Astrology Panchang Yog 6 July 2025 : वैदिक ज्योतिष शास्त्रानुसार, आज 6 जुलै 2025 चा दिवस आहे. आजच्या दिवशी देशभरात आषाढी एकादशीचा (Ashadhi Ekadashi) उत्सव साजरा केला जातोय. त्यामुळे आजचा दिवस फार खास आहे. तसेच,आज चंद्राने वृश्चिक राशीत प्रवेश केला आहे. आजच्या दिवशी आदित्य योगासह साध्य योगाचा देखील शुभ संयोग जुळून आला आहे. तसेच, आज त्रिपुष्कर योग निर्माण झाला आहे. त्यामुळे आजच्या दिवसाचा महत्त्व वाढलं आहे.
वैदिक ज्योतिष शास्त्रानुसार, आज जुळून आलेल्या शुभ योगाचा लाभ 5 राशींना मिळणार आहे. या राशी कोणत्या ते जाणून घेऊयात.
मेष रास (Aries Horoscope)
मेष राशीसाठी आजचा दिवस फार शुभ असणार आहे. आज कामाच्या ठिकाणी सहकाऱ्यांचा तुम्हाला पाठिंबा मिळेल. त्यामुळे तुमची कामे सहजतेने पूर्ण होतील. नोकरदार वर्गातील लोकांना आपल्या मनाप्रमाणे काम करता येईल. रविवार सुट्टीचा दिवस असल्या कारणाने तुम्ही कुटुंबियांबरोबर फिरायला जाण्याचा प्लॅन करु शकता.
कर्क रास (Cacer Horoscope)
कर्क राशीसाठी आजचा दिवस लाभदायक असणार आहे. आज मित्रपरिवाराबरोबर तुमच्या भेटीगाठी होतील. तसेच, समाजात तुम्हाला मान सन्मान मिळेल. सोशल मीडियाचा तुम्ही जास्त वापर कराल. नवीन गोष्ट शिकण्यासाठी आजचा दिवस फार अनुकूल असणार आहे.
तूळ रास (Libra Horoscope)
तूळ राशीसाठी आजचा दिवस खास आहे. आजच्या दिवशी तुमच्या मार्गातील सर्व विघ्न दूर होतील. तसेच, तुमच्या मनातील इच्छा पूर्ण होईल. आज धनप्राप्तीचे योग जुळून येणार आहेत. तसेच, तुम्हाला भौतिक सुख सुविधांचा लाभ घेता येईल. तुमच्यावर कामाच्या अतिरिक्त जबाबदाऱ्या सोपवण्यात येतील. त्या तुम्ही प्रामाणिकपणे पार पाडणं गरजेचं आहे.
वृश्चिक रास (Scorpio Horoscope)
वृश्चिक राशीसाठी आजचा दिवस फार खास असणार आहे. लवकरच परदेशात जाण्याची संधी तुमच्यासाठी चालून येईल. तसेच, आज दिवसभरात तुम्हाला एखादी शुभवार्ता मिळू शकते. मुलं आज नवीन गोष्टी शिकण्यासाठी उत्सुक असतील. तसेच, संध्याकाळचा वेळ धार्मिक कार्यात घालवाल.
कुंभ रास (Aquarius Horoscope)
कुंभ राशीसाठी आजचा दिवस चांगला असणार आहे. तसेच, तुम्हाला तुमच्या मेहनतीचं फळ मिळेल. तुमच्या व्यवसायाचा विस्तार वाढलेला दिसेल. नवीन ऑर्डर्स तुम्हाला मिळतील. समाजात तुम्हाला चांगला मान-सन्मान मिळेल. तसेच, लवकरच तुम्ही धार्मिक यात्रेला सहभागी होऊ शकता.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :