Numerology : दुसऱ्यांचे पैसे उडवण्यात पटाईत असतात 'या' जन्मतारखेच्या मुली; स्वतःचा खिसा कधीच करत नाहीत रिकामा

Numerology : आज आपण अशाच काही मूलांकाच्या मुलींबद्दल जाणून घेणार आहोत. ज्या फार कंजूष स्वभावाच्या असतात. ज्यांना स्वत:चे पैसे खर्च करायला आवड नाहीत.

Numerology

Source : ABP Web Team

Numerology : अंकशास्त्रात (Ank Shastra) मूलांकाच्या आधारे त्या व्यक्तीचं भविष्य, व्यक्तिमत्व, त्या व्यक्तीची व्यवहार करण्याची पद्धत आणि एकंदरीत त्याच्या वर्तनाबद्दल अंदाज लावता येतो. व्यक्तीच्या जन्मतारखेनुसार त्याचा मूलांक (Mulank) काढला जातो. आज आपण अशाच काही मूलांकाच्या मुलींबद्दल जाणून घेणार आहोत. ज्या फार कंजूष स्वभावाच्या असतात. ज्यांना स्वत:चे पैसे खर्च करायला आवड नाहीत पण इतरांकडून पैसे काढणं म्हणजे यांच्या डाव्या हाताचा खेळ असतो. या कोणत्या जन्मतारखेच्या मुली आहेत ते जाणून घेऊयात. 

मूलांक 5 

ज्या लोकांचा जन्म कोणत्याही महिन्याच्या 5, 14 आणि 23 तारखेला झाला आहे अशा लोकांचा मूलांक 5 असतो. मूलांक 5 चा स्वामी ग्रह बुध आहे. बुध ग्रह बुद्धी, वाणी आणि चातुर्यासाठी ओळखला जातो. या जन्मतारखेचे लोक फार चलाख बुद्धीचे असतात. तसेच, पैशांची गुंतवणूक करायला यांना फार आवडतं. मात्र, हे लोक फार कंजूष स्वभावाचे असतात. या लोकांना पैसे साठवून गुंतवणूक करायला आवडते. 

मूलांक 8

ज्या लोकांचा जन्म कोणत्याही महिन्याच्या 8,17 आणि 26 तारखेला झाला आहे. अशा लोकांचा मूलांक 8 असतो. शनीदेवाचा प्रभाव असल्या कारणाने या लोकांना फार संघर्ष आणि मेहनत करुन यश मिळतं. त्यामुळे या जन्मतारखेच्या लोकांना पैशांची किंमत कळते. त्यामुळेच हे लोक फार विचार करुनच पैसे खर्च करतात. या जन्मतारखेच्या लोकांना कोणताच दिखावा करता येत नाही. त्यामुळे हे लोक विनाकारण पैसेही खर्च करत नाहीत. 

मूलांक 9

ज्या लोकांचा जन्म कोणत्याही महिन्याच्या 9, 18 आणि 27 तारखेला झाला आहे. अशा लोकांचा मूलांक 9 असतो. मूलांक 9 चा स्वामी ग्रह मंगळ आहे. त्यामुळे या जन्मतारखेचे लोक फार साहसी आणि पराक्रमी असतात. या लोकांना कोणताच दिखावा करता येत नाही. तसेच, एखादं आव्हान स्वीकारायला यांना फार आवडतं. तसेच, या जन्मतारखेचे लोक जिथे गरज असे तिथेच पैसे खर्च करतात. विनाकारण पैसे खर्च करायला यांना आवडत नाही. त्यामुळेच इतरांना हे फार कंजूष वृत्तीचे वाटतात. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: