayanti 2025: हिंदू धर्मात आणि ज्योतिषशास्त्रानुसार, शनिदेवांचे मोठे महत्त्व आहे, त्यांना कर्माची देवता तसेच न्यायाधीश म्हटले जाते. म्हणूनच सर्व ग्रहांमध्ये शनिदेवाच्या उपासनेला विशेष स्थान आहे. 29 मार्चला शनिने मीन राशीत प्रवेश केला, ज्यामुळे काही राशींची साडेसाती संपली, तर काहींची सुरू झाली. अशातच शनीच्या साडेसाती आणि दुर्दैवाने त्रस्त असलेले लोक विशेषतः शनिदेवाच्या जयंतीची वाट पाहतात. कारण या दिवशी शनिदेवाची योग्य उपासना केल्याने या सर्वांपासून मुक्तता मिळते असे मानले जाते. धार्मिक शास्त्रांमध्ये शनिदेवाचा महिमा वर्णन केला आहे. 2025 मध्ये शनिदेवाचे मीन राशीत संक्रमण झाले आहे. 2025 मध्ये शनिदेव जयंती कधी साजरी होईल? जाणून घ्या..
26 की 27 मे? शनि जयंती नेमकी कधी आहे?
वैदिक पंचागानुसार, शनिदेवाचा जन्म ज्येष्ठ महिन्याच्या अमावास्येला झाला. या वर्षी ही तारीख 27 मे 2025 रोजी येत आहे. या दिवशी शनिदेवाची जयंती मोठ्या थाटामाटात साजरी केली जाईल. अमावस्या तिथी सोमवार, 26 मे रोजी दुपारी 12:11 वाजता सुरू होईल आणि ही अमावस्या तिथी मंगळवार, 27 मे रोजी रात्री 8:31 वाजता संपेल. म्हणून 2025 मध्ये 27 तारखेला मंगळवार रोजी शनि जयंती साजरी केली जाईल.
शनि जयंतीची शुभ वेळ, शुभ मुहूर्त आणि उपायांबद्दल जाणून घेऊया.
हिंदू दिनदर्शिकेनुसार, शनि जयंती ही ज्येष्ठ महिन्याच्या अमावस्येला साजरी केली जाते. असे मानले जाते की या दिवशी सूर्यदेव आणि छाया यांचा मुलगा शनिदेव यांचा जन्म झाला होता. न्यायाची देवता आणि कर्माचे फळ देणारा शनीची पूजा करण्याचे आणि या दिवशी उपवास करण्याचे महत्त्व आहे. असे मानले जाते की शनिदेव लोकांना त्यांच्या कर्मानुसार फळ देतात. ज्येष्ठ महिन्यात येणाऱ्या शनि जयंतीची योग्य तारीख, शुभ वेळ आणि उपायांबद्दल जाणून घेऊया...
वारंवार मेहनत करूनही तुम्हाला यश मिळत नसेल तर...
जर तुमच्या कुंडलीत शनि ग्रह भारी असेल किंवा वारंवार मेहनत करूनही तुम्हाला यश मिळत नसेल, तर शनि जयंती तुमच्यासाठी खूप खास दिवस असू शकतो. शनिदेवाला न्यायाचे देव मानले जाते, जे व्यक्तीला त्याच्या कर्मानुसार फळ देतात. असे म्हटले जाते की या दिवशी जो कोणी शनिदेवांना प्रसन्न करतो, त्याचे भाग्य बदलू शकते.
शुभ मुहूर्त आणि योग
अमावस्या तिथीची सुरुवात: 26 मे, दुपारी 12:11 वाअमावस्या तिथीची समाप्ती: 27 मे, सकाळी 8:31 वा
या दिवशी काय करावे?
- शनिदेवाची पूजा करा, मोहरीच्या तेलाचा दिवा लावा.
- शनिश्चरी जयंती व्रत ठेवा.
- पिंपळाच्या झाडाला प्रदक्षिणा घाला आणि पाणी अर्पण करा.
- काळे तीळ, काळे कपडे आणि लोखंड दान करा.
- गरजूंना अन्न किंवा कपडे दान करा.
शिवाच्या भक्तीने शनिदेव प्रसन्न होतात..
शास्त्रांमध्ये असे म्हटले आहे की शनिदेव शिवाची पूजा करणाऱ्या व्यक्तीला आशीर्वाद देतात. या दिवशी शिवलिंगावर गंगाजल, दूध आणि जल अर्पण करणे खूप शुभ मानले जाते. शनि जयंतीचा दिवस तुमच्या जीवनात सकारात्मक बदल आणू शकतो. फक्त भक्तीने आणि योग्य पद्धतीने पूजा करा.
या दिवशी अनेक शुभ योग तयार होत आहेत.
सुकर्म योग - 27 मे रात्री 10:54 पर्यंतसर्वार्थ सिद्धी योग - सकाळी 5:25 ते 5:32 (खूप दुर्मिळ)शिववास योग - सकाळी 8:31 पर्यंत राहील
हेही वाचा :
Shani Budh Yuti 2025: शनि - बुधाचा जबरदस्त योग! मे महिन्यात 'या' 3 राशींचं नशीब फळफळणार, नोकरीत प्रमोशन, करिअर जोरात, मोठे आर्थिक लाभ
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)