Rahu Nakshatra Transit 2024 : ज्योतिषशास्त्रानुसार, राहु (Rahu) सर्वात शक्तिशाली ग्रहांपैकी एक ग्रह मानण्यात आला आहे. राहु दिड वर्षातून एकदा संक्रमण करतो. तसेच, राहुची नेहमी वक्री चाल असेल. जर तुमच्या कुंडलीत राहु असेल तर राजाला सुद्धा गरीब बनवण्याची ताकद असते आणि गरीबाला सुद्धा राजा बनवण्याची शक्ती असते. राहुने 2023 मध्ये संक्रमण करून मीन राशीत प्रवेश केला. आता 18 मे 2025 पर्यंत तो याच राशीत (Zodiac Signs) स्थित असणार आहे.
पण, या दरम्यान राहु नक्षत्र परिवर्तन करणार आहे. सध्या राहु रेवती नक्षत्रात आहे. आणि आता उत्तरा भाद्रपद नक्षत्रात प्रवेश करणार आहे.
राहुचं हे नक्षत्र परिवर्तन 8 जुलै रोजी होणार आहे. राहु नक्षत्र संक्रमण करून उत्तरा भाद्रपद नक्षत्रात प्रवेश करणार आहे. उत्तरा नक्षत्राचा स्वामी शनी आहे. याचा कोणत्या राशींवर कसा परिणाम होणार आहे या संदर्भात अधिक माहिती जाणून घेऊयात.
वृषभ रास (Taurus Horoscope)
वृषभ राशीचा स्वामी शुक्र आहे. शुक्र हा राहुचा मित्र ग्रह आहे. राहुचं नक्षत्र संक्रमण वृषभ राशीच्या लोकांना फार लाभदायक ठरणार आहे. या दरम्यान तुम्हाला अचानक धनलाभ होईल. तसेच, तुमची अनेक दिवसांपासून रखडलेली कामे पूर्ण होतील. तुम्हाला अप्रत्यक्षपणे लोकांची मदत मिळेल. तसेच, तुम्हाला शेअर मार्केटमध्ये चांगली लाभाची संधी मिळेल. तसेच, तुमच्या करिअरच्या प्रत्येक क्षेत्रात तुम्हाला यश मिळेल.
तूळ रास (Libra Horoscope)
तूळ राशीचा स्वामी ग्रह हा शुक्र आहे. राहु हा शुक्र ग्रहाचा मित्र आहे त्यामुळे याचा तूळ राशीच्या लोकांवर फार चांगला परिणाम होणार आहे. या काळात तुमच्या उत्पन्नात वाढ होण्याची शक्यता आहे. तसेच, उत्पन्नाचे अनेक नवीन स्त्रोत तुमच्यासमोर खुले होतील. या काळात तुम्हाला नशिबाची पूर्ण साथ मिळेल. परदेशाशी संबंधित व्यापार करण्याची तुम्हाला संधी मिळेल. तसेच, नोकरदार वर्गाला प्रमोशनची संधी मिळेल.
वृश्चिक रास (Scorpio Horoscope)
वृश्चिक राशीच्या लोकांसाठी राहुचं नक्षत्र परिवर्तन लाभदायक ठरणार आहे. या दरम्यान तुमचे अनेक दिवसांपासून रखडलेली कामे पूर्ण होतील. तुमच्या करिअरमध्ये तुम्हाला लाभाची संधी मिळेल. विशेषत: उत्पन्नाच्या संबंधित तुमचा हा काळ चांगला असणार आहे. तुमची आर्थिक स्थिती मजबूत असणार आहे. पण, तुम्हाला तुमच्या तब्येतीची काळजी घेणं गरजेचं आहे.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :