Lucky Zodiac Signs : 8 ऑक्टोबरला 'या' 5 राशींवर असणार लाडक्या बाप्पाची कृपा; नशीब सोन्याहून पिवळं होणार, धन-संपत्तीत भरभराट

Lucky Zodiac Signs 8 October 2025 : ग्रहांच्या स्थितीनुसार, उद्याच्या काही भाग्यवान राशीसांठी ग्रहांची स्थिती चांगली असणार आहे. त्यामुळे या कोणत्या भाग्यवान राशी आहेत ते जाणून घेऊयात. 

Lucky Zodiac Signs 8 October 2025

Source : ABP Web Team

Lucky Zodiac Signs 8 October 2025 : उद्या 8 ऑक्टोबर 2025 चा दिवस आहे. ग्रहांच्या स्थितीनुसार, उद्याचा दिवस फार शुभ असणार आहे. याचं कारण म्हणजे उद्या बुधवार असल्या कारणाने हा दिवस गणरायाला (Lord Ganesha) आपण समर्पित करतो. तसेच, ग्रहांच्या स्थितीनुसार, उद्याच्या काही भाग्यवान राशीसांठी ग्रहांची स्थिती चांगली असणार आहे. त्यामुळे या कोणत्या भाग्यवान राशी (Zodiac Signs) आहेत ते जाणून घेऊयात. 

मेष रास (Aries Horoscope)

मेष राशीसाठी उद्याचा दिवस सुखकारक असणार आहे. या कालावधीत तुम्हाला अचानक धनलाभ होऊ शकतो. तसेच, नोकरीत प्रगतीच्या अनेक संधी तुमच्यासाठी निर्माण होतील. घरात खेळीमेळीचं वातावरण असेल. तसेच, तुमच्यामध्ये शिकण्याची वृत्ती दिसून येईल. छोट्या छोट्या गोष्टींतून तुम्हाला आनंद मिळेल. या काळात तुम्ही घेतलेले निर्णय फायद्याचे ठरतील. 

वृषभ रास (Taurus Horoscope)

वृषभ राशीसाठी उद्याचा दिवस फार शुभकारक असणार आहे. तुमच्या आर्थिक स्थितीत चांगली वाढ झालेली दिसेल. तसेच, उद्याच्या दिवसांत तुम्हाला तुमचा जुना मित्र भेटू शकतो. त्याला भेटून तुमच्या जुन्या आठवणी ताज्या होतील. तसेच, तुमचं आरोग्य चांगलं राहील. फक्त बाहेरचे खाणं टाळा. 

सिंह रास (Leo Horoscope)

सिंह राशीसाठी उद्याचा दिवस लाभदायी ठरणार आहे. या काळात तुमच्या कार्यक्षेत्रात तुम्हाला यश मिळण्याची शक्यता आहे. तसेच, जर तुम्ही अधिक मेहनत घेतली तर तुमच्या मेहनतीला यश मिळेल. जर तुम्हाला गुंतवणूक करायची असेल तर त्यासाठी ही चांगली स्थिती आहे. तुम्हाला गुंतवणुकीतून चांगला लाभही मिळू शकतो. 

तूळ रास (Libra Horoscope)

तूळ राशीच्या लोकांना नशिबाची चांगली साथ मिळेल. या काळात नोकरदार वर्गातील लोकांना कामाच्या ठिकाणी प्रमोशन मिळण्याची शक्यता आहे. तसेच, उत्पन्नाची साधने तुमच्यासाठी उपलब्ध होतील. कामाच्या ठिकाणी सहकाऱ्यांचा तुम्हाला चांगला पाठिंबा मिळेल. तसेच, तुमची रखडलेली कामेही तुम्ही पूर्ण करु शकाल. 

धनु रास (Saggitarius Horoscope)

धनु राशीसाठी उद्याचा दिवस फार उत्साहाचा असणार आहे. तुमच्यावर नवीन जबाबादाऱ्या सोपवण्यात येऊ शकतात. त्या तुम्ही प्रामाणिकपणे पार पाडणं गरजेचं आहे. तसेच, कोणताही निर्णय घेताना विचारपूर्वक निर्णय घ्या. मित्रांच्या सहकार्याने तुमची अनेक कामे तुम्हाला पूर्ण करता येतील. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा :