Mauni Amavasya 2026 : हिंदू पंचांगानुसार, प्रत्येक महिन्याच्या कृष्ण पक्षच्या अंतिम तिथीला अमावस्या येते. असं म्हणतात, अमावस्येच्या दिवशी नकारात्मक ऊर्जा अधिक सक्रिय होते. या दिवशी धन संपत्ती, वैभव, सुख-समृद्धीसाठी देवी लक्ष्मीची पूजा देखील केली जाते.
यंदा पौष अमावस्या 18 जानेवारी रोजी येणार आहे. पौष अमावस्येलाच मौनी अमावस्या देखील म्हणतात. या दिवशी स्नान, दान आणि पुण्य कर्म करण्याचं विशेष महत्त्व आहे. ज्योतिष शास्त्रानुसार, मौनी अमावस्येचा हा काळ काही राशींसाठी फार आव्हानात्मक असणार आहे. या राशी कोणत्या ते जाणून घेऊयात.
वृषभ रास (Taurus Horoscope)
मौनी अमावस्येच्या दिवशी वृषभ राशीच्या लोकांना सावधानता बाळगण्याची गरज आहे. या काळात तुमचा मानसिक तणाव वाढू शकतो. तसेत, तुमच्या आरोग्यावरही परिणाम होऊ शकतो. नोकरदार वर्गातील लोकांना कामाच्या ठिकाणी मतभेद होण्याची शक्यता आहे. तसेच, तुम्हाला वरिष्ठ अधिकाऱ्यांचा चांगला सपोर्ट मिळेल.
सिंह रास (Leo Horoscope)
सिंह राशीच्या लोकांसाठी मौनी अमावस्या फार आव्हानात्मक असणार आहे. या काळात तुम्हाला प्रॉपर्टीच्या संदर्भात अनेक नुकसान सहन करावं लागू शकतं. तसेच, काही लोकांकडून तुमचा हक्क हिरावून घेतला जाऊ शकतो. नोकरदार वर्गातील लोकांसाठी हा काळ फार आव्हानात्मक असणार आहे. तसेच, कुटुंबात गैरसमज निर्माण होऊ शकतो
तूळ रास (Libra Horoscope)
तूळ राशीसाठी मौनी अमावस्या सावधानतेची असणार आहे. या काळात एखाद्या चुकीची शिक्षा तुम्हाला भोगावी लागू शकते. नोकरदार वर्गातील लोकांना या काळात कठीण परिस्थितीचा सामना करावा लागेल. तसेच, तुम्हाला तुमच्या मेहनतीचं फळ न मिळाल्याने तुमची निराशा होऊ शकते. त्यामुळे, एखादी गोष्ट कवटाळत बसू नका. भविष्याचा विचार करा.
मीन रास (Pisces Horoscope
मीन राशीच्या लोकांसाठी मौनी अमावस्येचा काळ फार आव्हानात्मक असेल. या काळात तुम्ही तुमच्या वाणीवर नियंत्रण ठेवण्याची गरज आहे. तसेच, कोणावरही आंधळेपणाने विश्वास ठेवू नका. तुमच्या हातून नकळतपणे चूक घडू शकते. त्यामुळे नकारात्मक लोकांपासून दूर राहा. नशिबावर अवलंबून राहू नका.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हे ही वाचा :