Shani Ast 2026 : ना ढैय्याचं सावट, ना साडेसातीचा खतरा! शनिच्या अस्ताने पुढचे 40 दिवस 'या' राशींचा राजेशाही थाट, मालामाल होण्याची सुवर्णसंधी

Shani Ast 2026 : शनिच्या स्थितीत एखादा बदल होतो तर त्याचा थेट परिणाम सर्व राशींवर दिसून येतो. त्यानुसार, येत्या 13 मार्च रोजी शनि मीन राशीत अस्त होणार आहे.

Shani Ast 2026

Source : ABP WEB TEAM

Shani Ast 2026 : वैदिक ज्योतिष शास्त्रानुसार, शनिदेवाला (Shani Dev) कर्मफळदाता म्हणतात. याचाच अर्थ शनि (Shani Ast 2026) प्रत्येक राशीला आपल्या कर्मानुसार फळ देतो. मात्र, जेव्हा शनिच्या स्थितीत एखादा बदल होतो तर त्याचा थेट परिणाम सर्व राशींवर दिसून येतो. त्यानुसार, येत्या 13 मार्च रोजी शनि मीन राशीत अस्त होणार आहे. तर, 22 एप्रिलपर्यंत तो याच राशीत स्थित असणार आहे. 

शनिच्या अस्ताचा काळ 

ज्योतिष शास्त्रानुसार, शनि देव 13 मार्च 2026 रोजी संध्याकाळी 7 वाजून 13 मिनिटांनी अस्त होणार आहे. त्यानंतर जवळपास 40 दिवसांपर्यंत शनिची ही स्थिती असेल. तर, 22 एप्रिल 2026 रोजी पहाटे 4 वाजून 49 मिनिटांनी शनि पुन्हा उदय होणार आहे. या काळात तुम्ही तुमची रखडलेली कामे पूर्ण करु शकता. 

'या' राशींचा गोल्डन टाईम सुरु 

मेष रास (Aries Horoscope)

मेष राशीच्या लोकांसाठी शनिचा अस्त आर्थिक बाबतीत सक्षम करणारा असणार आहे. या काळात तुम्हाला तुमच्या खर्चावर नियंत्रण ठेवावं लागेल. तसेच, तुमची जी काही अपूर्ण राहिलेली कामे असतील ती तुम्हाला या काळात पूर्ण करता येतील. या राशीवर साडेसातीचं कोणतं सावट नसणार आहे. 

वृश्चिक रास (Scorpio Horoscope)

वृश्चिक राशीच्या लोकांसाठी हा काळ फार महत्त्वाचा असणार आहे. या काळात तुमच्या करिअर आणि व्यवसायात चांगले सकारात्मक परिणाम दिसून येतील. तसेच, प्रमोशनची संधी तुम्हाला मिळू शकते. व्यवसायात तुम्हाला अप्रत्यक्षपणे लाभ मिळू शकतो. शनिच्या अस्ताचा सकारात्मक परिणाम या राशीवर दिसेल. 

कुंभ रास (Aquarius Horoscope)

कुंभ राशीच्या लोकांसाठी हा काळ आर्थिकदृष्ट्या फार अनुकूल असणार आहे. या काळात तुम्हाला उत्पन्नाच्या अनेक नव्या संधी मिळतील. तसेच, तुमच्या नोकरीत स्थिरता टिकून राहील. कामाच्या निमित्ताने तुम्हाला परदेशात जाण्याची संधी देखील मिळू शकते. या काळात मोठी आव्हाने तुम्ही स्वीकारु शकता. 

मीन रास (Pisces Horoscope)

मीन राशीतच शनिचा अस्त होणार आहे. त्यामुळे तुमच्यासाठी हा काळ सुवर्णसंधीच घेऊन येईल. या कालावधीत तुमचा मानसिक तणाव कमी होईल. नवीन प्रोजेक्ट्सवर तुम्ही काम सुरु करु शकता. तसेच, तुमचा दृष्टीकोन सकारात्मक राहील. कोणताही निर्णय घेताना विचारपूर्वक घ्याल. 

हे ही वाचा :

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)