Ganesh Chaturthi 2026 : बाप्पाला प्रसन्न करण्यासाठी गणेश चतुर्थीला करा 'हे' उपाय; वाचा राशीनुसार काय करावं आणि काय करु नये

Ganesh Chaturthi 2026 : तुम्ही गणेश चुतर्थीला तुमच्या राशीनुसर काही उपाय करु शकता. याचा तुम्हाला फायदा होईल. तर जाणून घेऊयात तुमच्या राशीनुसार उपाय. 

Ganesh Chaturthi 2026

Source : ABP WEB TEAM

Ganesh Chaturthi 2026 : हिंदू धर्मशास्त्रानुसार, गणरायाला आपण प्रथन पूजनीय मानतो. कोणतंही शुभ कार्य करण्याआधी गणपतीला आपण वंदन करतो. तसेच, गणरायाचा आशीर्वाद घेऊन शुभ कार्य पार पाडतो. गणेश चतुर्थीला (Ganesh Chaturthi) अवघे पाच दिवस बाकी आहेत. 14 सप्टेंबर 2026 रोजी घरोघरी, सार्वजनिक ठिकाणी लाडका बाप्पा विराजमान होणार आहे. यावर्षी तुम्ही गणेश चुतर्थीला तुमच्या राशीनुसर काही उपाय करु शकता. याचा तुम्हाला फायदा होईल. यासाठी तुमच्या राशीनुसार उपाय जाणून घेऊयात. 

मेष रास : मेष राशीच्या लोकांनी गणेश चतुर्थीच्या दिवशी गणेशाच्या वक्रतुंड स्वरूपाची पूजा करणं फायदेशीर ठरेल. तसेच, गणपतीला गुळाचा नैवेद्य दाखवावा.

वृषभ रास : वृषभ राशीच्या लोकांनी गणेशाच्या शक्तीविनायक रूपाची पूजा करावी. यासोबतच गणपतीला तूप आणि साखरेचा नैवेद्य दाखवणं फायदेशीर ठरेल.

मिथुन रास : या राशीने गणेश चतुर्थीच्या दिवशी लक्ष्मी गणेशाची पूजा करावी. गणपतील मुगाच्या लाडूचा नैवेद्य अर्पण करावा तसेच, गरजूंना दान करावा.  

कर्क रास : कर्क राशीने वक्रतुंड स्वरूपातील गणेशाची पूजा करावी. गणपतीला मोदकाचा नैवेद्य दाखवावा. शुभ परिणाम मिळतील.

सिंह रास : या राशीच्या लोकांनी लक्ष्मी गणेशाच्या स्वरूपातील गणेशाची पूजा करावी. चतुर्थीच्या दिवशी लाडक्या बाप्पाला मनुकांचा नैवेद्य अर्पण करावा. तुमची सर्व रखडलेली कामं पूर्ण होतील.

कन्या रास : कन्या राशीच्या व्यक्तींनी गणेश चतुर्थीच्या दिवशी बाप्पाच्या लक्ष्मी गणेश स्वरूपाची पूजा करावी आणि लाडक्या गणेशाला सुक्या मेव्याचा नैवेद्य दाखवावा. 

तूळ रास : तूळ राशीच्या व्यक्तींनी गणेश चतुर्थीच्या दिवशी मंदिरात शुद्ध तुपाचा दिवा लावावा आणि गणपतीला पाच नारळ अर्पण करावेत.

वृश्चिक रास : या राशीने गणेश चतुर्थीच्या दिवशी भगवान 'श्वेतर्क गणेश' (पांढऱ्या रंगातील गणेशाची मूर्ती) स्वरुपाची पूजा करावी. बाप्पाला लाल जास्वंदाची फुले अर्पण करणं तुमच्यासाठी शुभ राहील.

धनु रास : या राशीच्या लोकांनी गणेश चतुर्थीच्या दिवशी 'ॐ गं गणपतये नम:' मंत्राचा जप करावा आणि लाडक्या बाप्पाला बेसनाच्या लाडूचा नैवेद्य दाखवावा.

मकर रास : मकर राशीच्या व्यक्तींनी संकष्टी चतुर्थीच्या दिवशी शक्तीविनायकाची पूजा करावी. लाडक्या गणेशाला वेलची आणि लवंगा अर्पण कराव्यात. बाप्पाची कृपा राहील.  

कुंभ रास : कुंभ राशीच्या लोकांनी गणेशाच्या शक्तीविनायक स्वरूपाची पूजा करावी. गणेश चतुर्थी दिवशी अन्नदान करणंही तुमच्यासाठी फायदेशीर राहिल.

मीन रास : मीन राशीच्या व्यक्तींनी हरिद्र गणेशाची पूजा करावी. पूजेच्या वेळी गणेशाला मध आणि केशर अर्पण करा. यामुळे तुम्हाला लाभ मिळेल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

इतर महत्त्वाच्या बातम्या :