Gauri Pujan 2024 : महाराष्ट्रातील मुख्य सणांपैकी एक म्हणजे ज्येष्ठ गौरी पूजन. हा सण दरवर्षी भाद्रपद महिन्यात साजरा केला जातो. स्त्रिया अखंड सौभाग्य मिळवण्यासाठी हे व्रत करतात.
गौरी पूजन हा सण ज्येष्ठ गौरी पूजन या नावानेही ओळखला जातो, या वर्षी 10 सप्टेंबर रोजी हा शुभ सण सुरू झाला आहे आणि तो 12 सप्टेंबर 2024 रोजी संपेल.
बुधवारी 11 सप्टेंबरला ज्येष्ठ नक्षत्रावर गौरीपूजन करावं. तसंच 12 सप्टेंबरला रात्री 9 वाजून 51 मिनिटांपर्यंत मूळ नक्षत्रावर गौरीचं विसर्जन करावं, असं ज्येष्ठ पंचांगकर्ते दा. कृ. सोमण यांनी सांगितलं आहे.
गौराईचं आगमन कधी?
मंगळवार, 10 सप्टेंबर 2024 रोजी
ज्येष्ठा गौरी आवाहन मुहूर्त
सकाळी 6:04 ते संध्याकाळी 6:32 पर्यंत
कालावधी - 12 तास 28 मिनिटं
ज्येष्ठा गौरी पूजन मुहूर्त
बुधवार, 11 सप्टेंबर 2024 रोजी
भाद्रपद शुक्ल पक्षाच्या अष्टमी तिथीला म्हणजे बुधवारी 11 सप्टेंबरला गौरी पूजन, नैवेद्य आणि हळदीकुंकू असणार आहे.
ज्येष्ठा गौरी विसर्जन
गुरुवार, 12 सप्टेंबर 2024 रोजी
भाद्रपद शुक्ल पक्षाच्या नवमी तिथीला म्हणजे, गुरुवारी 12 सप्टेंबरला गौरी - गणपतीचं विसर्जन आहे. यादिवशी सात दिवसांच्या बाप्पाचं विसर्जन होणार आहे.
ज्येष्ठा गौरी पूजन पद्धत
माता गौरीला शुद्ध पाण्याने आंघोळ घालून स्वच्छ स्टूलवर कापड पसरावं, त्यावर गौरी विराजमान कराव्यात. त्यानंतर गौरीला साडी नेसवून सोळा अलंकार केले जातात.
त्यानंतर गौरीच्या कपाळावर हळद, कुंकू आणि अक्षत लावतात. ज्येष्ठा गौरीच्या दिवशी गौरीच्या मूर्तीची प्रतिष्ठापना एका शुभ मुहूर्तावर केली जाते.
नैवेद्याच्या दुसऱ्या दिवशी 16 भाज्या, 16 कोशिंबीर, 16 चटण्या, 16 पदार्थ गौरीला अर्पण केले जातात. यानंतर 16 दिव्यांनी गौरीची आरती करण्याची श्रद्धा आहे.
ओवसा
अनेक ठिकाणी गौरी पूजनाच्या दिवशी ओवसा भरण्याची पद्धत असते. ओवसा म्हणजे गौरीला ओवाळणं किंवा ओवसणं , ज्याला ववसा असंही म्हटलं जातं. या परंपरेद्वारे घरातील सुनेला मानसन्मान दिला जातो. त्यांना त्यांच्या आवडीच्या भेटवस्तू अथवा पैसेही दिले जातात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :