Numerology : लग्नसंस्था, नको गं बाई! लग्नाच्या नावानेच दूर पळतात 'या' जन्मतारखेचे लोक; कितीही मागे लागा, शेवटी आपलंच करतात खरं

Numerology Of Mulank 7 : अंकशास्त्रानुसार, कोणत्याही महिन्याच्या 7, 16 आणि 25 तारखेला जन्मलेल्या लोकांचा मूलांक हा  7 असतो. 

Numerology Of Mulank 7

Source : ABP Web Team

Numerology Of Mulank 7 : ज्योतिष शास्त्राप्रमाणेच अंकशास्त्रालाही (Ank Shastra) विशेष महत्त्व आहे. प्रत्येक व्यक्तीचा मूलांक (Mulank) हा त्या व्यक्तीचा स्वभाव, त्याची आवड-निवड आणि विचार क्षमतेशी संबंधित आहे. याच्या माध्यमातून व्यक्तीचं लक्षण, चरित्र, नातेसंबंध आणि करिअरच्या बाबतीत माहिती मिळते. आज आपण मूलांक 7 चं व्यक्तिमत्व कसं असतं हे जाणून घेणार आहोत. 

अंकशास्त्रानुसार, कोणत्याही महिन्याच्या 7, 16 आणि 25 तारखेला जन्मलेल्या लोकांचा मूलांक हा  7 असतो. 

अंकज्योतिष शास्त्रानुसार, मूलांक 7 चे लोक फार भाग्यशाली असतात. कारण या लोकांमध्ये अंतर्ज्ञानाची एक विशेष अद्भूत शक्ती असते. या लोकांना भविष्य आधीच दिसतं असं म्हणतात. त्यामुळे अनेकदा या जन्मतारखेचे लोक अनेकदा काही कारण नसताना असे काही निर्णय घेतात ते नंतर अगदी खरे ठरतात.यासाठीच लग्नाचा विषय निघताच या जन्मतारखेचे लोक फार दूर पळतात. 

केतू ग्रहाचा असतो विशेष प्रभाव 

अंकशास्त्रानुसार, या जन्मतारखेच्या लोकांवर केतू ग्रहाचा विशेष प्रभाव असतो. केतू ग्रह हा रहस्य, अंतर्ज्ञान आणि आध्यात्मिकतेचं प्रतीक मानलं जातं. 

प्रॅक्टिकल स्वभाव 

या जन्मतारखेचे लोक फार प्रॅक्टिकल स्वभावाचे असतात. हे सहसा कोणाच्या भावनांमध्ये अडकत नाहीत. तसेच, यांना देखील कोणाला आपल्या आयुष्यात फारसं महत्त्व देणं तसं कठीणच जातं. कारण या लोकांचं इतरांपेक्षा स्वत:वर जास्त प्रेम असतं. यामुळेच हे लोक लव्ह, रिलेशनशिपपासून तसे दूरच असतात. 

बंधनात राहायला आवडत नाही

या जन्मतारखेच्या लोकांचा लग्नसंस्थेला, रिलेशनशिपला विरोध नाही. किंवा या जन्मतारखेचे लोक लग्नच करत नाही असंही नाही. मात्र, या लोकांना कोणाच्या बंधनात राहायला आवडत नाही. हे लोक फार मुक्त स्वभावाचे असतात. आपल्या गोष्टी आपल्या आवडीनुसार निवडायला यांना फार आवडतं. त्यामुळे अनेकदा हे लोक आपल्याच विश्वात रमतात. तसेच, यांना सोलो ट्रिप करायला फार आवडते. नवीन जागा एक्सप्लोर करायला, नवीन गोष्टी शिकायला यांना फार आवडतं. हे इतरांवर कधीच अवलंबून नसतात. 

फार गंभीर आणि शांत स्वभावाचे असतात

मूलांक 7 असणारे लोक फार गंभीर, विचारशील आणि अंतर्मुखी स्वभावाचे असतात. हे लोक जास्त बोलण्याकडे नाही तर गोष्टी समजून घेण्यात जास्त इंटरेस्टेड असतात. यांचा रहस्यमयी स्वभावच यांना इतरांपेक्षा वेगळं ठरवतो. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हेही वाचा :