Mahashivratri 2026 : यंदाच्या महाशिवरात्रीला तुमच्या राशीनुसार करा 'हे' उपाय; वर्षभर राहाल 'टेन्शन फ्री', महादेवाची कृपा
Mahashivratri 2026 Zodiac Signs : महाशिवरात्रीला राशीनुसार कोणते उपाय करावेत या संदर्भात सविस्तर माहिती जाणून घेऊयात.
Mahashivratri 2026 Zodiac Signs : महाशिवरात्रीला (Mahashivratri) राशीनुसार (चंद्र राशी किंवा लग्न राशीनुसार) अभिषेक आणि पूजा केल्यास त्या त्या राशीच्या स्वामी ग्रहाची शांती होते आणि महादेवाचा विशेष आशीर्वाद प्राप्त होतो. या संदर्भात सविस्तर माहिती डॉ. भूषण ज्योतिर्विद यांनी दिली आहे. ती सविस्तर जाणून घेऊयात.
राशीनुसार करण्याचे प्रभावी उपाय खालीलप्रमाणे आहेत.
मेष रास (Aries Horoscope)
स्वामी: मंगळ
उपाय: शिवलिंगावर मध आणि गुळाचे पाणी मिसळून अभिषेक करा. लाल रंगाची फुले (कणेर किंवा जास्वंद) अर्पण करा.
मंत्र: 'ॐ नमः शिवाय' जप करावा.
वृषभ रास (Taurus Horoscope)
स्वामी: शुक्र
उपाय: गायीचे दूध आणि दही अर्पण करा. पांढरी फुले आणि पांढरे चंदन (सुगंधित) शिवलिंगाला लावा. यामुळे सुख-समृद्धी वाढते.
मंत्र: 'ॐ नागेश्वराय नमः' जप करावा.
मिथुन रास (Gemini Horoscope)
स्वामी: बुध
उपाय: उसाचा रस किंवा हिरव्या रंगाच्या फळांचा रस (उदा. द्राक्षे) अर्पण करा. शिवलिंगावर बेलपत्र आणि दूर्वा नक्की वाहा.
मंत्र: 'ॐ विश्वेश्वराय नमः' जप करावा.
कर्क रास (Cancer Horoscope)
स्वामी: चंद्र
उपाय: कच्चे दूध (न तापवलेले) आणि गंगाजल अर्पण करा. पांढरे कमळ किंवा पांढरी फुले वाहणे अत्यंत शुभ राहील. यामुळे मानसिक शांती मिळते.
मंत्र: 'ॐ सोमेश्वराय नमः' जप करावा.
सिंह रास (Leo Horoscope)
स्वामी: सूर्य
उपाय: पाण्यात गूळ मिसळून शिवलिंगावर अभिषेक करा. शक्य असल्यास केशरमिश्रित पाणीही वापरू शकता. लाल फुले आणि गहू अर्पण करा.
मंत्र: 'ॐ त्र्यंबकाय नमः' जप करावा.
कन्या रास (Virgo Horoscope)
स्वामी: बुध
उपाय: गंगाजलात थोडेसे हिरवे मूग आणि दूर्वा टाकून अभिषेक करा. बेलपत्र अर्पण करणे अतिशय लाभदायक ठरेल.
मंत्र: 'ॐ त्रिपुरान्तकाय नमः' जप करावा.
तूळ रास (Libra Horoscope)
स्वामी: शुक्र
उपाय: साखरमिश्रित दूध किंवा सुगंधी अत्तर (इत्र) पाण्यात मिसळून अभिषेक करा. यामुळे ऐश्वर्य आणि वैवाहिक सुख प्राप्त होते.
मंत्र: 'ॐ महाकालेश्वर नमः' जप करावा.
वृश्चिक रास (Scorpio Horoscope)
स्वामी: मंगळ
उपाय: पंचामृताने (दूध, दही, तूप, मध, साखर) अभिषेक करा. विशेषतः मधाने अभिषेक करणे आणि लाल फुले वाहणे खूप शुभ आहे.
मंत्र: 'ॐ अंगारेश्वराय नमः' जप करावा.
धनु रास (Sagittarius Horoscope)
स्वामी: गुरू
उपाय: दुधात केशर किंवा हळद मिसळून अभिषेक करा. पिवळ्या रंगाची फुले (उदा. झेंडू) आणि पिवळे चंदन अर्पण करा.
मंत्र: 'ॐ रामेश्वराय नमः' जप करावा.
मकर रास (Capricorn Horoscope)
स्वामी: शनी
उपाय: नारळ पाणी किंवा गंगाजलात काळे तीळ टाकून अभिषेक करा. शमीचे पान (शमी पत्र) वाहणे शनी दोषासाठी उत्तम आहे.
मंत्र: 'ॐ भिमेश्वराय नमः' जप करावा.
कुंभ रास (Aquarius)
स्वामी: शनी
उपाय: तीळाचे तेल किंवा मोहरीच्या तेलाने अभिषेक करणे विशेष फलदायी मानले जाते. यासह काळे तीळ आणि शमी पत्र अर्पण करा.
मंत्र: 'ॐ नीलकांठाय नमः' जप करावा.
मीन रास (Pisces Horoscope)
स्वामी: गुरू
उपाय: दुधात केशर मिसळून अभिषेक करा. तसेच पिवळी फुले आणि बदाम अर्पण करा.
मंत्र: 'ॐ घृष्णेश्वराय नमः' जप करावा.
डॉ. भूषण ज्योतिर्विद
हे ही वाचा :
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
Mahashivratri 2026 : भगवान शंकराच्या हातात डमरु का असतो? जाणून घ्या त्रिशूळ, वाघाचे कातडे, भस्म आणि सर्प यामागचं रहस्य...
महत्त्वाच्या बातम्या
