Budh Gochar 2026 : वैदिक ज्योतिष शास्त्रानुसार, ग्रहांचा राजकुमार बुध ग्रह (Budh Gochar) 30 एप्रिल रोजी म्हणजेच उद्या सकाळी 6 वाजून 38 मिनिटांनी मेष राशीत संक्रमण करणार आहे. बुध ग्रह मीन राशीत विराजमान होाता जी नीच राशी मानली जाते. त्याचबरोबर, शनि ग्रहाबरोबर देखील बुध ग्रहाची युती होणार होती. अशातच बुधाच्या मेष राशीत संक्रमणाने स्थितीत चांगली सुधारणा पाहायला मिळणार आहे. बुधाच्या संक्रमणाने कोणकोणत्या राशींना आव्हानाचा सामना करावा लागणार आहे ते जाणून घेऊयात.
वृषभ रास (Taurus Horoscope)
बुध ग्रह वृषभ राशीच्या बाराव्या चरणात प्रवेश करणार आहे. या दरम्यान तुमच्या खर्चात अचानक वाढ होऊ शकते. त्यामुळे या कालावधीत कोणताही निर्णय घेताना तो नीट विचारपूर्वक घ्या. तुम्हाला अस्वस्थ वाटू शकतं. तसेच, आर्थिक जीवनात तुम्हाला सावधानता बाळगण्याची गरज आहे.
उपाय - या काळात योग, ध्यान, मंत्र जाप करण्यास सुरुवात करा. जेणेकरुन तुम्हाला मानसिक शांती लाभेल.
कन्या रास (Virgo Horoscope)
बुध ग्रह कन्या राशीच्या आठव्या चरणात संक्रमण करणार आहे. त्यामुळे या कालावधीत तुमच्या जीवनात अचानक बदल दिसून येतील. नोकरीत तुमच्यावर कामाच्या ठिकाणी काही महत्त्वाची जबाबदारी सोपवण्यात येऊ शकते. ती तुम्ही प्रामाणिकपणे पार पाडावी. तसेच, घाईगडबडीत कोणताही निर्णय घेऊ नका. मित्रांबरोबर वादविवाद होऊ शकतात.
उपाय - या काळात सकाळच्या वेळेस हिरव्या गवतांवर चालणं लाभदायी ठरेल. आरोग्यासाठी उत्तम राहील.
मकर रास (Capricorn Horoscope)
बुध ग्रह मकर राशीच्या चौथ्या चरणात संक्रमण करणार आहे. या काळात तुमच्या घरात काही आर्थिक समस्या भासू शकते. एखादं हाती घेतलेलं काम बिघडू शकतं. तसेच, तुमच्या तब्येतीवरही परिणाम होऊ शकतो. तुम्हाला मानसिक ताण देखील जाणवेल. घरात छोट्या छोट्या कारणांवरुन खटके उडू शकतात.
उपाय - अशा वेळी तुळशीची पूजा करावी. त्याचबरोबर तुळशीसमोर दिवा लावावा.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :