Ganesh Chaturthi 2023 : 19 सप्टेंबर 2023 पासून गणेशोत्सव (Ganeshotsav 2023) सुरू होत आहे. दरवर्षी भाद्रपद महिन्यातील शुक्ल पक्षातील चतुर्थी तिथीला देशभरात गणेशोत्सव उत्साहात साजरा केला जातो. गणेश चतुर्थीपासून अनंत चतुर्दशीपर्यंत गणपती बाप्पा भाविकांच्या घरी येतात आणि भक्तांच्या सर्व मनोकामना पूर्ण करतात, असा विश्वास आहे. असं म्हणतात की, श्रीगणेशाची या काळात केलेली उपासना, मंत्र, जप आणि तपस्या फलदायी ठरतात. गणपती बाप्पा भाविकांच्या जीवनातील विघ्न दूर करतात.



गणेश चतुर्थी 2023 शुभ योग


गणेश चतुर्थीच्या दिवशी सोने, चांदी, कार, जमीन यासारख्या शुभ वस्तूंची खरेदी फायदेशीर ठरते. यावर्षी गणेश चतुर्थीला एक अतिशय शुभ योग तयार होत आहे. या काळात खरेदी केल्याने लक्ष्मी देवीचा आशीर्वाद मिळतो. या काळात खरेदी केलेल्या वस्तू दीर्घकाळ लाभ देतील. 2023 मध्ये गणेश चतुर्थीच्या दिवशी स्वाती आणि विशाखा नक्षत्र, रवियोगाचा शुभ योग आहे. पौराणिक कथेनुसार, भगवान गणेशाचा जन्म स्वाती नक्षत्रात आणि सिंह राशीत झाला होता.



गणेश उत्सवातील खरेदीचा मुहूर्त


19 सप्टेंबर 2023 रोजी येणारी गणेश चतुर्थी खूप खास आहे. 19 सप्टेंबर ते 28 सप्टेंबर दरम्यान गणपतीच्या पूजेसोबतच चतुर्थी पण नवीन व्यवसाय सुरू करणे, घर, वाहन, दागिने, मालमत्ता खरेदी करणे किंवा फ्लॅट बुक करण्यासाठी तसेच वैयक्तिक कर्ज घेण्यासाठी शुभ मानले जाते. पंचागानुसार जाणून घ्या शुभ मुहूर्त


 


गणेश चतुर्थी 2023 : वाहन खरेदीची वेळ


20 सप्टेंबर 2023 2.59 दुपारी - 6.09 सकाळी, 21 सप्टेंबर
21 सप्टेंबर 2023 6.09 सकाळी - 2.14 दुपारी
25 सप्टेंबर 2023 11.55 सकाळी - 05.00 सकाळी, 26 सप्टेंबर
27 सप्टेंबर 2023 6.12 सकाळी- 10.18 रात्री


 


गणेशोत्सवाच्या 10 दिवसात खरेदीचे महत्त्व
हिंदू धर्मात, भगवान गणेशाच्या पूजेचा पहिला मान आहे. कोणतेही शुभ कार्य सुरू करण्यापूर्वी श्रीगणेशाची आराधना केली तर ते कार्य विना अडथळा पूर्ण होते. गणपती उत्सवाचे दहा दिवस प्रत्येक घरात बाप्पाची उपस्थिती असते. असे म्हणतात, शुभ वस्तू खरेदी केल्याने गणेशाचा विशेष आशीर्वाद प्राप्त होतो. नशीब आणि लाभ प्राप्त होतात. माता लक्ष्मी घरात येते आणि समृद्धी वाढते.


गणेश चतुर्थी 2023 : प्रॉपर्टी खरेदीचा मुहूर्त


21 सप्टेंबर 2023 06:09 सकाळी- 3.35 दुपारी
22 सप्टेंबर 2023 03.34 दुपारी - 06.10 सकाळी, 23 सप्टेंबर
28 सप्टेंबर 2023 06:12 सकाळी- 01.48 सकाळी, 29 सप्टेंबर
  


गणेश चतुर्थी 2023 पूजा मुहूर्त


हिंदू दिनदर्शिकेनुसार, गणेश चतुर्थी 18 सप्टेंबर 2023 रोजी दुपारी 12:39 वाजता सुरू होईल आणि 19 सप्टेंबर रोजी रात्री 8:43 वाजता संपेल.


गणेश स्थापनेचा शुभ मुहूर्त 


गणेश चतुर्थीच्या भाविक आपल्या घरी गणपतीची प्रतिष्ठापना शुभ मुहूर्तावर करतात. 19 सप्टेंबर रोजी उदय तिथीवर आधारित गणेश चतुर्थी साजरी केली जाईल. गणेश मूर्तीच्या स्थापनेचा शुभ मुहूर्त 19 सप्टेंबर रोजी सकाळी 11:07 ते दुपारी 01:34 पर्यंत आहे.


गणपती स्थापना - सकाळी 11 वाजता ते दुपारी 1 वाजून 34 मिनिटे (19 सप्टेंबर 2023)


 


टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.


 


संबंधित बातम्या


Ganeshotsav 2023: 'ही' आहेत भारतातील प्रसिद्ध गणपती मंदिर; यंदा गणेश चतुर्थीनिमित्त देऊ शकता भेट