Pani Upay : पाण्याशी संबंधित करा 'हे' छोटे उपाय, गरिबी होईल दूर; बॅंक बॅलेन्समध्ये होईल मोठी वाढ

Pani Upay : ज्योतिष शास्त्रात म्हटल्याप्रमाणे, व्यक्तीच्या हातात पैसा न टिकण्याची अनेक कारणं आहेत.

Pani Upay : अनेकदा लोकांना पैशांशी (Money) संबंधित समस्यांशी सामोरं जाताना पाहिलं आहे. यासाठी ते अनेक प्रकारचे ज्योतिषीय उपाय देखील करतात. मात्र, अनेकदा लोकांना नशिबाची साथ न मिळाल्या कारणाने त्यांना यश मिळत नाही. तर, काही लोक हे त्यांच्या नशिबाचेच धनी असतात. अशा लोकांवर देवी लक्ष्मीची कृपा सदैव असते. पण यांच्या हातात पैसा टिकत नाही. 

ज्योतिष शास्त्रात म्हटल्याप्रमाणे, व्यक्तीच्या हातात पैसा न टिकण्याची अनेक कारणं आहेत. जसे की, कुंडलीतील अशुभ ग्रह, व्यक्तीच्या काही चुकीच्या सवयी इ. अशातच पैशांची आवक वाढत राहावी आणि तुमच्या तिजोरीत पैसा टिकून राहावा यासाठी ज्योतिष शास्त्रात काही उपाय सांगण्यात आले आहेत. हे पाण्याचे उपाय केल्याने तुमचा आर्थिक संकटापासून बचाव होऊ शकतो. हे उपाय नेमके कोणते ते जाणून घेऊयात. 

सूर्याला जल अर्पण करा 

सूर्य हा सर्व ग्रहांमध्ये सर्वात मोठा ग्रह मानला जातो. असं म्हणतात की सूर्य देवाच्या कृपेने लवकर नोकरी मिळते. त्याचबरोबर, व्यक्तीला प्रत्येक कार्यात यश मिळते. व्यक्तीची प्रगती देखील होते. तुम्ही जर नियमित रुपात सूर्याला जल अर्पण केलं तर तुमच्या जीवनात चांगलं यश तुम्हाला प्राप्त होईल. तसेच, सूर्याला जल अर्पण करण्यासाठी तुम्ही तांब्याचं भांडं वापरु शकता. यामुळे तुमची आर्थिक संकटापासून सुटका होईल. 

अंघोळीच्या पाण्यात गुलाब जल टाका 

मान्यतेनुसार, अंघोळ करताना पाण्यात गुलाब जल टाकून स्नान केल्याने व्यक्तीची आर्थिक तंगीपासून सुटका होते. हा उपाय तुमच्यासाठी रामबाण उपाय ठरु शकतो. यामुळे तुमच्या मान-सन्मानातही चांगली वाढ होईल. 

गंगाजलचा 'असा' वापर करा 

ज्योतिष शास्त्रानुसार, पैशांची कमतरता दूर करण्यासाठी तसेच, तिजोरीतूल पैशांची आवक वाढविण्यासाठी तुमच्यासाठी गंगाजलचा उपाय फार लाभदायक ठरू शकतो. जर तुमच्याकडे पैसा टिकत नसेल तर अशा घराच्या उत्तर-पूर्व दिशेला तांब्याचा कलश गंगाजल भरुन ठेवा. यामुळे तुम्हाला सकारात्मक बदल जाणवेल. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :