Astrology Today 29 April 2024 : आज, सोमवार, 29 एप्रिल रोजी चंद्र धनु राशीत भ्रमण होणार आहे. याशिवाय आज चैत्र महिन्यातील कृष्ण पक्षातील षष्ठी तिथी असून या दिवशी सिद्ध योग, रवि योग आणि पूर्वाषाढ नक्षत्रांचा शुभ संयोग होत असल्याने आजच्या दिवसाचं महत्त्व अधिक वाढलं आहे.
वैदिक ज्योतिष शास्त्रानुसार, 5 राशींना आज बनत असलेल्या शुभ योगांचा फायदा होणार आहे. आज शनिदेवाच्या कृपेने जीवनातील साडेसाती देखील दूर होईल. आजच्या दिवसाच्या भाग्यवान 5 राशी (Zodiac Signs) नेमक्या कोणत्या ते जाणून घेऊया.
कन्या रास (Virgo)
कन्या राशीच्या लोकांसाठी आजचा दिवस खूप चांगला असणार आहे. कन्या राशीच्या लोकांना आज त्यांची स्वप्नं पूर्ण करण्यासाठी चांगल्या संधी मिळतील, त्यामुळे उद्दिष्टे साध्य करण्यासाठी पूर्ण तयारी ठेवा. कुटुंबात सुख-शांतीचं वातावरण असेल आणि तुम्ही आर्थिकदृष्ट्या संपन्न व्हाल. तसेच, आज तुम्हाला तुमच्या मुलाकडून काही चांगली बातमी मिळू शकते. व्यावसायिकांना त्यांच्या कामात अधिक मेहनत करावी लागेल. नोकरदार लोक आज सर्व कामं कुशलतेने पूर्ण करतील. जर तुम्ही आरोग्याशी संबंधित कोणत्याही समस्येने त्रस्त असाल तर आज तुम्हाला आराम मिळेल आणि तुमची प्रतिकारशक्ती मजबूत होईल.
धनु रास (Sagittarius)
आजचा दिवस धनु राशीच्या लोकांसाठी फायद्याचा असणार आहे. धनु राशीच्या लोकांना आज कामात चांगले परिणाम मिळतील आणि तुम्ही तुमचे उद्दिष्टं साध्य करण्यात यशस्वी व्हाल. व्यवसायात नवीन योजना सुरू करण्यासाठी आजचा दिवस शुभ आहे, तुम्हाला तुमच्या मेहनतीतून अधिक पैसे कमावण्याची संधी मिळेल. जर तुम्ही न्यायालयीन प्रकरणांमध्ये अडकले असाल तर आज तुमची धावपळ संपेल आणि तुम्ही सुटकेचा नि:श्वास टाकू शकाल. तुम्हाला तुमच्या प्रिय व्यक्ती आणि कुटुंबासोबत वेळ घालवण्याची संधी मिळेल. राशीच्या काही लोकांना परदेशात जाण्याची संधी मिळू शकते.
मकर रास (Capricorn)
मकर राशीच्या लोकांसाठी दिवस शुभ असणार आहे. मकर राशीच्या लोकांना आज महादेवाच्या कृपेने त्यांच्या कामात पूर्ण यश मिळेल आणि आर्थिक लाभही होईल. तुमचं कोणतंही सरकारी काम रखडलं असेल तर ते आज पूर्ण होऊ शकतं. तुम्हाला व्यवसायात चांगल्या प्रगतीच्या संधी मिळतील. तुमचं आरोग्य चांगलं राहील आणि तुमच्या जीवनात जे काही अडचणी आणि अडथळे होते, तेही दूर होतील. नोकरदार लोकांना नोकरीच्या चांगल्या संधी मिळतील, त्यामुळे करिअरमध्ये समाधान मिळेल. तुम्हाला मित्रांसोबत वेळ घालवण्याची संधी मिळेल. तुमच्या जोडीदाराशी तुमचे नाते दृढ राहील.
मीन रास (Pisces)
मीन राशीच्या लोकांसाठी आजचा दिवस विशेष फलदायी असणार आहे. मीन राशीचे लोक आज सर्व कामं उत्साहाने करतील. आज तुम्हाला एखाद्या ठिकाणी अडकलेला पैसा परत मिळू शकतो. तुम्हाला मालमत्ता किंवा गाडी घ्यायची असेल तर तुमची इच्छा आज पूर्ण होऊ शकते. आज पती-पत्नी एकमेकांना समजून घेतील. नोकरदार लोकांच्या कामाचं आज कौतुक होईल. आज व्यावसायिकांना चांगला नफा होईल. तुमच्या भावा-बहिणींच्या मदतीने तुमची अनेक कामं पूर्ण होतील. कुटुंबात शांती आणि आनंद राहील, ज्यामुळे तुमचं मनही प्रसन्न राहील. तुम्ही संध्याकाळी मुलांसोबत खरेदीलाही जाऊ शकता.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: