कांद्याच्या दरात वाढ! ग्राहकांसाठी सरकारनं घेतला मोठा निर्णय, 17 शहरात तब्बल 4000 टन कांदा, नेमका किती आहे दर?
Onion price : वाढत्या कांद्याच्या दराच्या पार्श्वभूमीवर सरकारनं मोठा निर्णय घेतला आहे. सरकारने 17 शहरात 4000 टन कांदा विक्रीसाठी आणला आहे.
Onion price : कांद्याच्या दरात सध्या वाढ होत असल्याचं चित्र पाहायला मिळत आहे. या वाढत्या दराचा फायादा सध्या ज्या शेतकऱ्यांकडे कांदा शिल्लक आहे त्यांना होताना दिसत आहे. मात्र, देशातील बहुतांश शेतकऱ्यांकडे कांदा शिल्लक नाही. खूप कमी प्रमाणात शेतकऱ्यांना या वाढत्या दराचा फायदा मिळत आहे. दरम्यान, वाढत्या कांद्याच्या दराच्या पार्श्वभूमीवर सरकारनं मोठा निर्णय घेतला आहे. सरकारने 17 शहरात 4000 टन कांदा विक्रीसाठी आणला आहे. ग्राहकांना 35 रुपये दराने या कांद्याची विक्री केली जात आहे. वाढत्या दराच्या पार्श्वभूमीवर सरकारने ग्राहकांना दिलासा दिला आहे.
निवडक शहरांमध्ये ग्राहकांना 35 रुपये प्रति किलो दरानं कांद्याची विक्री
कांद्याच्या वाढत्या किमतींच्या पार्श्वभूमीवर ग्राहकांना दिलासा देण्यासाठी सरकारनं मोठा निर्णय घेतला आहे. बाजारभाव नियंत्रणात ठेवण्यासाठी केंद्र सरकारने आपल्या बफर स्टॉकमधून सवलतीच्या दरात कांद्याची विक्री सुरू केली आहे. सरकारने आतापर्यंत 17 शहरांमध्ये अंदाजे 4000 टन बफर स्टॉक विकला आहे. विशेष म्हणजे, निवडक शहरांमध्ये ग्राहकांना 35 रुपये प्रति किलो या सवलतीच्या दरात कांदा दिला जात आहे.
सरकारनं दिलेल्या माहितीनुसार, या उपाययोजनेचा परिणाम आता बाजारात दिसू लागला आहे. कांद्याच्या किमती काही प्रमाणात कमी झाल्या आहेत. नवीन खरीप पिकाच्या आगमनानंतर येत्या काही दिवसांत किमतीत आणखी दिलासा मिळण्याची शक्यता आहे.
सरकारने किती कांद्याचा साठा केला?
केंद्र सरकारने 2026 या वर्षासाठी अंदाजे 1.21 लाख टन कांद्याचा बफर स्टॉक तयार केला आहे. हा कांदा गरजेनुसार विविध राज्ये आणि शहरांमध्ये वितरित केला जात आहे. सरकार आपल्या एजन्सी, एनसीसीएफ (NCCF) आणि नाफेड (NAFED) मार्फत बाजारात कांद्याचा पुरवठा करत आहे. ट्रक व्यतिरिक्त, कांदा उत्पादक राज्यांमधून प्रमुख शहरांमध्ये कांदा पोहोचवण्यासाठी 'कांदा एक्सप्रेस' सारख्या विशेष गाड्यांचा वापर केला जात आहे. दिल्ली आणि चेन्नई येथे मोठ्या प्रमाणात कांदा आधीच पोहोचवण्यात आला आहे. आता गुवाहाटीलाही कांदा पाठवण्याची तयारी सुरू आहे.
दरम्यान, ज्या शहरांमध्ये कांद्याचे भाव खूप जास्त होते, अशी काही शहरे सरकारने निश्चित केली आहेत. या ठिकाणी सरकार बफर स्टॉक कांदा 35 रुपये प्रति किलो या सवलतीच्या दरात विकत आहे. एनसीसीएफनुसार, आतापर्यंत किरकोळ विक्रीतून अंदाजे 1500 टन कांदा विकला गेला आहे.
कोणत्या राज्यांमध्ये कांद्याची विक्री?
दिल्ली-एनसीआर
तामिळनाडू
उत्तर प्रदेश
केरळ
राजस्थान
पंजाब
ओडिशा
सरकारी आकडेवारीनुसार, अनुदानित विक्री सुरू होण्यापूर्वी, 28 ऑगस्ट रोजी कांद्याचा अखिल भारतीय सरासरी किरकोळ भाव 48.50 प्रति किलो होता. 5 सप्टेंबर रोजी हा भाव वाढून सुमारे 50.79 प्रति किलो झाला.
कोणत्या शहरात किती दर?
दिल्ली: 58 प्रति किलो
मुंबई: 53 प्रति किलो
चेन्नई: 63 प्रति किलो
रांची: 40 प्रति किलो
सरासरी घाऊक भाव: 42.79 प्रति किलो
महत्त्वाच्या बातम्या
